വാഹനങ്ങൾ ഓട്ടത്തിനിടെ കത്താതെ നോക്കണം

ക​ണ്ണൂ​ർ: അ​പ​ക​ട​ത്തി​ൽ മ​റി​ഞ്ഞ ഓ​ട്ടോ​റി​ക്ഷ ക​ത്തി​യ​മ​ർ​ന്ന് അ​യ​ൽ​വാ​സി​ക​ളും ഉ​റ്റ​സു​ഹൃ​ത്തു​ക്ക​ളു​മാ​യ യു​വാ​ക്ക​ൾ വെ​ന്തു​മ​രി​ച്ച ദാ​രു​ണ സം​ഭ​വ​ത്തി​ന്റെ ഞെ​ട്ട​ലി​ലാ​ണ് ക​ണ്ണൂ​ർ. തു​റ​ന്ന വാ​ഹ​ന​മാ​യി​ട്ടും പു​റ​ത്തി​റ​ങ്ങാ​ൻ​പോ​ലും സ​മ​യം ന​ൽ​കാ​തെ​യാ​ണ് തീ​നാ​ള​ങ്ങ​ൾ ജീ​വ​നെ വി​ഴു​ങ്ങി​യ​ത്.

കൂ​ത്തു​പ​റ​മ്പ് ആ​റാം​മൈ​ലി​ൽ സ്വ​കാ​ര്യ ബ​സു​മാ​യി കൂ​ട്ടി​യി​ടി​ച്ച് മ​റി​ഞ്ഞ സി.​എ​ൻ.​ജി ഓ​ട്ടോ​യാ​ണ് ക​ത്തി​യ​തെ​ങ്കി​ൽ ക​ഴി​ഞ്ഞ ഫെ​ബ്രു​വ​രി ഒ​ന്നി​ന് ക​ണ്ണൂ​ർ ജി​ല്ല ആ​ശു​പ​ത്രി​ക്ക് സ​മീ​പം ഗ​ർ​ഭി​ണി​യും ഭ​ർ​ത്താ​വും ചാ​ര​മാ​യ​ത് ഓ​ട്ട​ത്തി​നി​ടെ പെ​ട്രോ​ൾ കാ​ർ ക​ത്തി​യാ​ണ്.

ഒ​രു​വി​ളി​പ്പാ​ട​ക​ലെ ക​ണ്ണൂ​ർ ഫ​യ​ർ സ്റ്റേ​ഷ​നും ജി​ല്ല ആ​ശു​പ​ത്രി​യും ഉ​ണ്ടാ​യി​രു​ന്നി​ട്ടും ര​ക്ഷി​ക്കാ​നാ​യി​ല്ല. ഓ​ട്ട​ത്തി​നി​ട​യി​ലും നി​ർ​ത്തി​യി​ട്ട നി​ല​യി​ലും വാ​ഹ​ന​ങ്ങ​ൾ ക​ത്തി​യ​മ​രു​ന്ന സം​ഭ​വ​ങ്ങ​ൾ വ​ർ​ധി​ക്കു​ക​യാ​ണ്. അ​ശ്ര​ദ്ധ വ​രു​ത്തി​വെ​ക്കു​ന്ന അ​പ​ക​ട​ങ്ങ​ളി​ൽ വാ​ഹ​ന​ങ്ങ​ൾ മ​റി​യു​ക​യും തീ​പ്പൊ​രി​യു​ണ്ടാ​വു​ക​യും ഇ​വ ഇ​ന്ധ​ന​ടാ​ങ്കി​ലേ​ക്ക് പ​ട​രു​ക​യു​മാ​ണ്. ര​ക്ഷാ​പ്ര​വ​ർ​ത്ത​നം​പോ​ലും സാ​ധ്യ​മാ​ക്കാ​തെ നി​മി​ഷ​ങ്ങ​ൾ​ക്ക​ക​മാ​ണ് എ​ല്ലാം അ​വ​സാ​നി​ക്കു​ന്ന​ത്.

