ആ​രോ​ഗ്യ കേ​ന്ദ്ര​ങ്ങ​ളി​ൽ സ്ത്രീ ​ക്ലി​നി​ക്കു​ക​ള്‍ക്ക് തുടക്കം

ക​ണ്ണൂ​ർ: ജി​ല്ല​യി​ലെ ജ​ന​കീ​യ ആ​രോ​ഗ്യ കേ​ന്ദ്ര​ങ്ങ​ളി​ൽ സ്ത്രീ ​ക്ലി​നി​ക്കു​ക​ള്‍ തു​ട​ങ്ങി. സം​സ്ഥാ​ന ആ​രോ​ഗ്യ വ​കു​പ്പി​ന്റെ നേ​തൃ​ത്വ​ത്തി​ൽ ആ​രം​ഭി​ച്ച സ്ത്രീ ​കാ​മ്പ​യി​നി​ന്റെ ഭാ​ഗ​മാ​യാ​ണ് സ്ത്രീ​ക​ൾ​ക്കാ​യി പ്ര​ത്യേ​ക ക്ലി​നി​ക്കു​ക​ൾ ഒ​രു​ങ്ങി​യ​ത്. ചൊ​വ്വ, വ്യാ​ഴം, ശ​നി ദി​വ​സ​ങ്ങ​ളി​ൽ ക്ലി​നി​ക്കു​ക​ൾ പ്ര​വ​ർ​ത്തി​ക്കും. ആ​ഴ്ച​യി​ൽ ഒ​രു​ദി​വ​സം പി.​എ​ച്ച്.​സി, എ​ഫ്.​എ​ച്ച്.​സി ത​ല​ത്തി​ൽ പ്ര​ത്യേ​ക സ്പെ​ഷാ​ലി​റ്റി ക്യാ​മ്പും സം​ഘ​ടി​പ്പി​ക്കും. സ്ത്രീ​ക​ള്‍ക്കും കു​ട്ടി​ക​ള്‍ക്കു​മാ​യി ക്ലി​നി​ക്കു​ക​ള്‍, അ​യ​ല്‍ക്കൂ​ട്ട സ്ക്രീ​നി​ങ് ക്യാ​മ്പു​ക​ള്‍, വി​ദ​ഗ്ധ സ്പെ​ഷ​ലി​സ്റ്റ് സേ​വ​ന​ങ്ങ​ള്‍ എ​ന്നി​വ​കൂ​ടി​യാ​ണ് സ്ത്രീ ​ക്ലി​നി​ക്കു​ക​ളി​ൽ ഒ​രു​ക്കി​യി​രി​ക്കു​ന്ന​ത്.

വി​ള​ര്‍ച്ച, പ്ര​മേ​ഹം, ര​ക്താ​തി​മ​ര്‍ദം, സ്ത​നാ​ർ​ബു​ദം, വാ​യി​ലെ കാ​ന്‍സ​ര്‍ സ്‌​ക്രീ​നി​ങ്, ക്ഷ​യം, തു​ട​ങ്ങി​യ​വ​യും ശാ​രീ​രി​ക ആ​രോ​ഗ്യ പ​രി​ശോ​ധ​ന, കു​ട്ടി​ക​ൾ​ക്കും ഗ​ർ​ഭി​ണി​ക​ൾ​ക്കു​മു​ള്ള പ്ര​തി​രോ​ധ കു​ത്തി​വെ​പ്പ്, ഹീ​മോ​ഗ്ലോ​ബി​ൻ പ​രി​ശോ​ധ​ന, ആ​ർ​ത്ത​വ ആ​രോ​ഗ്യ പ്ര​ശ്‌​ന​ങ്ങ​ള്‍ എ​ന്നി​വ ക​ണ്ടെ​ത്തി ചി​കി​ത്സ ഉ​റ​പ്പാ​ക്കാ​നും ഈ ​ക്ലി​നി​ക്കു​ക​ളി​ലൂ​ടെ സാ​ധി​ക്കു​ന്നു.

അ​യ​ല്‍ക്കൂ​ട്ട​ങ്ങ​ള്‍ കേ​ന്ദ്രീ​ക​രി​ച്ച് സ്ത്രീ​ക​ള്‍ക്കാ​യി പ്ര​ത്യേ​ക പ​രി​ശോ​ധ​ന​ക​ളും കു​ടും​ബാ​രോ​ഗ്യ കേ​ന്ദ്ര​ങ്ങ​ളി​ല്‍ വി​ദ​ഗ്ധ പ​രി​ശോ​ധ​ന​ക​ളും ബോ​ധ​വ​ത്ക​ര​ണ​വും ഈ ​കാ​മ്പ​യി​നി​ന്റെ ഭാ​ഗ​മാ​യി ന​ട​ക്കും. പ​ര​മാ​വ​ധി സ്ത്രീ​ക​ള്‍ വെ​ല്‍ന​സ് ക്ലി​നി​ക്കു​ക​ളി​ല്‍ വ​ന്ന് ആ​രോ​ഗ്യ പ​രി​ശോ​ധ​ന ന​ട​ത്ത​ണ​മെ​ന്ന് ജി​ല്ല മെ​ഡി​ക്ക​ൽ ഓ​ഫി​സ​ർ ഡോ. ​പി​യൂ​ഷ്‌ എം. ​ന​മ്പൂ​തി​രി​പ്പാ​ട് അ​റി​യി​ച്ചു.