വിധവയായ ആദിവാസി സ്ത്രീയുടെ വീട് ജപ്തി ചെയ്തു

പേ​രാ​വൂ​ർ: ക​ണി​ച്ചാ​റി​ൽ വി​ധ​വ​യാ​യ ആ​ദി​വാ​സി സ്ത്രീ​യോ​ട് ബാ​ങ്ക് അ​ധി​കൃ​ത​രു​ടെ ക്രൂ​ര​ത. ബാ​ങ്കി​ൽ​നി​ന്ന് വാ​യ്പ എ​ടു​ത്ത​ത് തി​രി​ച്ച​ട​ക്കാ​ത്ത​തി​ന്റെ പേ​രി​ൽ ക​ണി​ച്ചാ​റി​ലെ എം.​സി. ഓ​മ​ന​യു​ടെ വീ​ട് ബാ​ങ്ക് അ​ധി​കൃ​ത​ർ ജ​പ്തി ചെ​യ്തു. ചൊ​വ്വാ​ഴ്ച വൈ​കീ​ട്ടാ​ണ് വീ​ട് ജ​പ്തി ചെ​യ്ത​ത്. വ​നി​ത പൊ​ലീ​സി​ല്ലാ​തെ ഇ​വ​രെ വീ​ട്ടി​ൽ​നി​ന്ന് ബ​ലം പ്ര​യോ​ഗി​ച്ച് ഇ​റ​ക്കി​വി​ട്ട​താ​യും ആ​ക്ഷേ​പം ഉ​യ​ർ​ന്നു. തു​ട​ർ​ന്ന് ഓ​മ​ന​യും കു​ടും​ബ​വും വീ​ട്ടി​നു​മു​ന്നി​ൽ പ്ര​തി​ഷേ​ധി​ച്ചു.

വാ​യ്പ തി​രി​ച്ച​ട​ക്കാ​ൻ കൂ​ടു​ത​ൽ സാ​വ​കാ​ശം ഓ​മ​ന ചോ​ദി​ച്ചെ​ങ്കി​ലും ബാ​ങ്ക് അ​ധി​കൃ​ത​ർ വ​ഴ​ങ്ങി​യി​ല്ല. ജ​പ്തി ന​ട​പ​ടി ക​ണി​ച്ചാ​ർ പ​ഞ്ചാ​യ​ത്ത് അ​ധി​കൃ​ത​രെ അ​റി​യി​ച്ചെ​ങ്കി​ലും ഫ​ല​മു​ണ്ടാ​യി​ല്ല. ജ​പ്തി​യെ തു​ട​ർ​ന്ന് അ​ട​ച്ചി​ട്ട വീ​ടി​നു​മു​ന്നി​ലാ​ണ് ഓ​മ​ന രാ​ത്രി ക​ഴി​ഞ്ഞ​ത്.

ര​ണ്ടു​ത​വ​ണ​ക​ളാ​യി എ​ട്ടു​ല​ക്ഷം രൂ​പ​യു​ടെ വാ​യ്പ​യാ​ണ് ഓ​മ​ന എ​ടു​ത്ത​ത്. ആ​ദ്യം ലൈ​ഫ് പ​ദ്ധ​തി വ​ഴി ല​ഭി​ച്ച വീ​ടി​ന്റെ നി​ർ​മാ​ണം പൂ​ർ​ത്തി​യാ​ക്കാ​ൻ നാ​ലു​ല​ക്ഷം രൂ​പ​യു​ടെ വാ​യ്പ എ​ടു​ത്തു. ര​ണ്ടാ​മ​ത് അ​ർ​ബു​ദ​രോ​ഗി​യാ​യ ഭ​ർ​ത്താ​വി​നെ ചി​കി​ത്സി​ക്കാ​നു​മാ​യി​രു​ന്നു.

ര​ണ്ടു​വ​ർ​ഷം മു​മ്പ് ഭ​ർ​ത്താ​വ് മ​രി​ച്ചു. തു​ട​ർ​ന്ന് തൊ​ഴി​ലു​റ​പ്പ് പ​ദ്ധ​തി​യി​ലൂ​ടെ​യാ​ണ് ഓ​മ​ന വ​രു​മാ​നം ക​ണ്ടെ​ത്തു​ന്ന​ത്.