വാ​ഹ​നം വാ​ങ്ങി​യ ശേ​ഷം അ​ശാ​സ്ത്രീ​യ​മാ​യി അ​ധി​ക ഉ​പ​ക​ര​ണ​ങ്ങ​ൾ ഘ​ടി​പ്പി​ക്കു​ന്ന​തി​ലൂ​ടെ​യു​ള്ള വ​ഴി​യു​ണ്ടാ​കു​ന്ന ഷോ​ർ​ട്ട് സ​ർ​ക്യൂ​ട്ടും അ​ഗ്നി​ബാ​ധ​ക്ക് കാ​ര​ണ​മാ​കു​ന്നു. ഗ​ർ​ഭി​ണി​യും ഭ​ർ​ത്താ​വും മ​രി​ച്ച സം​ഭ​വ​ത്തി​ൽ പി​ൻ​സീ​റ്റി​ലു​ണ്ടാ​യി​രു​ന്ന മാ​താ​പി​താ​ക്ക​ളും മ​ക​ളും ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്.

ജൂ​ൺ 21ന് ​വൈ​കീ​ട്ട് ഇ​തേ​സ്ഥ​ല​ത്ത് മ​റ്റൊ​രു​കാ​റും ക​ത്തി​ത്തീ​ർ​ന്നു. ഡ്രൈ​വ​ര്‍ ഇ​രി​ക്കൂ​ര്‍ നാ​യാ​ട്ടു​പാ​റ സ്വ​ദേ​ശി ആ​ദ​ര്‍ശ് കാ​ര്‍ നി​ര്‍ത്തി ഓ​ടി​യ​തി​നാ​ല്‍ മാ​ത്രം ര​ക്ഷ​പ്പെ​ട്ടു.

അ​പ​ക​ട​ത്തി​​ൽ​പെ​ടു​ന്ന വാ​ഹ​ന​ങ്ങ​ൾ നി​മി​ഷ​ങ്ങ​ൾ​ക്ക​ക​മാ​ണ് ക​ത്തു​ന്ന​ത്. ച​ക്ക​ര​ക്ക​ല്‍ പൊ​ലീ​സ് സ്റ്റേ​ഷ​ന്‍ പ​രി​ധി​യി​ലെ മ​തു​ക്കോ​ത്ത് നി​യ​ന്ത്ര​ണം വി​ട്ട് ബ​സി​നു പി​റ​കി​ലി​ടി​ച്ച ബൈ​ക്ക് ക​ത്തി​യ​മ​ര്‍ന്ന​ത് ഈ ​വ​ർ​ഷ​മാ​ണ്. ക​ഴി​ഞ്ഞ​വ​ർ​ഷം മാ​ന​ന്ത​വാ​ടി​യി​ൽ നി​ർ​ത്തി​യി​ട്ട കാ​ർ ക​ത്തി കേ​ള​ക​ത്തെ ടെ​ക്സ്‌​റ്റൈ​ല്‍സ് ഉ​ട​മ​ക്ക് ജീ​വ​ൻ ന​ഷ്ട​മാ​യി. പി​ലാ​ത്ത​റ-​പാ​പ്പി​നി​ശേ​രി കെ.​എ​സ്.​ടി.​പി റോ​ഡി​ല്‍ കാ​റും ബൈ​ക്കും കൂ​ട്ടി​യി​ടി​ച്ച് കാ​ര്‍ ക​ത്തി​ച്ചാ​മ്പ​ലാ​യ​തും അ​തേ​വ​ർ​ഷം.

ബൈ​ക്ക് യാ​ത്രി​ക​നാ​യ ചി​ക്മം​ഗ​ളൂ​രു സ്വ​ദേ​ശി​യാ​യ യു​വാ​വി​നാ​ണ് അ​ന്ന് ജീ​വ​ൻ ന​ഷ്ട​മാ​യ​ത്. വ​ണ്ടി​യു​ടെ ഉ​ള്ളി​ൽ ക​യ​റു​ന്ന എ​ലി​ക​ൾ വ​യ​റു​ക​ൾ ക​ടി​ച്ചു മു​റി​ക്കാ​നു​ള്ള സാ​ധ്യ​ത​യേ​റെ​യാ​ണെ​ന്ന് വി​ദ​ഗ്ധ​ർ പ​റ​യു​ന്നു. ഇ​ത് ഷോ​ർ​ട്ട് സ​ർ​ക്യൂ​ട്ടി​ന് കാ​ര​ണ​മാ​കും. കൃ​ത്യ​മാ​യ ഇ​ട​വേ​ള​ക​ളി​ൽ സ​ർ​വി​സ് ന​ട​ത്ത​ണം

