കടവരാന്തയില്‍ രക്തക്കറ;​ ഭീതിപരത്തി

ബദിയടുക്ക: മാര്‍പ്പിനടുക്കയിലെ കുമ്പഡാജെ പഞ്ചായത്ത് ഓഫിസിന് മുന്നിലെ കടവരാന്തയില്‍ കണ്ടെത്തിയ രക്തക്കറ നാട്ടുകാരില്‍ പരിഭ്രാന്തി സൃഷ്​ടിച്ചു. ബദിയടുക്ക അഡീഷനല്‍ എസ്.ഐ രാമകൃഷ്ണ​െൻറ നേതൃത്വത്തിലുള്ള പൊലീസ് സംഘം പരിശോധന നടത്തി. കന്നുകാലിയുടെ രക്തമാകാമെന്ന സംശയമാണ് പൊലീസ് പ്രകടിപ്പിച്ചത്. രണ്ടുദിവസം ഈ ഭാഗത്ത് കൊമ്പ്​ ഇളകിയ നിലയില്‍ കാള നടന്നുപോകുന്നത് കണ്ടതായി നാട്ടുകാര്‍ പറയുന്നു. കൂടുതല്‍ അന്വേഷണം നടക്കുന്നതായി പൊലീസ്​ അറിയിച്ചു.