യൂത്ത് കോൺഗ്രസ് മാർച്ച് അക്രമാസക്തം; പൊലീസും പ്രതിഷേധക്കാരും ഏറ്റുമുട്ടി

ക​ണ്ണൂ​ർ: യൂ​ത്ത് കോ​ൺ​ഗ്ര​സ് സം​സ്ഥാ​ന പ്ര​സി​ഡ​ന്റ് രാ​ഹു​ൽ മാ​ങ്കൂ​ട്ട​ത്തലിന്റെ അ​റ​സ്റ്റി​ൽ പ്ര​തി​ഷേ​ധി​ച്ച് ക​ല​ക്ട​റേ​റ്റി​ലേ​ക്ക് ന​ട​ത്തി​യ മാ​ർ​ച്ച് അ​ക്ര​മാ​സ​ക്ത​മാ​യി. ജ​ല​പീ​ര​ങ്കി പ്ര​യോ​ഗ​ത്തി​ലും ലാ​ത്തി​ച്ചാ​ർ​ജി​ലും വ​നി​ത നേ​താ​ക്ക​ൾ ഉ​ൾ​പ്പെ​ടെ 30 പേ​ർ​ക്ക് പ​രി​ക്കേ​റ്റു. മൂ​ന്ന് വ​നി​ത പൊ​ലീ​സു​കാ​ർ​ക്കും പ​രി​ക്കേ​റ്റു. വെ​ള്ളി​യാ​ഴ്ച രാ​വി​ലെ 11.45ഓ​ടെ​യാ​ണ് സം​ഭ​വം. പൊ​ലീ​സും പ്ര​തി​ഷേ​ധ​ക്കാ​രും ത​മ്മി​ൽ നേ​ർ​ക്കു​നേ​ർ നി​ല​യു​റ​പ്പി​ച്ച​ത് ഏ​റെ നേ​രം സം​ഘ​ർ​ഷാ​വ​സ്ഥ സൃ​ഷ്ടി​ച്ചു.

സം​സ്ഥാ​ന നേ​താ​വ് റി​ജി​ൻ മാ​ക്കു​റ്റി​യു​ടെ നേ​തൃ​ത്വ​ത്തി​ൽ ഡി.​സി.​സി ഓ​ഫി​സി​ൽ​നി​ന്നാ​ണ് നൂ​റോ​ളം വ​രു​ന്ന പ്ര​വ​ർ​ത്ത​ക​ർ ക​ല​ക്ട​റേ​റ്റി​നു മു​ന്നി​ൽ പ്ര​ക​ട​ന​മാ​യെ​ത്തി​യ​ത്. ബാ​രി​ക്കേ​ഡ് മ​റി​ക​ട​ന്ന് അ​ക​ത്തേ​ക്ക് ത​ള്ളി​ക്ക​യ​റാ​ൻ ശ്ര​മി​ച്ച​തോ​ടെ പൊ​ലീ​സ് ജ​ല​പീ​ര​ങ്കി പ്ര​യോ​ഗി​ച്ചു. ഇ​തി​നി​ടെ, പ്ര​വ​ർ​ത്ത​ക​ർ ചി​ല​ർ നി​ല​ത്തു വീ​ണു. വീ​ഴ്ച​യി​ൽ ജി​ല്ല സെ​​ക്ര​ട്ട​റി ജീ​ന​യു​ടെ ക​ണ്ണി​ന് പ​രി​ക്കേ​റ്റു. ഇ​തി​നി​ടെ, ജ​ല​പീ​ര​ങ്കി വാ​ഹ​ന​ത്തി​ൽ ത​ള്ളി​ക്ക​യ​റി​യ ചി​ല​രെ പൊ​ലീ​സ് വ​ലി​ച്ചി​റ​ക്കി.

