ഈ ഡിവൈഡർ ഇനി വേണ്ട !

ത​ല​ശ്ശേ​രി: ദേ​ശീ​യ​പാ​ത​യി​ൽ ജ​ന​റ​ൽ ആ​ശു​പ​ത്രി ക​വ​ല​യി​ലെ ഡി​വൈ​ഡ​ർ ന​ഗ​ര​സ​ഭ ഇ​ട​പെ​ട്ട് ഒ​ടു​വി​ൽ പൊ​ളി​ച്ചു​നീ​ക്കാ​ൻ തു​ട​ങ്ങി. ന​ഗ​ര​സ​ഭ ഓ​ഫി​സി​ൽ വ്യാ​ഴാ​ഴ്ച ചേ​ർ​ന്ന ദു​ര​ന്ത​നി​വാ​ര​ണ അ​വ​ലോ​ക​ന യോ​ഗ​ത്തി​ന്റെ തീ​രു​മാ​ന​പ്ര​കാ​ര​മാ​ണ് ഒ​ട്ടേ​റെ അ​പ​ക​ട​ങ്ങ​ൾ​ക്ക് ഇ​ട​യാ​ക്കി​യ ഡി​വൈ​ഡ​ർ ജെ.​സി.​ബി ഉ​പ​യോ​ഗി​ച്ച് ഇ​ന്ന​ലെ പൊ​ളി​ക്കാ​ൻ തു​ട​ങ്ങി​യ​ത്. ക​ഴി​ഞ്ഞ ചൊ​വ്വാ​ഴ്ച പു​ല​ർ​ച്ചയാ​ണ് ഒ​ടു​വി​ലാ​യി അ​പ​ക​ട​മു​ണ്ടാ​യ​ത്.

ഇ​രു​ച​ക്ര​വാ​ഹ​ന​ലോ​ഡു​മാ​യി പോ​വു​ക​യാ​യി​രു​ന്ന രാ​ജ​സ്ഥാ​ൻ ക​ണ്ടെ​യ്ന​ർ ലോ​റി ഇ​ടി​ച്ചു ക​യ​റി ഡി​വൈ​ഡ​ർ ഭാ​ഗി​ക​മാ​യി ത​ക​ർ​ന്നി​രു​ന്നു. ഇ​തേ തു​ട​ർ​ന്നാ​ണ് അ​പ​ക​ട​ക​ര​മാ​യ ഡി​വൈ​ഡ​ർ ഉ​ട​ൻ നീ​ക്ക​ണ​മെ​ന്ന ആ​വ​ശ്യം ശ​ക്ത​മാ​യ​ത്‌. ക​ണ്ണൂ​രി​ൽ നി​ന്നും മാ​ഹി ഭാ​ഗ​ത്തേ​ക്ക് നീ​ളു​ന്ന ദേ​ശീ​യ​പാ​ത​യി​ൽ ഏ​റ്റ​വും ഇ​ടു​ങ്ങി​യ സ്ഥ​ല​ത്താ​ണ് വാ​ഹ​ന​ങ്ങ​ളെ ഇ​രു​വ​ശ​ത്തേ​ക്കു​മാ​യി ക​ട​ത്തി​വി​ടാ​നാ​യി ഡി​വൈ​ഡ​ർ സ്ഥാ​പി​ച്ച​ത്. അ​ശാ​സ്ത്രീ​യ​മാ​യാ​ണ് ഇ​ത് നി​ർ​മി​ച്ച​തെ​ന്ന് നേ​ര​ത്തെ ആ​ക്ഷേ​പ​മു​ണ്ടാ​യി​രു​ന്നു​വെ​ങ്കി​ലും ബ​ന്ധ​പ്പെ​ട്ട​വ​ർ അ​വ​ഗ​ണി​ച്ചു.

ഇ​ത​ര സം​സ്ഥാ​ന​ങ്ങ​ളി​ൽ നി​ന്ന​ട​ക്ക​മു​ള്ള ചെ​റു​തും വ​ലു​തു​മാ​യ വാ​ഹ​ന​ങ്ങ​ൾ രാ​പ്പക​ലി​ല്ലാ​തെ ത​ല​ങ്ങും വി​ല​ങ്ങും ചീ​റി​പ്പാ​യു​ന്ന റോ​ഡി​ലെ ഡി​വൈ​ഡ​റി​ൽ അ​പ​ക​ട സൂ​ച​ന ബോ​ർ​ഡോ, സ്റ്റി​ക്ക​റു​ക​ളോ, റി​ഫ്ലക്ട​റു​ക​ളോ ഉ​ണ്ടാ​യി​രു​ന്നി​ല്ല. ഒ​രു വാ​ഹ​നാപ​ക​ട മ​ര​ണം ഉ​ൾ​പ്പെ​ടെ സം​ഭ​വി​ച്ചി​ട്ടും അ​ധി​കൃ​ത​ർ അ​ന​ങ്ങി​യി​ല്ല. ദേ​ശീ​യ പാ​ത​യി​ൽ ഇ​ത്ത​രം ഒ​രു അ​ശാ​സ്ത്രീ​യ ഡി​വൈ​ഡ​ർ സ്ഥാ​പി​ച്ച​തി​നെ വാ​ഹ​ന ഡ്രൈ​വ​ർ​മാ​രും പൊ​തു​ജ​ന​വും ഏ​റെ വി​മ​ർ​ശി​ച്ചി​രു​ന്നു. കാ​ല​വ​ർ​ഷം തു​ട​ങ്ങി​യ​തോ​ടെ ഇ​വി​ടെ അ​പ​ക​ട സാ​ധ്യ​ത കൂ​ടി. ഇ​തു കൂ​ടി പ​രി​ഗ​ണി​ച്ചാ​ണ് ജി​ല്ല ഭ​ര​ണ​കൂ​ട​ത്തി​ന്റെ അ​നു​മ​തി​യോ​ടെ ഡി​വൈ​ഡ​ർ പൊ​ളി​ച്ചു​മാ​റ്റാ​ൻ ന​ഗ​ര​സ​ഭ ത​യാ​റാ​യ​ത്.

ചെ​യ​ർ​പേ​ഴ്സ​ൻ കെ.​എം. ജ​മു​നാ റാ​ണി, വൈ​സ് ചെ​യ​ർ​മാ​ൻ വാ​ഴ​യി​ൽ ശ​ശി എ​ന്നി​വ​രു​ടെ സാ​ന്നി​ധ്യ​ത്തി​ൽ ന​ഗ​ര​സ​ഭ ഹെ​ൽ​ത്ത് സു​പ്പ​ർ​വൈ​സ​ർ കെ. ​പ്ര​മോ​ദ്, ഹെ​ൽ​ത്ത് ഇ​ൻ​സ്പ​ക്ട​ർ അ​നി​ൽ കു​മാ​ർ വി​ല​ങ്ങാ​ട് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ഡി​വൈ​ഡ​ർ പൊ​ളി​ച്ചു മാ​റ്റു​ന്ന പ്ര​വൃ​ത്തി വെ​ള്ളി​യാ​ഴ്ച തു​ട​ങ്ങി​യ​ത്.