കുരുക്കിട്ട നടപ്പാതകൾ; കാഴ്ചക്കാരായി പൊലീസുകാർ

ത​ല​ശ്ശേ​രി: ന​ഗ​ര​ത്തി​ലെ ന​ട​പ്പാ​ത​ക​ൾ കൈ​യേ​റി​യും പാ​ർ​ക്കി​ങ് നി​രോ​ധി​ത സ്ഥ​ല​ങ്ങ​ളി​ലും വാ​ഹ​ന​ങ്ങ​ൾ നി​ർ​ത്തി​യി​ടു​ന്ന​ത് വ്യാ​പ​ക​മാ​കു​ന്നു. ന​ട​പ​ടി സ്വീ​ക​രി​ക്കേ​ണ്ട ട്രാ​ഫി​ക് പൊ​ലീ​സു​കാ​രാ​ക​ട്ടെ കാ​ഴ്ച​ക്കാ​രാ​യി മാ​റു​ന്നു.

ക​ണ്ണാ​യ സ്ഥ​ല​ങ്ങ​ളി​ലെ​ല്ലാം കൈ​യേ​റ്റം വ്യാ​പ​ക​മാ​യി​ട്ടും ന​ട​പ​ടി പേ​രി​നു​മാ​ത്രം. പ​ഴ​യ ബ​സ് സ്റ്റാ​ൻ​ഡ് ആ​ശു​പ​ത്രി റോ​ഡ്, ഹെ​ഡ് പോ​സ്​​റ്റ്​ ഓ​ഫി​സ് റോ​ഡ്, എം.​ജി റോ​ഡ്, എ​ൻ.​സി.​സി റോ​ഡ്, ലോ​ഗ​ൻ​സ് റോ​ഡ്, നാ​ര​ങ്ങാ​പ്പു​റം, പു​തി​യ ബ​സ് സ്റ്റാ​ൻ​ഡ് പ​രി​സ​രം, എ.​വി.​കെ. നാ​യ​ർ റോ​ഡ് എ​ന്നി​വി​ട​ങ്ങ​ളി​ലെ​ല്ലാം കൈ​യേ​റ്റം വ്യാ​പ​ക​മാ​ണ്. രാ​വി​ലെ നി​ർ​ത്തി​യി​ടു​ന്ന വാ​ഹ​ന​ങ്ങ​ൾ പ​ല​പ്പോ​ഴും രാ​ത്രി​വ​രെ ഒ​രേ കി​ട​പ്പാ​ണ്. റോ​ഡും ന​ട​പ്പാ​ത​യും ഒ​രു​പോ​ലെ കൈ​യേ​റു​ന്ന കാ​ഴ്ച​യാ​ണ് പ​ല​യി​ട​ത്തും. ഇ​ത് കാ​ൽ​ന​ട​ക്കാ​രും വാ​ഹ​നം നി​ർ​ത്തി​യി​ടു​ന്ന​വ​രും ത​മ്മി​ലു​ള്ള വാ​ക്കേ​റ്റ​ത്തി​നും ഇ​ട​യാ​ക്കു​ന്നു.

പ​ഴ​യ ബ​സ് സ്റ്റാ​ൻ​ഡ് ജൂ​ബി​ലി ഷോ​പ്പി​ങ് കോം​പ്ല​ക്സ് പ​രി​സ​ര​ത്തും ലോ​ഗ​ൻ​സ് റോ​ഡി​ലു​മാ​ണ് നി​ർ​ത്തി​യി​ടു​ന്ന വാ​ഹ​ന​ങ്ങ​ൾ ഏ​റെ​യും. ഷോ​പ്പി​ങ്ങി​നെ​ത്തു​ന്ന വാ​ഹ​ന​ങ്ങ​ളും യാ​ത്ര​ക്കാ​ർ​ക്ക് വി​ല​ങ്ങു​ത​ടി​യാ​വു​ക​യാ​ണ്. ചി​ല സ്ഥാ​പ​ന​ങ്ങ​ളു​ടെ വ​രാ​ന്ത​ക​ൾ സ്ഥാ​പ​ന​ത്തി​ലെ​ത്തു​ന്ന വാ​ഹ​ന​ങ്ങ​ൾ​ക്ക് നി​ർ​ത്തി​യി​ടാ​നാ​യി ടൈ​ൽ​സ് പാ​കി കൈ​യേ​റി​യി​ട്ടു​ണ്ട്.

