മുസ്​ലിം ലീഗിന്​ വോട്ട്​ ചെയ്​തില്ലെന്നാരോപിച്ച്​ കുടുംബത്തിന്​ മർദനം; ഒമ്പതുപേർക്കെതിരെ കേസ‌്

കാ​ഞ്ഞ​ങ്ങാ​ട‌്: എ​ൽ.​ഡി.​എ​ഫ‌് സ്ഥാ​നാ​ർ​ഥി​ക്ക‌് വോ​ട്ടു ചെ​യ‌്തെ​ന്നാ​രോ​പി​ച്ച‌് മുസ്​ലിം ലീ​ഗ‌് അ​നു​ഭാ​വി​ക്കും കു​ടും​ബ​ത്തി​നും മ​ർ​ദ​നം. ന​ഗ​ര​സ​ഭ 35ാം വാ​ർ​ഡാ​യ ക​ല്ലൂ​രാ​വി​യി​ലാ​ണ്​ സം​ഭ​വം. മാ​ര​കാ​യു​ധ​ങ്ങ​ളു​മാ​യെ​ത്തി​യ​വ​ർ വീ​ട്ടു​സാ​ധ​ന​ങ്ങ​ൾ ത​ക​ർ​ത്തു. സ‌്ത്രീ​ക​ളെ കൈ​യേ​റ്റം ചെ​യ‌്തു. സം​ഭ​വം വി​ഡി​യോ​യി​ൽ ചി​ത്രീ​ക​രി​ച്ച‌് സാമൂഹിക മാധ്യമങ്ങളിൽ പ്ര​ച​രി​പ്പി​ച്ചു.

സി.​കെ. നി​സാ​ർ ഹോ​സ‌്ദു​ർ​ഗ‌് പൊ​ലീ​സി​ൽ ന​ൽ​കി​യ പ​രാ​തി​യി​ൽ ഒ​മ്പ​തു​പേ​ർ​ക്കെ​തി​രെ കേ​സെ​ടു​ത്തു. മു​സ്​​ലിം ലീ​ഗി​ന‌് വ​ലി​യ സ്വാ​ധീ​ന​മു​ള്ള വാ​ർ​ഡി​ൽ എ​ഴു​ന്നൂ​റി​ൽ​പ​രം വോ​ട്ടി​െൻറ ഭൂ​രി​പ​ക്ഷ​ത്തി​ലാ​ണ‌് സാ​ധാ​ര​ണ ലീ​ഗ‌് സ്ഥാ​നാ​ർ​ഥി​ക​ൾ വി​ജ​യി​ക്കാ​റു​ള്ള​ത‌്. ഇ​ത്ത​വ​ണ വോ​ട്ടെ​ണ്ണി​യ​പ്പോ​ൾ 51 വോ​ട്ടി​െൻറ ഭൂ​രി​പ​ക്ഷ​മേ ല​ഭി​ച്ചു​ള്ളു. ലീ​ഗ‌് അ​നു​ഭാ​വി​ക​ൾ എ​ൽ.​ഡി.​എ​ഫി​ന‌് വോ​ട്ട‌് ന​ൽ​കി​യ​താ​ണ‌് വോ​ട്ടി​ൽ കു​റ​വു​വ​രാ​ൻ കാ​ര​ണ​മെ​ന്നാ​രോ​പി​ച്ചാ​ണ‌് അ​ക്ര​മം.

വോ​ട്ടെ​ണ്ണ​ൽ ദി​വ​സം ന​ട​ന്ന അ​ക്ര​മ​ത്തെ​ക്കു​റി​ച്ച‌് ഭ​യം കാ​ര​ണം പ​രാ​തി​പ്പെ​ടാ​ൻ ത​യാ​റാ​യി​ല്ല. തി​ങ്ക​ളാ​ഴ‌്ച ഉ​ച്ച​ക്ക്​ ഒ​ന്ന​ര​യോ​ടെ സ​മൂ​ഹ മാ​ധ്യ​മ​ങ്ങ​ളി​ൽ അ​ക്ര​മ​ത്തി​െൻറ ദൃ​ശ്യം പ്ര​ച​രി​ക്കാ​ൻ തു​ട​ങ്ങി. അ​ങ്ങ​നെ​യാ​ണ‌് ഭീ​ക​ര​ത പു​റം​ലോ​ക​മ​റി​ഞ്ഞ​ത‌്. മാ​ര​കാ​യു​ധ​ങ്ങ​ളു​മാ​യി വീ​ട്ടി​ൽ അ​ക്ര​മം ന​ട​ത്തി​യ​തി​നും സ‌്ത്രീ​ക​ളെ അ​പ​മാ​നി​ച്ച​തി​നും ഹോ​സ‌്ദു​ർ​ഗ‌് പൊ​ലീ​സ‌് പ്ര​തി​ക​ൾ​ക്കെ​തി​രെ ജാ​മ്യ​മി​ല്ലാ വ​കു​പ്പു പ്ര​കാ​രം ​കേ​സെ​ടു​ത്തി​ട്ടു​ണ്ട‌്.