പുരസ്കാര മികവിൽ തലശ്ശേരി പൊലീസ് സ്റ്റേഷൻ

ത​ല​ശ്ശേ​രി: സം​സ്ഥാ​ന​ത്തെ മി​ക​ച്ച പൊ​ലീ​സ് സ്റ്റേ​ഷ​നു​ള്ള മു​ഖ്യ​മ​ന്ത്രി​യു​ടെ പു​ര​സ്കാ​ര നി​റ​വി​ൽ ത​ല​ശ്ശേ​രി പൊ​ലീ​സ് സ്റ്റേ​ഷ​ൻ. 2023ലെ ​പ്ര​വ​ർ​ത്ത​ന മി​ക​വി​നാ​ണ് ത​ല​ശ്ശേ​രി പൊ​ലീ​സ് സ്റ്റേ​ഷ​ന് മു​ഖ്യ​മ​ന്ത്രി​യു​ടെ ട്രോ​ഫി ല​ഭി​ച്ച​ത്. പൊ​ലീ​സു​കാ​രു​ടെ ജ​ന​ങ്ങ​ളോ​ടു​ള്ള പെ​രു​മാ​റ്റം, അ​ന്വേ​ഷ​ണ മി​ക​വ്, കു​റ്റ​കൃ​ത്യ​ങ്ങ​ൾ ത​ട​യു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ, ഗ്രീ​ൻ പ്രോ​ട്ടോ​കോ​ൾ, പ​രാ​തി പ​രി​ഹാ​രം തു​ട​ങ്ങി ത​ല​ശ്ശേ​രി പൊ​ലീ​സ് സ്റ്റേ​ഷ​ന്റെ പ്ര​വ​ർ​ത്ത​ന മി​ക​വി​നാ​ണ് ട്രോ​ഫി ല​ഭി​ച്ച​ത്. ക്ര​മ​സ​മാ​ധാ​ന വി​ഭാ​ഗം എ.​ഡി.​ജി.​പി​യു​ടെ അ​ധ്യ​ക്ഷ​ത​യി​ലു​ള്ള സ്ക്രീ​നി​ങ് ക​മ്മി​റ്റി​തിതെ​ര​ഞ്ഞെ​ടു​പ്പ് ന​ട​ത്തി​യ​ത്.

ഹെ​ൽ​പ് ഡെ​സ്ക്, വി​മ​ൻ ഡ​സ്ക്, സീ​നി​യ​ർ സി​റ്റി​സ​ൺ ഹെ​ൽ​പ് ഡെ​സ്ക്, ജ​ന​മൈ​ത്രി സം​വി​ധാ​നം എ​ന്നി​വ​യു​ടെ പ്ര​വ​ർ​ത്ത​ന​വും സ്റ്റേ​ഷ​നി​ൽ സ​ജീ​വ​മാ​ണ്. പൊ​തു​സ്ഥ​ല​ത്ത് മ​യ​ക്കു​മ​രു​ന്ന് ഉ​പ​യോ​ഗി​ച്ച​തി​ന് 254 കേ​സു​ക​ൾ 2023 ര​ജി​സ്റ്റ​ർ ചെ​യ്തു. കു​റ്റ​കൃ​ത്യ​ങ്ങ​ൾ ത​ട​യാ​നു​ള്ള ന​ട​പ​ടി​യു​ടെ ഭാ​ഗ​മാ​യി 11 പ്ര​തി​ക​ൾ​ക്കെ​തി​രെ 2023ൽ ​കാ​പ്പ​നി​യ​മം ചു​മ​ത്തി​യി​രു​ന്നു. ഇ​തേ വ​ർ​ഷം 1.75 കോ​ടി രൂ​പ​യു​ടെ ക​ള്ള​പ്പ​ണം പി​ടി​കൂ​ടി ആ​ദാ​യ നി​കു​തി വ​കു​പ്പി​ന് കൈ​മാ​റി. എ​ട്ട് ക​വ​ർ​ച്ച കേ​സു​ക​ളി​ലാ​യി 13 പേ​രെ അ​റ​സ്റ്റ് ചെ​യ്തു. എം. ​അ​നി​ൽ, ബി​ജു ആ​ന്റ​ണി എ​ന്നി​വ​ർ ത​ല​ശ്ശേ​രി സി.​ഐ ആ​യി​രു​ന്ന കാ​ല​യ​ള​വി​ലെ പ്ര​വ​ർ​ത്ത​ന​മാ​ണ് അം​ഗീ​കാ​ര​ത്തി​ന് ആ​ധാ​രം. നി​ല​വി​ൽ മൂ​ന്ന് എ​സ്.​ഐ​മാ​ർ ഉ​ൾ​പ്പെ​ടെ 79 ഉ​ദ്യോ​ഗ​സ്ഥ​രാ​ണ് ത​ല​ശ്ശേ​രി സ്റ്റേ​ഷ​നി​ലു​ള്ള​ത്. ബ്രി​ട്ടീ​ഷ് ഭ​ര​ണ​കാ​ല​ത്ത് സ്ഥാ​പി​ച്ച ആ​ദ്യ പൊ​ലീ​സ് സ്റ്റേ​ഷ​നു​ക​ളി​ൽ ഒ​ന്നാ​ണ് ത​ല​ശ്ശേ​രി​യി​ലേ​ത്. ഒ​ട്ട​ന​വ​ധി ച​രി​ത്ര സം​ഭ​വ​ങ്ങ​ൾ​ക്കും സ്റ്റേ​ഷ​ൻ സാ​ക്ഷ്യം വ​ഹി​ച്ചി​ട്ടു​ണ്ട്.

