എം.സി. ഖമറുദ്ദീൻ രാജിവെക്കണമെന്ന് സി.പി.ഐ

കാസര്‍കോട്‌: നിക്ഷേപകരെ വഞ്ചിച്ച മഞ്ചേശ്വരം എം.എല്‍.എ എം.സി. ഖമറുദ്ദീന്‍ നിയമസഭാംഗത്വം രാജിവെക്കണമെന്ന്‌ സി.പി.ഐ ജില്ല കൗണ്‍സില്‍ യോഗം ആവശ്യപ്പെട്ടു. നിരവധി നിക്ഷേപകരാണ്‌ ഇതിനകം എം.എല്‍.എയുടെ നേതൃത്വത്തില്‍ നടത്തിയ തട്ടിപ്പിനെതിരെ പരാതി നല്‍കിയിട്ടുള്ളത്‌. അനേക കോടികളുടെ ഈ വഞ്ചനാരോപണം നിയമസഭാംഗത്വം രാജിവെച്ച്‌ നേരിടാന്‍ ഖമറുദ്ദീന്‍ തയാറാവണം. ഇക്കാര്യത്തില്‍ യു.ഡി.എഫ്‌ നേതൃത്വം നിലപാട്‌ വ്യക്തമാക്കണമെന്നും സി.പി.ഐ ജില്ല കൗണ്‍സില്‍ ആവശ്യപ്പെട്ടു. യോഗത്തില്‍ കെ.എസ്‌. കുര്യോക്കോസ്‌ അധ്യക്ഷത വഹിച്ചു. സി.പി.ഐ സംസ്ഥാന കണ്‍ട്രോള്‍ കമീഷന്‍ ചെയര്‍മാന്‍ സി.പി. മുരളി സംസാരിച്ചു.