മുങ്ങിമരിച്ച സഹോദരങ്ങൾക്ക് നാടി​െൻറ യാത്രാമൊഴി

മുങ്ങിമരിച്ച സഹോദരങ്ങൾക്ക് നാടി​ൻെറ യാത്രാമൊഴി വെള്ളരിക്കുണ്ട്: വിഷുദിനത്തിൽ വെസ്​റ്റ്​ എളേരി പരപ്പച്ചാൽ പുഴയിൽ മുങ്ങിമരിച്ച കാവുന്തലയിലെ ശ്രാകത്തിൽ റെജിയുടെയും സെലി​ൻെറയും മകൻ ആൽബിൻ റെജിക്കും ശ്രാകത്തിൽ തോമസി​​ൻെറയും ജയിനിയുടെയും മകൻ ബ്ലെസൻ തോമസിനും നാടി​ൻെറ കണ്ണീരിൽ കുതിർന്ന യാത്രാമൊഴി. കാഞ്ഞങ്ങാട് ജില്ല ആശുപത്രിയിലെ പോസ്​റ്റ്​മോർട്ടം നടപടികൾക്ക് ശേഷം എത്തിച്ച ഇരുവരുടെയും മൃതദേഹങ്ങൾ ഉച്ചക്ക്​ ഒന്നരയോടെ കോട്ടമല സ്കൂൾ മുറ്റത്ത്‌ പൊതുദർശനത്തിന് ​െവച്ചു. എം. രാജഗോപാൽ എം.എൽ.എ, പഞ്ചായത്ത് പ്രസിഡൻറുമാരായ ഗിരിജ മോഹനൻ, ജെയിംസ് പന്തമാക്കൽ, ജില്ല പഞ്ചായത്ത് അംഗം ജോമോൻ ജോസ്, ബ്ലോക്ക്​ പഞ്ചായത്ത് അംഗങ്ങളായ ഷോബി ജോസഫ്, അന്നമ്മ മാത്യു, ജോസ് കുത്തിയൊട്ടിൽ, വെസ്​റ്റ്​ എളേരി പഞ്ചായത്ത് വൈസ് പ്രസിഡൻറ്​ പി.സി. ഇസ്മായിൽ, പഞ്ചായത്ത് അംഗങ്ങളായ സി.വി. സുരേശൻ. കെ.കെ. തങ്കച്ചൻ. എം.വി. രാജീവൻ തുടങ്ങിയവരും വിവിധ രാഷ്​ട്രീയ പാർട്ടി നേതാക്കളും അന്തിമോപചാരമർപ്പിച്ച​ു. പിന്നീട് കാവുന്തലയിലെ വീട്ടിൽ എത്തിച്ചു. പ്രിയപ്പെട്ട കുട്ടികളെ അവസാനമായി ഒരുനോക്ക് കാണാൻ വൻ ജനാവലി എത്തിയിരുന്നു. തോമസി​ൻെറ വീട്ടിലാണ്​ ബ്ലസ​ൻെറയും ആൽബി​ൻെറയും അന്ത്യശുശ്രൂഷ ചടങ്ങുകൾ നടന്നത്. ചടങ്ങുകൾക്ക് വരക്കാട് സൻെറ്​ ജോസഫ് ചർച്ച് വികാരി ഫാദർ ഫിലിപ്​ കർമികത്വം വഹിച്ചു. പിന്നീട് വാഹനത്തിൽ വിലാപയാത്രയായി വരക്കാട് സൻെറ്​ ജോസഫ്സ്​ പള്ളി സെമിത്തേരിയിൽ സംസ്കരിച്ചു. വിഷു ദിനത്തിൽ ഇളയച്ഛൻ ജിജിയുടെ സുഹൃത്തി​ൻെറ പരപ്പചാലിലെ വീട്ടിലേക്ക് പോയതായിരുന്നു ബ്ലസനും ആൽബിനും. കുളിക്കാൻ പുഴയിൽ ഇറങ്ങിയ ഇവർ വേലിയേറ്റ സമയത്ത് അടിയൊഴുക്കിൽപെടുകയായിരുന്നു.