2024ൽ ​മു​പ്പ​തി​ൽ കൂ​ടു​ത​ൽ കാ​പ്പ കേ​സു​ക​ളി​ൽ ന​ട​പ​ടി സ്വീ​ക​രി​ച്ച​താ​യി ഇ​പ്പോ​ഴ​ത്തെ ഇ​ൻ​സ്പെ​ക്ട​ർ ബി​നു തോ​മ​സ് പ​റ​ഞ്ഞു. ല​ഹ​രി​ക്കേ​സു​ക​ളി​ൽ ക​ർ​ശ​ന ന​ട​പ​ടി സ്വീ​ക​രി​ച്ചു. തൊ​ട്ടി​ൽ​പ്പാ​ലം സ്വ​ദേ​ശി​യാ​യ ബി​നു തോ​മ​സ് ആ​റു​മാ​സ​മാ​യി ത​ല​ശ്ശേ​രി സ്റ്റേ​ഷ​ൻ ഇ​ൻ​സ്പെ​ക്ട​റാ​ണ്.1899​ൽ മ​ദ്രാ​സ് സ​ർ​ക്കാ​ർ ഉ​ത്ത​ര​വ​നു​സ​രി​ച്ചാ​ണ് സ്വ​കാ​ര്യ കെ​ട്ടി​ട​ത്തി​ൽ ത​ല​ശ്ശേ​രി സ്റ്റേ​ഷ​ൻ പ്ര​വ​ർ​ത്ത​നം തു​ട​ങ്ങി​യ​ത്. 1984 ആ​ഗ​സ്റ്റ് നാ​ലി​ന് ത​ല​ശ്ശേ​രി സ്റ്റേ​ഡി​യ​ത്തി​ന് സ​മീ​പ​ത്തു​ള്ള കെ​ട്ടി​ട​ത്തി​ൽ സ്റ്റേ​ഷ​ൻ പ്ര​വ​ർ​ത്ത​നം മാ​റ്റി. നേ​ര​ത്തേ സ്റ്റേ​ഷ​ൻ പ്ര​വ​ർ​ത്തി​ച്ചി​രു​ന്ന കെ​ട്ടി​ട​ത്തി​ൽ ഇ​പ്പോ​ൾ ട്രാ​ഫി​ക് യൂ​നി​റ്റാ​ണ് പ്ര​വ​ർ​ത്തി​ക്കു​ന്ന​ത്. പ​ഴ​യ സ്റ്റേ​ഷ​ൻ കെ​ട്ടി​ടം പൈ​തൃ​ക പ​ദ്ധ​തി​യി​ലു​ൾ​പ്പെ​ടു​ത്തി ന​വീ​ക​രി​ച്ചു. ത​ല​ശ്ശേ​രി, തി​രു​വ​ങ്ങാ​ട്, എ​ര​ഞ്ഞോ​ളി വി​ല്ലേ​ജു​ക​ളാ​ണ് ത​ല​ശ്ശേ​രി സ്റ്റേ​ഷ​ന്റെ അ​ധി​കാ​ര​പ​രി​ധി.