ത​ല​ശ്ശേ​രി റെ​യി​ൽ​വേ സ്​​റ്റേ​ഷ​ൻ: റെയിൽവേ ഭൂമിയിൽ പാർക്കിങ് വിലക്ക്

ത​ല​ശ്ശേ​രി: റെ​യി​ൽ​വേ സ്​​റ്റേ​ഷ​നി​ലെ​ത്തു​ന്ന യാ​ത്ര​ക്കാ​രു​ടെ വാ​ഹ​ന​ങ്ങ​ൾ​ക്ക് റെ​യി​ൽ​വേ ഭൂ​മി​യി​ൽ പാ​ർ​ക്കി​ങ് വി​ല​ക്ക്. ഒ​ന്നാം പ്ലാ​റ്റ്ഫോ​റ​ത്തി​ന് പു​റ​ത്ത് വ​ട​ക്കു​ഭാ​ഗം റോ​ഡ​രി​കി​ലാ​ണ് പാ​ർ​ക്കി​ങ്ങി​ന് നി​യ​ന്ത​ണ​മേ​ർ​പ്പെ​ടു​ത്തി​യ​ത്. ഇ​ത് അ​നീ​തി​യാ​ണെ​ന്ന് സ്​​ഥി​ര​യാ​ത്ര​ക്കാ​ർ പ​റ​യു​ന്നു.

ഇ​വി​ടെ റെ​യി​ൽ​വേ ഭൂ​മി​യി​ലു​ള്ള പോ​ക്ക​റ്റ് റോ​ഡി​െൻറ ഇ​രു​വ​ശ​ങ്ങ​ളി​ലും ജ​ന​ത്തി​െൻറ നി​കു​തി​പ്പ​ണം ഉ​പ​യോ​ഗി​ച്ച് മ​നോ​ഹ​ര​മാ​യി കോ​ൺ​ക്രീ​റ്റ് ചെ​യ്തി​ട്ടു​ണ്ട്. ഇ​രു​ച​ക്ര​വാ​ഹ​നം മു​ത​ൽ കാ​റു​ക​ൾ വ​രെ നി​ർ​ത്തി​യി​ടാ​ൻ ആ​വ​ശ്യ​ത്തി​ന് സൗ​ക​ര്യ​വു​മു​ണ്ട്. എ​ന്നാ​ൽ, യാ​ത്ര​ക്കാ​രു​ടെ വാ​ഹ​ന​ങ്ങ​ൾ​ക്ക് ഇ​വി​ടേ​ക്ക് പ്ര​വേ​ശ​ന​മി​ല്ല. ക​ട​ക്കേ​ണ്ട വ​ഴി​യി​ൽ വ​ലി​യ വീ​പ്പ​ക​ൾ സ്ഥാ​പി​ച്ച് ക​മ്പി​ക​ൾ ചേ​ർ​ത്ത് കെ​ട്ടി ത​ട​സ്സ​പ്പെ​ടു​ത്തി​യ നി​ല​യി​ലാ​ണു​ള്ള​ത്. നോ ​എ​ൻ​ട്രി ബോ​ർ​ഡും സ്ഥാ​പി​ച്ചി​ട്ടു​ണ്ട്. റെ​യി​ൽ​വേ അ​ധി​കാ​രി​ക​ൾ അ​റി​യാ​തെ​യാ​ണ് ഈ ​ന​ട​പ​ടി​യെ​ന്ന് വി​വ​ര​മു​ണ്ട്.

ആ​ർ.​പി.​എ​ഫ് ആ​ണ് ഇ​തി​ന് പി​ന്നി​ലെ​ന്ന് ആ​ക്ഷേ​പ​മു​ണ്ട്. പൊ​തു​പ്ര​വ​ർ​ത്ത​ക​നാ​യ പീ​റ്റ​ക്ക​ണ്ടി ര​വീ​ന്ദ്ര​ൻ വി​ഷ​യം റെ​യി​ൽ​വേ മേ​ല​ധി​കാ​രി​ക​ളു​ടെ ശ്ര​ദ്ധ​യി​ൽ​പെ​ടു​ത്തി​യി​ട്ടു​ണ്ട്. ഇ​ത് ശ​രി​യാ​യ ന​ട​പ​ടി​യ​ല്ലെ​ന്ന് പാ​ല​ക്കാ​ട് ഡി​വി​ഷ​ൻ ഓ​ഫി​സി​ൽ​നി​ന്ന്​ അ​റി​ഞ്ഞ​താ​യി ര​വീ​ന്ദ്ര​ൻ പ​റ​ഞ്ഞു. എ​ന്നാ​ൽ, റെ​യി​ൽ​വേ സ്ഥ​ല​ത്ത് യാ​ത്ര​ക്കാ​ര​ല്ലാ​ത്ത​വ​രു​ടെ വാ​ഹ​ന​ങ്ങ​ൾ നി​ർ​ത്തി​യി​ടു​ന്ന​ത് പ​തി​വാ​യ​തോ​ടെ​യാ​ണ് അ​ന​ധി​കൃ​ത​ക്കാ​രെ നി​യ​ന്ത്രി​ക്കാ​ൻ താ​ൽ​ക്കാ​ലി​ക സം​വി​ധാ​നം ഏ​ർ​പ്പെ​ടു​ത്തി​യ​തെ​ന്നാ​ണ് ആ​ർ.​പി.​എ​ഫ് വി​ശ​ദീ​ക​ര​ണം.