യുവാവിനെ തട്ടിക്കൊണ്ടുപോയ കേസിൽ മൂന്നുപേർ റിമാൻഡിൽ

ബദിയടുക്ക: സ്വര്‍ണ ഇടപാടുമായി ബന്ധപ്പെട്ട്​ യുവാവിനെ തട്ടിക്കൊണ്ടുപോയ സംഭവത്തില്‍ അറസ്​റ്റിലായ മൂന്നു പ്രതികളെ റിമാൻഡ്​ ചെയ്​തു. കാസർകോട് തളങ്കര എം.ബി നഗറിലെ അഹമ്മദ് റയിസ് (32), ഉളിയത്തടുക്ക എസ്.പി നഗറിലെ ഇബ്രാഹിം ബദുഷ (30), തളങ്കര ഖാസിലൈനിലെ അബ്​ദുല്‍ അമാന്‍ (34) എന്നിവരാണ് റിമാൻഡിലായത്. ബദിയടുക്ക എസ്.ഐ സുബാഷ് ബാബുവി‍ൻെറ നേതൃത്വത്തിലാണ് പ്രതികളെ പിടികൂടിയത്. പെര്‍ള ചെക്പോസ്​റ്റിനു സമീപത്തെ ഫാത്തിമത്ത് സുഹ്‌റയുടെ മകന്‍ അബ്ബാസിനെയാണ് (25) കഴിഞ്ഞ ഞായറാഴ്ച രാത്രി ഏഴോടെ വെള്ളനിറത്തിലുള്ള കാറിലെത്തിയ സംഘം തട്ടിക്കൊണ്ടുപോയത്. ഏറെ വൈകിയും മകനെ കാണാത്തതിനെ തുടര്‍ന്ന് മാതാവ് ബദിയഡുക്ക സ്​റ്റേഷനിൽ പരാതി നൽകി. കേസടുത്ത് പൊലീസ് അന്വേഷിക്കുന്നതിനിടെ ചെവ്വാഴ്ച പുലർച്ച ചെർളടുക്ക റോഡരികിൽ യുവാവിനെ ഉപേക്ഷിച്ച് സംഘം രക്ഷപ്പെടുകയായിരുന്നു.