പിലിക്കോട്ടെ കൃഷിഭൂമിയുടെ സംരക്ഷണത്തിന് കാവൽക്കാർ സ്ഥാനമേറ്റു

ചെറുവത്തൂർ: . വിഷു സംക്രമത്തിന് പിലിക്കോട് രയരമംഗലം ഭഗവതി ക്ഷേത്രം മുത്തച്ഛനിൽനിന്നാണ് കൃഷിഭൂമിയുടെ നോക്കി നടത്തിപ്പിനും സംരക്ഷണത്തിനുമായി കാവൽക്കാർ അധികാരം കൊണ്ടത്. അഞ്ചുപേരാണ് സ്ഥാനമേറ്റത്. വറക്കോടനാണ് ഇവരുടെ നായകൻ. ചുമലിൽ വട്ടത്തിൽ ചുറ്റിയ കയറും ​ൈകയിൽ വടിയും തലയിൽ പാളത്തൊപ്പിയുമായി ഇനി പിലിക്കോടി​ൻെറ വയലേലകളിൽ ഇവരുണ്ടാകും. പിലിക്കോട് വീതുകുന്നിലാണ് ഇവർ പ്രധാന ദിവസങ്ങളിലുണ്ടാവുക. പഴമയുടെ നന്മകൾ പലതും നാടുനീങ്ങുമ്പോഴും പിലിക്കോട്ടെ കാവൽക്കാർ ഹരിതക്കാഴ്ചയായി ഇന്നും നിലനിൽക്കുകയാണ്.