ഈ ആരോഗ്യകേന്ദ്രത്തിനും ‘ചികിത്സ’ വേണം

പാ​നൂ​ർ: സാ​മൂ​ഹി​കാ​രോ​ഗ്യ കേ​ന്ദ്രം അ​സൗ​ക​ര്യ​ങ്ങ​ളു​ടെ കേ​ന്ദ്ര​മാ​യി​രി​ക്കു​ക​യാ​ണ്. ദി​വ​സേ​ന കേ​ന്ദ്ര​ത്തി​ലെ​ത്തു​ന്ന അ​ഞ്ഞൂ​റി​ല​ധി​കം രോ​ഗി​ക​ൾ അ​സൗ​ക​ര്യ​ങ്ങ​ളി​ൽ വീ​ർ​പ്പു​മു​ട്ടു​ന്ന​തി​ന് അ​റു​തി​യാ​വാ​ൻ ഇ​നി​യു​മെ​ത്ര നാ​ൾ ക​ഴി​യ​ണം. താ​ലൂ​ക്ക് ആ​ശു​പ​ത്രി​യാ​യി ഉ​യ​ർ​ത്തി​യ​ത് രേ​ഖ​ക​ളി​ൽ മാ​ത്രം ഒ​തു​ങ്ങു​ന്ന​തി​ൽ നാ​ണ​ക്കേ​ട് നാ​ട്ടു​കാ​ർ​ക്ക് മാ​ത്ര​മാ​ണ്.

സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ന്റെ ബോ​ർ​ഡ് മാ​റ്റി താ​ലൂ​ക്ക് ആ​ശു​പ​ത്രി എ​ന്നാ​ക്കി​യ​ത​ല്ലാ​തെ ഇ​തു​വ​രെ മ​റ്റൊ​ന്നും ന​ട​ന്നി​ല്ല. ആ​ശു​പ​ത്രി​യു​ടെ ഓ​ഫി​സ് മു​ദ്ര​പോ​ലും മാ​റ്റാ​ൻ അ​ധി​കൃ​ത​ർ ത​യാ​റാ​യി​ട്ടി​ല്ല. സാ​മൂ​ഹി​കാ​രോ​ഗ്യ കേ​ന്ദ്രം എ​ന്ന സീ​ൽ താ​ലൂ​ക്ക് ആ​ശു​പ​ത്രി എ​ന്നാ​ക്കാ​ൻ അ​ക്കൗ​ണ്ട​ന്റ് ജ​ന​റ​ൽ

വി​സ​മ്മ​തം പ്ര​ക​ടി​പ്പി​ച്ച​തി​നാ​ൽ മാ​റ്റാ​ൻ ക​ഴി​യു​ന്നി​ല്ലെ​ന്നാ​ണ് വി​വ​രം. ഓ​ഫി​സ് മു​ദ്ര​പോ​ലും മാ​റ്റാ​ൻ ക​ഴി​യാ​ത്ത​ത് നാ​ണ​ക്കേ​ടാ​യി​രി​ക്കു​ക​യാ​ണ്. 2015ലാ​ണ് താ​ലൂ​ക്ക് ആ​ശു​പ​ത്രി​യാ​യി ഉ​യ​ർ​ത്തി ഉ​ത്ത​ര​വ് വ​ന്ന​ത്. എ​ന്നാ​ൽ, താ​ലൂ​ക്ക് ആ​ശു​പ​ത്രി​യി​ൽ നി​ന്ന് ല​ഭി​ക്കേ​ണ്ട സേ​വ​ന​ങ്ങ​ളൊ​ന്നും ഇ​വി​ടെ ല​ഭ്യ​മ​ല്ല. പേ​രി​ന് 11ഓ​ളം ഡോ​ക്ട​ർ​മാ​രു​ണ്ടെ​ങ്കി​ലും മൂ​ന്നോ, നാ​ലോ ഡോ​ക്ട​ർ​മാ​രു​ടെ സേ​വ​നം മാ​ത്ര​മാ​ണ് ഒ​രു ദി​വ​സം ല​ഭി​ക്കു​ന്ന​ത്. ഇ.​എ​ൻ.​ടി​ക്ക് മാ​ത്ര​മാ​ണ് വി​ദ​ഗ്ധ ഡോ​ക്ട​റു​ള്ള​ത്. മാ​തൃ-​ശി​ശു സം​ര​ക്ഷ​ണ കേ​ന്ദ്ര​മാ​ണെ​ങ്കി​ലും ര​ണ്ടു വി​ഭാ​ഗ​ങ്ങ​ൾ​ക്കും കാ​ഷ്വാ​ലി​റ്റി ഇ​ല്ല. ജ​ന​റ​ൽ ഫി​സി​ഷ്യ​നും നി​ല​വി​ലി​ല്ല. ഓ​പ​റേ​ഷ​ൻ തി​യ​റ്റ​റും എ​ക്സ്റേ യൂ​നി​റ്റു​മു​ണ്ടെ​ങ്കി​ലും പ്ര​വ​ർ​ത്തി​ക്കു​ന്നി​ല്ല. 2020 സെ​പ്റ്റം​ബ​ർ 12ന് ​ആ​ശു​പ​ത്രി​ക്ക് അ​ഞ്ഞൂ​റ് മീ​റ്റ​റി​നു​ള്ളി​ൽ യു​വ​തി വീ​ട്ടി​ൽ പ്ര​സ​വി​ക്കു​ക​യും ഭ​ർ​ത്താ​വ് ഹോ​സ്പി​റ്റ​ലി​ലെ​ത്തി കേ​ണ​പേ​ക്ഷി​ച്ചി​ട്ടും പൊ​ലീ​സും ഫ​യ​ർ​ഫോ​ഴ്സും ഇ​ട​പെ​ട്ടി​ട്ടും ഡോ​ക്ട​ർ വീ​ട്ടി​ൽ​പോ​യി പ​രി​ശോ​ധി​ക്കാ​നോ ന​ഴ്സി​നെ അ​യ​ക്കു​വാ​നോ ത​യാ​റാ​വാ​ത്ത​തി​നെ തു​ട​ർ​ന്ന് ന​വ​ജാ​ത​ശി​ശു മ​രി​ച്ചി​രു​ന്നു.