ന​ട​പ​ടി​യെ​ടു​ക്കാ​ൻ ബാ​ധ്യ​ത​പ്പെ​ട്ട​വ​ർ ഇ​ക്കാ​ര്യ​ത്തി​ൽ ക​ണ്ണ​ട​ക്കു​ക​യാ​ണ്. ട്രാ​ഫി​ക് പൊ​ലീ​സ് നോ ​പാ​ർ​ക്കി​ങ് ബോ​ർ​ഡു​വെ​ച്ച ഇ​ട​ങ്ങ​ളി​ലെ​ല്ലാം ചെ​റു​തും വ​ലു​തു​മാ​യ വാ​ഹ​ന​ങ്ങ​ൾ നി​ര​യാ​യി നി​ർ​ത്തി​യി​ട്ടി​രി​ക്കു​ന്ന​ത് കാ​ണാം. ലോ​ഗ​ൻ​സ് റോ​ഡി​ലെ വ്യാ​പാ​ര സ​മു​ച്ച​യ​ത്തി​ന്റെ വ​രാ​ന്ത​ക​ളി​ലും ന​ട​പ്പാ​ത​ക​ളി​ലും കാ​റു​ക​ൾ ഉ​ൾ​പ്പെ​ടെ നി​ർ​ത്തി​യി​ടു​ന്ന​ത് ഗ​താ​ഗ​ത​ക്കു​രു​ക്കി​നും വ​ഴി​വെ​ക്കു​ന്നു.

ത​ല​നാ​ഴി​ര​ക്കാ​ണ് ഇ​വി​ടെ പ​ല​പ്പോ​ഴും അ​പ​ക​ടം ഒ​ഴി​വാ​കു​ന്ന​ത്. ഇ​വി​ടെ റോ​ഡി​ലി​റ​ങ്ങി ന​ട​ക്കേ​ണ്ട സാ​ഹ​ച​ര്യ​മാ​ണ് കാ​ൽ​ന​ട​ക്കാ​ർ​ക്ക്. മു​ന്നി​ലെ​ത്തു​ന്ന വാ​ഹ​ന​ങ്ങ​ൾ ശ്ര​ദ്ധി​ച്ചി​ല്ലെ​ങ്കി​ൽ അ​പ​ക​ട​ത്തി​ൽ​പെ​ടാ​നും സാ​ധ്യ​ത​യേ​റെ. റോ​ഡി​ലെ അ​ന​ധി​കൃ​ത കൈ​യേ​റ്റ​ങ്ങ​ൾ​ക്കി​ട​യി​ൽ സ്വ​കാ​ര്യ ബ​സു​ക​ൾ ത​ല​ങ്ങും വി​ല​ങ്ങു​മാ​യി നി​ർ​ത്തി​യി​ട്ട് ആ​ളു​ക​ളെ ക​യ​റ്റു​ന്ന​തും ന​ഗ​ര​ത്തി​ൽ പൊ​ല്ലാ​പ്പ് സൃ​ഷ്ടി​ക്കു​ന്നു.

ഒ.​വി റോ​ഡി​ലും പ​ഴ​യ ബ​സ് സ്റ്റാ​ൻ​ഡ് എം.​ജി റോ​ഡ് ക​വ​ല​യി​ലു​മാ​ണ് ഇ​ത് കാ​ൽ​ന​ട​ക്കാ​ർ​ക്ക് ശ​ല്യ​മാ​യി​ട്ടു​ള്ള​ത്. ന​ഗ​ര​ത്തി​ൽ കു​ത്ത​ഴി​ഞ്ഞ ട്രാ​ഫി​ക് സം​വി​ധാ​ന​ത്തി​ൽ മാ​റ്റം വേ​ണ​മെ​ന്ന് പ​ല കോ​ണു​ക​ളി​ൽ നി​ന്നാ​യി ആ​വ​ശ്യ​മു​യ​ർ​ന്നി​ട്ടു​ണ്ടെ​ങ്കി​ലും ഇ​നി​യും ന​ട​പ​ടി​യാ​യി​ല്ല. ട്രാ​ഫി​ക് റ​ഗു​ലേ​റ്റ​റി ക​മ്മി​റ്റി യോ​ഗം ഇ​ട​ക്കി​ടെ ചേ​രാ​റു​ണ്ടെ​ങ്കി​ലും തീ​രു​മാ​നം ഫ​യ​ലി​ലൊ​തു​ങ്ങു​ക​യാ​ണ്.