ചീമേനി എസ്​റ്റേറ്റിൽ സോളാർ പാർക്ക്: സർവേ നിർത്തിവെച്ചു

കാസർകോട്: പ്ലാ​േൻറഷൻ കോർപറേഷൻ ചീമേനി എസ്​റ്റേറ്റി​ൻെറ 425 ഏക്കർ സ്ഥലം സോളാർ പാർക്കിനായി നൽകാനുള്ള സർക്കാർ തീരുമാനത്തി​ൻെറ ഭാഗമായി തിങ്കളാഴ്ച ആരംഭിച്ച സർവേ നടപടികൾ നിർത്തിവെച്ചു. സ്​ഥലം സോളാർ പാർക്കിന് നൽകാനുള്ള തീരുമാനം പിൻവലിക്കണമെന്നും സർവേ നടപടികൾ നിർത്തിവെക്കണമെന്നും ആവശ്യപ്പെട്ട് റവന്യൂ മന്ത്രിക്ക് ഡിസ്ട്രിക്ട് റബർ ആൻഡ് കാഷ്യൂ ലേബർ യൂനിയൻ (എ.ഐ.ടി.യു.സി) നൽകിയ പരാതിയുടെ അടിസ്ഥാനത്തിലാണ് സർവേ നടപടി നിർത്തിവെക്കാൻ റവന്യൂ മന്ത്രി കലക്ടർക്കും ബന്ധപ്പെട്ട ഉദ്യോഗസ്ഥർക്കും നിർദേശം നൽകിയത്. സർവേ നടപടികൾ നിർത്തിവെച്ച സാഹചര്യത്തിൽ, ഒക്ടോബർ ഏഴുമുതൽ ചീമേനി വില്ലേജ് ഓഫിസിനു മുന്നിലും പ്ലാ​േൻറഷൻ ഓഫിസിന് മുന്നിലും നടത്താൻ നിശ്ചയിച്ചിരുന്ന റിലേ സമരം തൽക്കാലം നിർത്തിവെച്ചതായും യൂനിയൻ ജില്ല സെക്രട്ടറി അറിയിച്ചു.