ബദിയടുക്കയിൽ ചെമ്മണ്ണ് മാഫിയകളെ തളക്കാൻ പൊലീസ്

ബ​ദി​യ​ടു​ക്ക: ബ​ദി​യ​ടു​ക്ക സ്റ്റേഷൻ പ​രി​ധി​യി​ൽ ചെ​മ്മ​ണ്ണ് മാ​ഫി​ക​ളെ ത​ള​ക്കാ​ൻ പൊ​ലീ​സ്​ രം​ഗ​ത്തി​റ​ങ്ങി. ഇ​വ​രു​ടെ ശ​ല്യം വ​ർ​ധി​ച്ച​തോ​ടെ​യാ​ണ്​ പൊ​ലീ​സ് പി​ടി​കൂ​ടാ​ൻ തു​ട​ങ്ങി​യ​ത്. ക​ഴി​ഞ്ഞ അ​ഞ്ച് ദി​വ​സ​ങ്ങ​ളി​ലാ​യി ചെ​മ്മ​ണ്ണ് ക​ട​ത്തു​ന്ന പ​ത്തോ​ളം ടി​പ്പ​ർ ലോ​റി​ക​ളും മ​ണ്ണുമാ​ന്തി യ​ന്ത്ര​ങ്ങ​ളും പൊ​ലീ​സ് പി​ടി​കൂ​ടി.

രാ​ത്രി​യും, പ​ക​ലും വ്യാ​പ​ക​മാ​യി കു​ന്നി​ടി​ച്ച് ടി​പ്പ​ർ ലോ​ഡി​ന് വി​ല പ​റ​ഞ്ഞ് വ്യാ​പാ​രം ന​ട​ത്തു​ന്ന മാ​ഫി​യ സം​ഘ​ത്തി​ന് നേ​രെ​യാ​ണ് പൊ​ലീ​സ് ക​ണ്ണ് തു​റ​ന്ന​ത്. നേ​ര​ത്തെ ഇ​ത്ത​ര​ത്തി​ൽ ചെ​മ്മ​ണ്ണ് മാ​ഫി​ക​ൾ​ക്ക് പൊ​ലീ​സ് മൗ​നാനു​വാ​ദം ന​ൽ​കു​ന്ന​താ​യി പ​രാ​തി ഉ​യ​ർ​ന്നി​രു​ന്നു. എ​ന്നാ​ൽ സ്റ്റേ​ഷ​നി​ൽ പു​തു​താ​യി എ​ത്തി​യ ഹൗ​സ് ഒ​ഫി​സ​റും, എ​സ്.​ഐ​യും നി​യ​മ ലം​ഘ​നം ന​ട​ത്തു​ന്ന​വ​ർ​ക്കെ​തി​രെ ന​ട​പ​ടി ക​ടു​പ്പി​ച്ച​തോ​ടെ നേ​ര​ത്തെ ര​ക്ഷ​പ്പെ​ട്ട എ​ല്ലാവരും കു​ടു​ങ്ങി.

പ​രി​സ്ഥി​തി​യെ വെ​ല്ലു​വി​ളി​ച്ച്​ ന​ട​ത്തു​ന്ന കു​ന്നി​ടി​ക്ക​ലി​നെ പി​ടി​ക്കേ​ണ്ട റ​വ​ന്യൂ, ജി​യോ​ളജി അ​ധി​കൃ​ത​ർ​ക്ക് പി​ടികൊ​ടു​ക്കാ​തെ രാ​ത്രി​ക​ളി​ലും അ​വ​ധി ദി​വ​സ​ങ്ങ​ളി​ലു​മാ​ണ്​ ചെ​മ്മ​ണ്ണ്​ മാ​ഫി​യ സം​ഘം പ്ര​വർത്തി​ക്കു​ന്ന​ത്. സ്വ​ന്തം സ്ഥ​ല​ത്തി​ൽ നി​ന്നും കൃ​ഷി, വീ​ടി​ന്‍റെ ത​റ നി​റ​ക്ക​ൽ എ​ന്നി​വ ബോ​ധ്യ​പ്പെ​ടു​ത്തി​യാ​ൽ ല​ഭി​ക്കു​ന്ന ഇ​ള​വ്​ ദു​രു​പ​യോ​ഗം ചെ​യ്താ​ണ്​ മാ​ഫി​യ സം​ഘം കു​ന്നു​ക​ളി​ടി​ച്ച്​ നി​ര​പ്പാ​ക്കു​ന്ന​ത്. കെ​ട്ടി​ടം നി​ർ​മാ​ണ​ത്തി​ന്‍റെ പേ​രി​ൽ ബ​ന്ധ​പ്പെ​ട്ട വ​കു​പ്പി​ൽ നി​ന്നും ആ​വ​ശ്യ​ത്തി​നു​ള്ള ചെ​മ​ണ്ണ് എ​ടു​ക്കു​ന്ന​തി​ന് ഫീ​സ് അ​ട​ച്ച് അ​നു​മ​തി​യെ​ടു​ക്ക​ണം.

പ​ല​രും ഇ​ത്ത​ര​ത്തി​ൽ അ​നു​മ​തി വാ​ങ്ങു​ന്നു​മി​ല്ല. ഭൂ​മാ​ഫി​യ സം​ഘം തു​ച്ഛ​മാ​യ തു​ക​ക്ക് കു​ന്ന് വാ​ങ്ങി നി​ര​പ്പാ​ക്കി കൂ​ടി​യ​വി​ല​ക്ക് സ്ഥ​ലം​മു​റി​ച്ച് വി​ൽ​പ​ന ന​ട​ത്തു​ന്ന​തും പ​തി​വാ​ണ്. പൊ​ലീ​സ് പി​ടി​കൂ​ടു​ന്ന വാ​ഹ​നം ജി​യോ​ള​ജി അ​ധി​കൃ​ത​ർ​ക്കാ​ണ് കൈ​മാ​റു​ന്ന​ത്. റ​വ​ന്യു ഉ​ദ്യോ​ഗ​സ്ഥ​ർ പി​ടി​കൂ​ടി​യാ​ൽ വി​ല്ലേ​ജ് ഓ​ഫിസ​റു​ടെ റി​പ്പോ​ർ​ട്ടി​ൽ താ​ലൂ​ക്ക് വ​ഴി എ​ൽ.​എ ഡെ​പ്യൂ​ട്ടി ക​ല​ക്ട​റാ​ണ് പ​ണ​മ​ട​ക്കാ​ൻ ഉ​ത്ത​ര​വ് ഇ​റ​ക്കു​ന്ന​ത്. മ​ണ്ണ് മാ​ന്തി യ​ന്ത്ര​ത്തി​ന് 25,000 രൂ​പ​യും, ടി​പ്പ​ർ ലോ​റി​യു​ടെ ക​പ്പാ​സി​റ്റി നോ​ക്കി 10,000, 15,000 രൂ​പ​യു​മാ​ണ് പിഴ അ​ട​ക്കേ​ണ്ടി വ​രു​ന്ന​ത്.