ട്രോളിങ് നിരോധനം അവസാനിച്ചു; മത്സ്യവിപണി ഉണർന്നു

കാ​സ​ർ​കോ​ട്: ശ​ക്ത​മാ​യ കാ​ല​വ​ർ​ഷ​വും ക​ട​ലേ​റ്റ​വും ട്രോ​ളി​ങ് നി​രോ​ധ​ന​വു​മാ​യി മ​ത്സ്യ​ങ്ങ​ളു​ടെ വ​ര​വു​നി​ല​ച്ച മാ​ർ​ക്ക​റ്റു​ക​ളി​ൽ യ​ഥേ​ഷ്ടം മ​ത്സ്യ​ങ്ങ​ൾ വ​ന്നു​തു​ട​ങ്ങി​യ​ത് മ​ത്സ്യാ​ഹാ​ര​പ്രേ​മി​ക​ൾ​ക്കും മ​ത്സ്യ​ത്തൊ​ഴി​ലാ​ളി​ക​ൾ​ക്കും ആ​ശ്വാ​സ​മാ​യി. ട്രോ​ളി​ങ്​ നി​രോ​ധ​നം അ​വ​സാ​നി​ച്ച​തോ​ടെ കൂ​ടു​ത​ൽ മ​ത്സ്യ​ങ്ങ​ൾ വി​പ​ണി​യി​ലെ​ത്തു​മെ​ന്ന പ്ര​തീ​ക്ഷ​യി​ലാ​ണ് മ​ത്സ്യ​വി​ൽ​പ​ന തൊ​ഴി​ലാ​ളി​ക​ളും ഉ​പ​ഭോ​ക്താ​ക്ക​ളും.

ക​ഴി​ഞ്ഞ നാ​ലു ദി​വ​സ​മാ​യി മാ​ർ​ക്ക​റ്റു​ക​ളി​ൽ ചെ​മ്മീ​നി​ന്റെ വ​ലി​യ തോ​തി​ലു​ള്ള വ​ര​വാ​ണ്. മീ​ഡി​യം സൈ​സി​ലു​ള്ള ചെ​മ്മീ​ന് കി​ലോ​ക്ക് 200 രൂ​പ​യാ​ണ്. ഇ​ത് ഗ്രാ​മ​പ്ര​ദേ​ശ​ങ്ങ​ളി​ലെ​ത്തു​മ്പോ​ൾ 220 മു​ത​ൽ 250 രൂ​പ​വ​രെ ഈ​ടാ​ക്കു​ന്നു​ണ്ട്. വ​ലി​യ ചെ​മ്മീ​ന് 400 രൂ​പ മു​ത​ൽ 500 രൂ​പ​വ​രെ വി​ല​യു​ണ്ട്.

ന​ല്ല​യി​നം ചെ​മ്മീ​ൻ ക​ല​ർ​ന്ന പൊ​ടി​മീ​നു​ക​ളും മാ​ർ​ക്ക​റ്റു​ക​ളി​ൽ എ​ത്തി​ത്തു​ട​ങ്ങി​യ​തോ​ടെ മ​ത്തി​യു​ടെ​യും അ​യ​ല​യു​ടെ​യും ഡി​മാ​ൻ​ഡ് കു​റ​ഞ്ഞി​ട്ടു​ണ്ട്. ഫ്ര​ഷാ​യി ല​ഭി​ക്കു​ന്ന മീ​നു​ക​ളോ​ടാ​ണ് ഇ​പ്പോ​ൾ ഉ​പ​ഭോ​ക്താ​ക്ക​ൾ​ക്ക് താ​ൽ​പ​ര്യ​വും. ക​ട​ലി​ള​ക്കം ജി​ല്ല​യി​ൽ പ​ല ഭാ​ഗ​ങ്ങ​ളി​ലും ഉ​ണ്ടെ​ങ്കി​ലും നേ​രി​യ കു​റ​വു​ള്ള​പ്പോ​ഴാ​ണ് വ​ള്ള​ങ്ങ​ൾ ക​ട​ലി​ലി​റ​ക്കു​ന്ന​ത്.

ഇ​വ​ർ​ക്ക് ല​ഭി​ക്കു​ന്ന മീ​നാ​ണ് ക​ഴി​ഞ്ഞ​ദി​വ​സ​ങ്ങ​ളി​ൽ മ​ത്സ്യ​മാ​ർ​ക്ക​റ്റു​ക​ളി​ൽ എ​ത്തി​യ​ത്. മം​ഗ​ളൂ​രു, മ​ഞ്ചേ​ശ്വ​രം മ​ത്സ്യ​ബ​ന്ധ​ന തു​റ​മു​ഖ​ങ്ങ​ളി​ൽ​നി​ന്ന് ഇ​ത്ത​ര​ത്തി​ൽ വ​ള്ള​ങ്ങ​ളി​ൽ പി​ടി​ക്കു​ന്ന മ​ത്സ്യ​ങ്ങ​ൾ വി​പ​ണി​യി​ൽ എ​ത്തു​ന്നു​ണ്ട്. അ​തി​നി​ടെ കാ​ല​വ​ർ​ഷ​ മു​ന്ന​റി​യി​പ്പ് ഗൗരവത്തിലെടുക്കണമെന്ന് അധികൃതർ നിർദേശം നൽകി.