• പ​ട​രാ​തെ നോ​ക്ക​ണം, പു​റ​ത്തി​റ​ങ്ങ​ണം

ഓ​ടു​ന്ന വാ​ഹ​ന​ത്തി​ൽ​നി​ന്ന് പു​ക​യോ തീ​പ്പൊ​രി​യോ ക​ണ്ടാ​ൽ ഉ​ട​ൻ വാ​ഹ​നം നി​ർ​ത്തി പു​റ​ത്തി​റ​ങ്ങ​ണം. പ​രി​ഭ്രാ​ന്ത​രാ​വ​രു​ത്. സാ​ഹ​ച​ര്യ​മ​നു​സ​രി​ച്ച് സി​ഗ്ന​ൽ ന​ൽ​കി ആ​ളൊ​ഴി​ഞ്ഞ പ്ര​ദേ​ശ​ത്ത് വ​ണ്ടി നി​ർ​ത്താം. ഇ​ടി​യു​ടെ ആ​ഘാ​ത​ത്തി​ലാ​ണ് ക​ത്തു​ന്ന​തെ​ങ്കി​ൽ ഒ​ച്ച​വെ​ച്ച് ആ​ളെ​കൂ​ട്ടു​ക​യോ സ്വ​യം പു​റ​ത്തി​റ​ങ്ങു​ക​യോ വേ​ണം. പ്രാ​യ​മാ​യ​വ​രെ​യും കു​ട്ടി​ക​ളെ​യും ആ​ദ്യം ര​ക്ഷ​പ്പെ​ടു​ത്ത​ണം. അ​ഗ്നി​സു​ര​ക്ഷ സം​വി​ധാ​ന​ങ്ങ​ൾ വാ​ഹ​ന​ത്തി​ൽ​ത​ന്നെ ക​രു​ത​ണം.

അ​ഗ്നി​ബാ​ധ​യു​ണ്ടാ​യാ​ൽ പ​രി​ഭ്രാ​ന്ത​രാ​വാ​തെ ഇ​വ ഉ​പ​യോ​ഗി​ക്ക​ണം. സി.​എ​ൻ.​ജി (കം​പ്ര​സ്ഡ് നാ​ച്ചു​റ​ൽ ഗ്യാ​സ്) വാ​ഹ​ന​ങ്ങ​ൾ ക​ത്തി​യാ​ൽ പൊ​ട്ടി​ത്തെ​റി​ക്കാ​ൻ സാ​ധ്യ​ത​യേ​റെ​യാ​ണ്. ഓ​ട്ടോ​യി​ൽ ഗ്യാ​സ് ടാ​ങ്ക് ഡ്രൈ​വ​റു​ടെ സീ​റ്റി​ന് താ​ഴെ​യാ​ണ്. 200 മു​ത​ൽ 250 കി.​ഗ്രാം കം​പ്ര​സ് ചെ​യ്ത ഇ​ന്ധ​ന​മാ​ണ് വാ​ഹ​ന​ങ്ങ​ളി​ൽ അ​ടി​ച്ചു​വ​രു​ന്ന​ത്. വാ​ൾ​വ് നെ​ക്ക് പൊ​ട്ടി​യാ​ൽ ഗ്യാ​സ് ലീ​ക്കാ​യി ക​ത്തും.

പെ​ട്രോ​ളി​ലേ​ക്ക് തീ​പി​ടി​ക്കു​ന്ന​തി​നേ​ക്കാ​ൾ വേ​ഗ​ത്തി​ലാ​ണി​ത്. പ​രി​സ്ഥി​തി സൗ​ഹൃ​ദ ബ​ദ​ൽ വാ​ഹ​ന ഇ​ന്ധ​നം എ​ന്ന നി​ല​ക്കാ​ണ് സി.​എ​ൻ.​ജി വാ​ഹ​ന​ങ്ങ​ൾ വി​പ​ണി​യി​ൽ ഇ​റ​ങ്ങി​യ​ത്. നി​ര​വ​ധി സി.​എ​ൻ.​ജി വാ​ഹ​ന​ങ്ങ​ളാ​ണ് ജി​ല്ല​യി​ലു​ള്ള​ത്. ഓ​ട്ടോ​റി​ക്ഷ​ക​ൾ മാ​ത്രം അ​ഞ്ഞൂ​റി​ലേ​റെ​യാ​ണ്.