തു​ട​ർ​ന്ന് പ്ര​തി​ഷേ​ധ​ക്കാ​രെ അ​റ​സ്റ്റ് ചെ​യ്യാ​ൻ തു​ട​ങ്ങി. ചെ​റു​ത്തു​നി​ൽ​പു​മാ​യി പ്ര​തി​ഷേ​ധ​ക്കാ​രും നി​ല​കൊ​ണ്ടു. പൊ​ലീ​സും പ്ര​തി​ഷേ​ധ​ക്കാ​രും ത​മ്മി​ൽ ഏ​റെ നേ​രം ഉ​ന്തും ത​ള്ളു​മാ​യി. ഏ​താ​നും പ്ര​വ​ർ​ത്ത​ക​രെ പൊ​ലീ​സ് വാ​ഹ​ന​ത്തി​ലേ​ക്ക് ബ​ലം​പ്ര​യോ​ഗി​ച്ച് ക​യ​റ്റി. റോ​ഡി​ലെ ബാ​രി​ക്കേ​ഡു​ക​ളെല്ലാം സ​മ​ര​ക്കാ​ർ മ​റി​ച്ചി​ട്ടു. അ​റ​സ്റ്റ് ചെ​യ്ത​വ​രു​മാ​യി പു​റ​പ്പെ​ടാ​നി​രു​ന്ന വാ​ഹ​നം ത​ട​യാ​നാ​യി ​പ്ര​വ​ർ​ത്ത​ക​രും ​ശ്ര​മി​ച്ച​തോ​ടെ പൊ​ലീ​സ് ലാ​ത്തി​വീ​ശി. ഇ​തി​നി​ടെ ​നി​ല​ത്തു​വീ​ണ അ​ഴീ​ക്കോ​ട് മ​ണ്ഡ​ലം സെ​ക്ര​ട്ട​റി റി​യ നാ​രാ​യ​ണ​ന്റെ ത​ല​മു​ടി പൊ​ലീ​സ് ച​വി​ട്ടി​പ്പി​ടി​ച്ചു.

ബ​ലം​പ്ര​യോ​ഗി​ച്ച് വാ​ഹ​ന​ത്തി​ൽ ക​യ​റ്റാ​ൻ ശ്ര​മി​ക്കു​ന്ന​തി​നി​ടെ വ​നി​ത പൊ​ലീ​സ് ഇ​വ​രു​ടെ വ​സ്ത്ര​വും വ​ലി​ച്ചു​കീ​റി.പ​രി​ക്കേ​റ്റ യൂ​ത്ത് കോ​ൺ​ഗ്ര​സ് ജി​ല്ല വൈ​സ് പ്ര​സി​ഡ​ന്റ് മ​ഹി​ത മോ​ഹ​ൻ, ജി​ല്ല സെ​ക്ര​ട്ട​റി ജീ​ന, റി​യ നാ​രാ​യ​ണ​ൺ, കു​ന്നോ​ത്ത്പ​റ​മ്പ് മ​ണ്ഡ​ലം പ്ര​സി​ഡ​ന്റ് സ​നി​ൽ, കെ.​എ​സ്.​യു മു​ണ്ടേ​രി മ​ണ്ഡ​ലം പ്ര​സി​ഡ​ന്റ് പ്ര​കീ​ർ​ത്ത് മു​ണ്ടേ​രി, സ​നൂ​ബ് എ​ന്നി​വ​രെ ക​ണ്ണൂ​രി​ലും ത​ല​ശ്ശേ​രി​യി​ലു​മു​ള്ള ആ​ശു​പ​ത്രി​ക​ളി​ൽ പ്ര​വേ​ശി​പ്പി​ച്ചു. പ​രി​ക്കേ​റ്റ പി​ങ്ക് പൊ​ലീ​സു​കാ​രെ ജി​ല്ല ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. അ​സി. ക​മീ​ഷ​ണ​ർ ടി.​കെ. ര​ത്നാ​ക​ര​ന്റെ നേ​തൃ​ത്വ​ത്തി​ൽ വ​ൻ പൊ​ലീ​സ് സ​ന്നാ​ഹ​മാ​ണ് നി​ല​യു​റ​പ്പി​ച്ചിരു​ന്ന​ത്. സം​ഭ​വവു​മാ​യി ബ​ന്ധ​പ്പെ​ട്ട് 30 യൂ​ത്ത് കോ​ൺ​​ഗ്ര​സ് പ്ര​വ​ർ​ത്ത​ക​രെ അ​റ​സ്റ്റ് ചെ​യ്തു.