അഴീക്കലിൽ കടലേറ്റം ശക്തമായി; തീ​ര​ദേ​ശ റോ​ഡ് വ​ഴി​യു​ള്ള ഗ​താ​ഗ​ത​വും കാ​ൽ​ന​ട​യും ത​ട​സ്സ​പ്പെ​ട്ടു

അ​ഴീ​ക്കോ​ട്: അ​ഴീ​ക്ക​ൽ തീ​ര​ത്ത് ക​ട​ലേ​റ്റം രൂ​ക്ഷം. ദി​വ​സ​ങ്ങ​ളാ​യി ശ​ക്ത​മാ​യ തി​ര​മാ​ല ക​ര​യി​ലേ​ക്ക് അ​ടി​ച്ചു​ക​യ​റു​ക​യാ​ണ്. ക​ട​ലേ​റ്റ​ത്തെ തു​ട​ർ​ന്ന് തീ​ര​ദേ​ശ​വാ​സി​ക​ൾ ആ​ശ​ങ്ക​യി​ലാ​ണ്. ക​ട​ൽ​ഭി​ത്തി ഭേ​ദി​ച്ച് തി​ര​മാ​ല​ക​ൾ ക​ര​യി​ലേ​ക്ക് അ​ടി​ച്ചു ക​യ​റു​ന്ന​തി​നാ​ൽ തീ​ര​ദേ​ശ റോ​ഡ് വ​ഴി​യു​ള്ള വാ​ഹ​ന ഗ​താ​ഗ​ത​വും കാ​ൽ ന​ട​യും ത​ട​സ്സ​പ്പെ​ട്ടി​രി​ക്കു​ക​യാ​ണ്.

ക​ഴി​ഞ്ഞ വ​ർ​ഷ​കാ​ല​ത്തും ക​ട​ലും പു​ഴ​യും കൂ​ടി​ച്ചേ​രു​ന്ന അ​ഴി​മു​ഖ​ത്ത് തി​ര​യി​ള​ക്കം രൂ​ക്ഷ​മാ​യി​രു​ന്നു. ഇ​ത്ത​വ​ണ പു​ലി​മു​ട്ട് കെ​ട്ടാ​ൻ നി​ർ​മി​ച്ച ക​രി​ങ്ക​ൽ തൂ​ക്ക​ൽ യ​ന്ത്ര​ത്തി​ന​ടു​ത്താ​ണ് ക​ട​ലേ​റ്റ​വും തി​ര​യി​ള​ക്ക​വും രൂ​ക്ഷ​മാ​യി​ട്ടു​ള്ള​ത്. ക​ട​ലേ​റ്റ​ത്തെ​ത്തു​ട​ർ​ന്ന് ഇ​തി​നു സ​മീ​പം താ​മ​സി​ക്കു​ന്ന​വ​രു​ടെ വീ​ട്ടു​പ​റ​മ്പു​ക​ളി​ൽ ക​ട​ൽ​വെ​ള്ളം അ​ടി​ച്ചു​ക​യ​റു​ക​യാ​ണ്. അ​ഴീ​ക്ക​ൽ ഭാ​ഗ​ത്തും മാ​ട്ടൂ​ലി​നും ഇ​ട​യി​ൽ ക​ട​ലി​ലേ​ക്ക് വ​ർ​ഷ​ങ്ങ​ൾ​ക്കു​മു​മ്പ് ക​രി​ങ്ക​ൽ പു​ലി​മു​ട്ട് നി​ർ​മി​ച്ചി​രു​ന്നു.

ഈ ​പു​ലി​മു​ട്ട് ഭാ​ഗ​ത്ത്​ ക​ട​ലി​ൽ സ​മ്മ​ർ​ദ​മു​ണ്ടാ​യാ​ണ്​ തി​ര​യി​ള​ക്ക​മു​ണ്ടാ​കു​ന്ന​ത്. മാ​ട്ടൂ​ൽ ഭാ​ഗ​ത്ത് ക​ട​ൽ​ഭി​ത്തി​ക്ക് മു​ക​ളി​ൽ മൂ​ന്ന്​ മീ​റ്റ​ർ ഉ​യ​ര​ത്തി​ൽ ഇ​ര​ട്ടി ഭി​ത്തി പു​ലി​മു​ട്ടി​നോ​ടൊ​പ്പം നി​ർ​മി​ച്ചി​രു​ന്നു. ഇ​തേ രീ​തി​യി​ലു​ള്ള നി​ർ​മാ​ണം അ​ഴീ​ക്ക​ൽ ഭാ​ഗ​ത്തും വേ​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.