• അപകടത്തിന് കാരണം ബ​സി​ന്റെ അ​മി​ത​വേ​ഗം -​ മോ​ട്ടോ​ർ വാ​ഹ​ന​വ​കു​പ്പ്

ആ​റാം​മൈ​ലി​ൽ ബ​സി​ലി​ടി​ച്ച ഓ​ട്ടോ​റി​ക്ഷ​മ​റി​ഞ്ഞ് ക​ത്തി ര​ണ്ട് യു​വാ​ക്ക​ൾ മ​രി​ച്ച സം​ഭ​വ​ത്തി​ൽ സ്വ​കാ​ര്യ ബ​സി​ന്റെ അ​മി​ത​വേ​ഗ​മാ​ണ് അ​പ​ക​ട​ത്തി​ന് കാ​ര​ണ​മെ​ന്ന് മോ​ട്ടോ​ർ വാ​ഹ​ന​വ​കു​പ്പ് എ​ൻ​ഫോ​ഴ്സ്മെ​ന്റ് സ്ക്വാ​ഡ് ക​ണ്ടെ​ത്ത​ൽ. മ​റ്റ് വാ​ഹ​ന​ങ്ങ​ളെ മ​റി​ക​ട​ന്നു​വ​ന്ന ബ​സ് നേ​രി​ട്ട് ഓ​ട്ടോ​യി​ൽ ഇ​ടി​ക്കു​ക​യാ​യി​രു​ന്നു.

ഓ​ട്ടോ​യു​ടെ ഗ്യാ​സ് ടാ​ങ്കി​ലാ​ണ് ബ​സ് ഇ​ടി​ച്ച​ത്. വാ​ൾ​വ് പൊ​ട്ടി​യ​തോ​ടെ തീ​പ​ട​ർ​ന്നു. ഓ​ട്ടോ മ​റി​ഞ്ഞ​തി​നാ​ൽ യാ​ത്ര​ക്കാ​ര​നും ഡ്രൈ​വ​റും വ​ണ്ടി​ക്ക​ടി​യി​ലാ​യ​തി​നാ​ൽ ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും സാ​ധി​ച്ചി​ല്ല. അ​പ​ക​ട​ത്തി​ൽ​പെ​ട്ട വാ​ഹ​ന​ങ്ങ​ൾ​ക്ക് രേ​ഖ​ക​ളും ഫി​റ്റ്ന​സു​മു​ണ്ടെ​ന്നും എ​ൻ​ഫോ​ഴ്സ്മെ​ന്റ് ആ​ർ.​ടി.​ഒ എ.​സി. ഷീ​ബ പ​റ​ഞ്ഞു.

ഓട്ടോറിക്ഷ അപകടം: ബസ് ഡ്രൈവർ അറസ്റ്റിൽ

കൂ​ത്തു​പ​റ​മ്പ്: ആ​റാം​മൈ​ലി​ൽ സ്വ​കാ​ര്യ ബ​സി​ടി​ച്ച് മ​റി​ഞ്ഞ ഓ​ട്ടോ​റി​ക്ഷ ക​ത്തി ര​ണ്ടു യു​വാ​ക്ക​ൾ മ​രി​ക്കാ​നി​ട​യാ​യ സം​ഭ​വ​ത്തി​ൽ ബ​സ് ഡ്രൈ​വ​ർ അ​റ​സ്റ്റി​ൽ. മു​ട​പ്പ​ത്തൂ​രി​ലെ സു​ധി​ൻ നി​വാ​സി​ൽ സു​ധി​ൻ അ​ത്തി​ക്ക​യെ (32) ആ​ണ് ക​തി​രൂ​ർ പൊ​ലീ​സ് അ​റ​സ്റ്റ് ചെ​യ്ത​ത്. അ​പ​ക​ട​ശേ​ഷം ഓ​ടി​ര​ക്ഷ​പ്പെ​ട്ട ഇ​യാ​ൾ ക​തി​രൂ​ർ പൊ​ലീ​സ് സ്റ്റേ​ഷ​നി​ൽ ഹാ​ജ​രാ​കു​ക​യാ​യി​രു​ന്നു. വെ​ള്ളി​യാ​ഴ്ച രാ​ത്രി 8.30ഓ​ടെ ത​ല​ശ്ശേ​രി-​കൂ​ത്തു​പ​റ​മ്പ് റോ​ഡി​ൽ ആ​റാം​മൈ​ൽ മൈ​താ​ന​പ്പ​ള്ളി​ക്ക് സ​മീ​പ​ത്താ​യി​രു​ന്നു അ​പ​ക​ടം.

