വ​ന്യ​ജീ​വി ആ​ക്ര​മ​ണം; ഹെ​ൽ​പ് ഡെ​സ്കു​ക​ളി​ൽ പ​രാ​തി പ്ര​വാ​ഹം

കേ​ള​കം: വ​ന്യ​ജീ​വി ശ​ല്യം ത​ട​യു​ന്ന​തി​ന് വ​നം​വ​കു​പ്പ് ന​ട​പ്പാ​ക്കു​ന്ന തീ​വ്ര​യ​ജ്ഞ പ​രി​പാ​ടി​യു​ടെ ഭാ​ഗ​മാ​യി വ​ന്യ​ജീ​വി ശ​ല്യം നേ​രി​ടു​ന്ന ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ലെ ഹെ​ൽ​പ്പ് ഡെ​സ്കൂക​ളി​ൽ പ​രാ​തി​ക​ളു​ടെ പ്ര​വാ​ഹം. വി​വി​ധ കേ​ന്ദ്ര​ങ്ങ​ളി​ലാ​യി ക​ഴി​ഞ്ഞ ദി​വ​സ​മെ​ത്തി​യ​ത് ഇ​രു​നൂ​റി​ലേ​റെ പ​രാ​തി​ക​ൾ. കാ​ട്ടു​പ​ന്നി, കു​ര​ങ്ങ് ശ​ല്യ​ങ്ങ​ളെക്കുറി​ച്ചാ​ണ് അ​ധി​ക പ​രാ​തി​ക​ളും. എ​ന്നാ​ൽ, കാ​ട്ടാ​ന, ക​ടു​വ, പു​ലി, മ​ര​പ്പ​ട്ടി, മ​ല​യ​ണ്ണാ​ൻ എ​ന്നി​വ​യു​ടെ ശ​ല്യം പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ടു​ള്ള പ​രാ​തി​ക​ളു​മു​ണ്ട്. കേ​ര​ള വ​നം​വ​കു​പ്പ് മ​നു​ഷ്യ-​വ​ന്യ​ജീ​വി സം​ഘ​ർ​ഷ ല​ഘൂ​ക​ര​ണ തീ​വ്ര​യ​ജ്ഞ പ​രി​പാ​ടി സെ​പ്റ്റം​ബ​ർ 16 മു​ത​ൽ ഒ​ക്ടോ​ബ​ർ 30 വ​രെ​യാ​ണ് ന​ട​ത്തു​ന്ന​ത്.

പ​ഞ്ചാ​യ​ത്ത് ഓ​ഫി​സു​ക​ളി​ലും റേഞ്ച് ഓ​ഫി​സു​ക​ളി​ലും പ്ര​വ​ർ​ത്തി​ക്കു​ന്ന ഹെ​ൽ​പ് ഡെ​സ്‌​കു​ക​ളി​ലൂ​ടെ പൊ​തു​ജ​ന​ങ്ങ​ളി​ൽ​നി​ന്നും പ​രാ​തി​ക​ളും നി​ർ​ദേ​ശ​ങ്ങ​ളും സ്വീ​ക​രി​ക്കു​ക​യും വി​വി​ധ ഘ​ട്ട​ങ്ങ​ളി​ലാ​യി പ​രി​ഹ​രി​ക്കു​ന്ന​തു​മാ​ണ് ല​ക്ഷ്യം.വ​നം​വ​കു​പ്പി​ന്‍റെ ഹെ​ൽ​പ്പ് ഡെ​സ്കു​ക​ളി​ലെ​ത്തു​ന്ന കു​ര​ങ്ങ്, കാ​ട്ടു​പ​ന്നി ശ​ല്യ​ത്തെക്കുറി​ച്ചു​ള്ള പ​രാ​തി​ക​ളി​ൽ വ​നം​വ​കു​പ്പി​ന് കാ​ര്യ​മാ​യി ഒ​ന്നും ചെ​യ്യാ​നാ​കി​ല്ലെ​ന്ന​താ​ണ് അ​വ​സ്ഥ. കാ​ട്ടു​പ​ന്നി​യെ ക്ഷു​ദ്ര​ജീ​വി​യാ​യി പ്ര​ഖ്യാ​പി​ച്ച് വെ​ടി​വെ​ച്ച് കൊ​ല്ലാ​നു​ള്ള അ​ധി​കാ​രം പ​ഞ്ചാ​യ​ത്തു​ക​ൾ​ക്ക് ന​ൽ​കി​യ​തി​നാ​ൽ ഇ​ത്ത​രം പ​രാ​തി​ക​ൾ പ​ഞ്ചാ​യ​ത്തു​ക​ൾ​ക്ക് കൈ​മാ​റു​ക​യാ​ണ് ചെ​യ്യു​ക. കു​ര​ങ്ങു​ക​ൾ ഷെ​ഡ്യൂ​ൾ ഒ​ന്നി​ൽ ഉ​ൾ​പ്പെ​ട്ട ജീ​വി​യാ​യ​തി​നാ​ൽ ഇ​തു​മാ​യി ബ​ന്ധ​പ്പെ​ട്ട പ​രാ​തി​ക​ൾ​ക്ക് താ​ഴെ ത​ട്ടി​ൽ പ​രി​ഹാ​രം നി​ർ​ദേശി​ക്കാ​നും വ​കു​പ്പി​നാ​വി​ല്ല. കു​ര​ങ്ങു​ക​ളെ കൂ​ട് വെ​ച്ച് പി​ടി​ച്ച് വ​ന​മേ​ഖ​ല​യി​ലേ​ക്ക് വി​ടു​ക മാ​ത്ര​മാ​ണ് വ​നം വ​കു​പ്പി​ന്‍റെ മു​ന്നി​ൽ ഇ​പ്പോ​ഴു​ള്ള പോം​വ​ഴി. ഇ​ത് ബു​ദ്ധി​മു​ട്ടേ​റി​യ​തും ചെല​വ് കൂ​ടി​യ​തു​മാ​ണ്.