ഇ​തി​നെ​തു​ട​ർ​ന്ന് ക​ടു​ത്ത മ​നു​ഷ്യാ​വ​കാ​ശ ലം​ഘ​ന​ത്തി​നും നീ​തി​നി​ഷേ​ധ​ത്തി​നു​മെ​തി​രെ മ​നു​ഷ്യാ​വ​കാ​ശ ക​മീ​ഷ​ന് മു​ന്നി​ൽ പ​രാ​തി പോ​യി​രു​ന്നു. കു​റ്റ​ക്കാ​ർ​ക്കെി​രെ കേ​സെ​ടു​ത്ത് ക​ർ​ശ​ന ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​ണ് പ​രാ​തി​യി​ലെ ആ​വ​ശ്യം. മ​നു​ഷ്യാ​വ​കാ​ശ ക​മീ​ഷ​ൻ സം​സ്ഥാ​ന ആ​രോ​ഗ്യ സെ​ക്ര​ട്ട​റി​യോ​ട് മൂ​ന്നു മാ​സ​ത്തി​നു​ള്ളി​ൽ റി​പ്പോ​ർ​ട്ട് സ​മ​ർ​പ്പി​ക്കാ​ൻ നി​ർ​ദേ​ശി​ച്ചി​രു​ന്നെ​ങ്കി​ലും താ​ലൂ​ക്ക് ആ​ശു​പ​ത്രി എ​ന്ന ബോ​ർ​ഡ് വെ​ക്കു​ക​യ​ല്ലാ​തെ ഒ​രു പു​രോ​ഗ​തി​യോ അ​ടി​സ്ഥാ​ന സൗ​ക​ര്യ​വി​ക​സ​ന​ങ്ങ​ളോ ഉ​ണ്ടാ​യി​ല്ല.

ആ​രോ​ഗ്യ​കേ​ന്ദ്രം കൂ​ടു​ത​ൽ സൗ​ക​ര്യ​ങ്ങ​ളൊ​രു​ക്കി ടൗ​ണി​ൽ ത​ന്നെ മ​റ്റൊ​രി​ട​ത്തേ​ക്കു മാ​റ്റാ​ൻ സ്ഥ​ലം എം.​എ​ൽ.​എ​യാ​യ മു​ൻ ആ​രോ​ഗ്യ മ​ന്ത്രി ശൈ​ല​ജ​യു​ടെ നേ​തൃ​ത്വ​ത്തി​ൽ പൂ​ക്കോം റോ​ഡി​ൽ ഒ​രേ​ക്ക​ർ സ്ഥ​ലം ക​ണ്ടെ​ത്തി​യി​രു​ന്നു. കെ​ട്ടി​ടം പ​ണി​യാ​ൻ സ​ർ​ക്കാ​ർ ഫ​ണ്ടും അ​നു​വ​ദി​ച്ചു. എ​ന്നാ​ൽ, നി​ല​വി​ൽ ഈ ​പ​ദ്ധ​തി​യും നി​യ​മ​ക്കു​രു​ക്കി​ലാ​ണെ​ന്ന​റി​യു​ന്നു.

സ​ർ​ക്കാ​ർ അ​വ​ഗ​ണ​ന കാ​ണി​ക്കു​ന്ന​താ​യി ക​ഴി​ഞ്ഞ ദി​വ​സം ചേ​ർ​ന്ന ആ​ശു​പ​ത്രി വി​ക​സ​ന സ​മി​തി യോ​ഗ​ത്തി​ൽ കു​റ്റ​പ്പെ​ടു​ത്തി. താ​ലൂ​ക്ക് ആ​ശു​പ​ത്രി​യാ​യി ഉ​യ​ർ​ത്തി എ​ട്ടു വ​ർ​ഷ​മാ​യി​ട്ടും

അ​ടി​സ്ഥാ​ന സൗ​ക​ര്യ​ങ്ങ​ളി​ൽ ഒ​രു മാ​റ്റ​വു​മു​ണ്ടാ​യി​ട്ടി​ല്ലെ​ന്ന് യോ​ഗം ചൂ​ണ്ടി​ക്കാ​ട്ടി.