കോവിഡ്​: ജില്ലയിൽ ഇന്നും നാളെയും മെഗാ ടെസ്​റ്റിങ്​ ഡ്രൈവ്

കാസർകോട്​: ജില്ലയിൽ കോവിഡ് രോഗികൾ കൂടിയ സാഹചര്യത്തിൽ രോഗവ്യാപനം തടയുന്നതി​‍ൻെറ​ ഭാഗമായി ഏപ്രിൽ വെള്ളി, ശനി ദിവസങ്ങളിൽ മെഗാ ടെസ്​റ്റിങ്​ ഡ്രൈവ് സംഘടിപ്പിക്കുമെന്ന് ജില്ല മെഡിക്കൽ ഓഫിസർ ഡോ. എ.വി. രാംദാസ് അറിയിച്ചു. രണ്ടു ദിവസം 6000 പേർക്ക് പരിശോധന നടത്തും. ജില്ലയിൽ സ്ഥിരമായി കോവിഡ് പരിശോധന നടത്തുന്ന മുഴുവൻ സർക്കാർ ആശുപത്രികളിലും പരിശോധന തുടരും. വെള്ളിയാഴ്​ച വെള്ളരിക്കുണ്ട് താലൂക്ക് ഓഫിസിലും ശനിയാഴ്​ച പടന്നക്കാട് ഇ.എം.എസ് ക്ലബ്, മടക്കര ഹാർബർ എന്നിവിടങ്ങളിലും പരിശോധനക്ക് സൗകര്യമൊരുക്കിയിട്ടുണ്ട്. രോഗലക്ഷണങ്ങളുള്ളവർ, സമ്പർക്കത്തിലേർപ്പെട്ടവർ, പൊതുജനങ്ങളുമായി സമ്പർക്കത്തിലേർപ്പെടാൻ സാധ്യതയുള്ള 45 വയസ്സിനു താഴെ പ്രായമുള്ള ഓട്ടോ-ടാക്‌സി ഡ്രൈവർമാർ, കലക്ഷൻ ഏജൻറുമാർ, വാക്സിനേഷനെടുക്കാത്ത 45 വയസ്സിന് മുകളിലുള്ളവർ, തെരഞ്ഞെടുപ്പുമായി ബന്ധപ്പെട്ട് പ്രവർത്തിച്ചവർ, ആശുപത്രിയിൽ ചികിത്സക്കെത്തുന്ന രോഗികൾ, കൂട്ടിരിപ്പിന് പോയവർ എന്നിവർ ഈ കേന്ദ്രങ്ങളിലെത്തി പരിശോധനക്ക് വിധേയരാവണമെന്ന് ഡി.എം.ഒ ആവശ്യപ്പെട്ടു. എം.പിയുടെ ആരോഗ്യനില തൃപ്തികരം കാസർകോട്​: കോവിഡ് ബാധിതനായി തിരുവനന്തപുരം ഗവ. മെഡിക്കൽ കോളജ്​ ആശുപത്രിയിൽ ചികിത്സയിൽ കഴിയുന്ന കാസർകോട് എം.പി രാജ്മോഹൻ ഉണ്ണിത്താ​ൻെറ ആരോഗ്യനില തൃപ്തികരമാണെന്ന് മെഡിക്കൽ കോളജ് സൂപ്രണ്ട് അറിയിച്ചു.