വ​ന്യ​ജീ​വി സം​ഘ​ർ​ഷം പ​രി​ഹ​രി​ക്കു​ന്ന​തി​നും ജ​ന​ങ്ങ​ളു​ടെ​യും വ​ന്യ​ജീ​വി​ക​ളു​ടെ​യും സു​ര​ക്ഷ ഉ​റ​പ്പാ​ക്കു​ന്ന​തി​നു​മാ​യി 45 ദി​വ​സം നീ​ളു​ന്ന ഒ​രു തീ​വ്ര​യ​ജ്ഞ പ​രി​പാ​ടി​യെ​ന്ന നി​ല​യി​ലാ​ണ് ഹെ​ൽ​പ്പ് ഡെ​സ് ക് തു​ട​ങ്ങി​യ​ത്. ജി​ല്ല​യി​ൽ 13 ഹെ​ൽ​പ്പ് ഡെ​സ്കു​ക​ളാ​ണ് പ്ര​വ​ർ​ത്തി​ക്കു​ന്ന​ത്. കൊ​ട്ടി​യൂ​ർ റെ​യി​ഞ്ചി​ന് കീ​ഴി​ൽ നാ​ലും ത​ളി​പ്പ​റ​മ്പ് റെ​യി​ഞ്ചി​ൽ അ​ഞ്ചും ക​ണ്ണ​വ​ത്ത് നാ​ലും ആ​റ​ള​ത്ത് ഒ​ന്നു​മാ​ണ് ഉ​ള്ള​ത്. വ​ന്യ​ജീ​വി സം​ഘ​ർ​ഷം രൂ​ക്ഷ​മാ​യ അ​യ്യ​ൻ​കു​ന്ന്, കൊ​ട്ടി​യൂ​ർ, ക​ണി​ച്ചാ​ർ, കേ​ള​കം, ആ​റ​ളം, കോ​ള​യാ​ട്, ചി​റ്റാ​രി​പ്പ​റ​മ്പ, തൃ​പ്പ​ങ്ങോ​ട്ടൂ​ർ, പാ​ട്യം, ചെ​റു​പു​ഴ, ഉ​ദ​യ​ഗി​രി, ന​ടു​വി​ൽ, പ​യ്യാ​വൂ​ർ, ഉ​ളി​ക്ക​ൽ എ​ന്നീ പ​ഞ്ചാ​യ​ത്തു​ക​ളി​ലാ​ണ് ഹെ​ൽ​പ്പ് ഡെസ് ക് സൗ​ക​ര്യ​മൊ​രു​ക്കി​യി​രി​ക്കു​ന്ന​ത്.

ഭൂ​മി​യു​ടെ ഉ​ട​മാ​വ​കാ​ശം സം​ബ​ന്ധി​ച്ചും മ​റ്റു​ള്ള പ​രാ​തി​ക​ളി​ൽ ഇ​പ്പോ​ഴ​ത്തെ അ​വ​സ്ഥ മ​ന​സ്സിലാ​ക്കാ​നും താ​ഴെ ത​ട്ടി​ൽ തീ​ർ​പ്പാ​കാ​തെ കി​ട​ക്കു​ന്ന പ​രാ​തി​ക​ൾ ഡി​വി​ഷ​ൻ ത​ല​ത്തി​ലും മ​ന്ത്രി​ത​ല​ത്തി​ലും പ​രി​ഗ​ണി​ക്ക​പ്പെ​ടു​മെ​ന്ന പ്ര​ത്യേ​ക​ത​യും ഉ​ണ്ട്. കൊ​ട്ടി​യൂ​രി​ൽ 10 പ​രാ​തി​ക​ള​ട​ക്കം ല​ഭി​ച്ച പ​രാ​തി​ക​ൾ പ​രി​ഹ​രി​ച്ച് തു​ട​ങ്ങി​യ​താ​യി വ​നം അ​ധി​കൃ​ത​ർ അ​റി​യി​ച്ചു.

ജി​ല്ല​യി​ൽ ഡി.​എ​ഫ്.​ഒ ജോ​സ് മാ​ത്യു, ആ​റ​ളം വൈ​ൽ​ഡ് ലൈ​ഫ് വാ​ർ​ഡ​ൻ വി. ​ര​തീ​ശ​ൻ എ​ന്നി​വ​രു​ടെ ഏ​കോ​പ​ന​ത്തി​ൽ റേ​ഞ്ച​ർ​മാ​രാ​യ സു​ധീ​ർ നെ​രോ​ത്ത് (ക​ണ്ണ​വം), ടി. ​നി​ധി​ൻ​രാ​ജ് (കൊ​ട്ടി​യൂ​ർ), സ​നൂ​പ് കൃ​ഷ്ണ​ൻ (ത​ളി​പ്പ​റ​മ്പ്), ര​മ്യ രാ​ഘ​വ​ൻ (വ​ള​യം​ചാ​ൽ) എ​ന്നി​വ​രാ​ണ് ഹെ​ൽ​പ് ഡെ​സ്‌​ക് പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ കു​ന്ന​ത്.