പുസ്തകക്കണി ഒരുക്കി ഗ്രന്ഥാലയം

തൃക്കരിപ്പൂർ: പുതുതലമുറക്ക് വായനയുടെയും പുസ്തകത്തി​ൻെറയും പ്രാധാന്യം മനസ്സിലാക്കിക്കൊടുക്കുന്നതിനും പുതിയ പുസ്തകങ്ങൾ പരിചയപ്പെടുത്തുന്നതും ലക്ഷ്യമിട്ട്​ വിഷുപ്പുലരിയിൽ പുസ്തക ക്കണിയൊരുക്കി. മൈത്താണി ചൂരിക്കാടൻ കൃഷ്ണൻ നായർ സ്മാരക വായനശാല - ഗ്രന്ഥാലയത്തി​ൻെറ നേതൃത്വത്തിലാണ് വ്യത്യസ്തമായ പരിപാടി ഒരുക്കിയത്. വിഷുദിനത്തിൽ നിരവധി പേർ വായനശാല സന്ദർശിച്ചു. ഗ്രന്ഥശാല താലൂക്ക് കൗൺസിൽ അംഗം പി. സദാനന്ദൻ, വായനശാല പ്രസിഡൻറ്​ ടി. തമ്പാൻ, വി. ബിനേഷ്, വി.എം. സതീശൻ, ലൈബ്രേറിയൻ സബ്ന, പി.കെ. നന്ദന, സജി, എം. സനൂപ്, കെ. സന്ദീപ്, ജിഷ്ണു, ജിത്തു എന്നിവർ നേതൃത്വം നൽകി.