അടച്ചുപൂട്ടല്‍ നിര്‍ദേശ ലംഘനം: 4369 കേസുകള്‍ രജിസ്​റ്റര്‍ ചെയ്തു

കാസർകോട്​: അടച്ചുപൂട്ടൽ നിര്‍ദേശ ലംഘനവുമായി ബന്ധപ്പെട്ട് ജില്ലയില്‍ ഇതുവരെ 4369 കേസുകള്‍ രജിസ്​റ്റര്‍ ചെയ്തു. വിവിധ കേസുകളിലായി ഇതുവരെ 6021 പേരെ അറസ്​റ്റ്​ ചെയ്തു. 2334 വാഹനങ്ങള്‍ കസ്​റ്റഡിയിലെടുത്തു. മാസ്‌ക് ധരിക്കാത്തതിന് 27331 പേര്‍ക്കെതിരെയാണ് ഇതുവരെ കേസെടുത്തത്. ലോക് ഡൗണ്‍ നിര്‍ദേശ ലംഘനവുമായി ബന്ധപ്പെട്ട് ശനിയാഴ്ച 82 കേസുകളാണ് ജില്ലയില്‍ രജിസ്​റ്റര്‍ ചെയ്തത്. വിവിധ കേസുകളിലായി 119 പേരെ അറസ്​റ്റ്​ ചെയ്തു. ഒരു വാഹനം കസ്​റ്റഡിയിലെടുത്തു.