സു​ധി​ൻ ഓ​ടി​ച്ചി​രു​ന്ന സ്വ​കാ​ര്യ ബ​സ് മ​റ്റൊ​രു വാ​ഹ​ന​ത്തെ മ​റി​ക​ട​ക്കു​ന്ന​തി​നി​ട​യി​ൽ എ​തി​രെ വ​രു​ക​യാ​യി​രു​ന്ന ഓ​ട്ടോ​യി​ൽ ഇ​ടി​ക്കു​ക​യാ​യി​രു​ന്നു. ഓ​ട്ടോ റോ​ഡി​ലേ​ക്ക് മ​റി​ഞ്ഞ​ശേ​ഷം ക​ത്തി. ഓ​ട്ടോ​റി​ക്ഷ ഓ​ടി​ച്ചി​രു​ന്ന പാ​നൂ​ർ പാ​റാ​ട് സ്വ​ദേ​ശി അ​ഭി​ലാ​ഷ്, സു​ഹൃ​ത്ത് ഷ​ജീ​ഷ് എ​ന്നി​വ​രാ​ണ് വെ​ന്തു​മ​രി​ച്ച​ത്. സു​ധി​നെ ത​ല​ശ്ശേ​രി എ.​സി.​ജെ.​എം കോ​ട​തി​യി​ൽ ഹാ​ജ​രാ​ക്കി.

വാഹനാപകടം: ഫോറൻസിക്സംഘം പരിശോധന നടത്തി

കൂ​ത്തു​പ​റ​മ്പ്: ക​തി​രൂ​രി​ന​ടു​ത്ത ആ​റാം​മൈ​ൽ മൈ​താ​ന​പ്പ​ള്ളി​ക്ക് സ​മീ​പം സ്വ​കാ​ര്യ ബ​സ് ഇ​ടി​ച്ച് ഓ​ട്ടോ​റി​ക്ഷ ക​ത്തി യു​വാ​ക്ക​ൾ മ​രി​ക്കാ​നി​ട​യാ​യ സം​ഭ​വ​ത്തി​ൽ ഫോ​റ​ൻ​സി​ക് സം​ഘ​വും മോ​ട്ടോ​ർ വാ​ഹ​ന വ​കു​പ്പും പ​രി​ശോ​ധ​ന ന​ട​ത്തി. ഇ​ടി​യു​ടെ ആ​ഘാ​ത​ത്തി​ലു​ണ്ടാ​യ വാ​ത​ക ചോ​ർ​ച്ച​യാ​വാം ര​ണ്ടു​പേ​രു​ടെ മ​ര​ണ​ത്തി​നി​ട​യാ​ക്കി​യ​തെ​ന്നാ​ണ് പ്രാ​ഥ​മി​ക നി​ഗ​മ​നം.

വെ​ള്ളി​യാ​ഴ്ച രാ​ത്രി 8.30ഓ​ടെ ത​ല​ശ്ശേ​രി ഭാ​ഗ​ത്ത് നി​ന്നും വ​രു​ക​യാ​യി​രു​ന്ന സ്വ​കാ​ര്യ ബ​സ് മ​റ്റൊ​രു വാ​ഹ​ന​ത്തെ മ​റി​ക​ട​ന്ന് എ​തി​രെ വ​രു​ക​യാ​യി​രു​ന്ന ഓ​ട്ടോ​റി​ക്ഷ​യി​ൽ ഇ​ടി​ച്ചാ​യി​രു​ന്നു അ​പ​ക​ടം. ഓ​ട്ടോ​റി​ക്ഷ​ഓ​ടി​ച്ചി​രു​ന്ന പാ​നൂ​ർ പാ​റാ​ട് സ്വ​ദേ​ശി അ​ഭി​ലാ​ഷ്, സു​ഹൃ​ത്ത് ഷ​ജീ​ഷ് എ​ന്നി​വ​രാ​ണ് വെ​ന്തുമ​രി​ച്ച​ത്.

അ​പ​ക​ട​ത്തെ തു​ട​ർ​ന്ന് ഓ​ടി​ര​ക്ഷ​പ്പെ​ട്ട സ്വ​കാ​ര്യ ബ​സ് ഡ്രൈ​വ​ർ സു​ധി​ലി​നെ ക​തി​രൂ​ർ പൊ​ലീ​സ് അ​റ​സ്റ്റ്​ ചെ​യ്തി​ട്ടു​ണ്ട്. ഫോ​റ​ൻ​സി​ക് പ​രി​ശോ​ധ​നക്കു​ശേ​ഷം വാ​ഹ​ന​ങ്ങ​ൾ ക​തി​രൂ​ർ പൊ​ലീ​സ് സ്റ്റേ​ഷ​നി​ലേ​ക്ക് മാ​റ്റി.