പൊന്ന്യം നേന്ത്രപ്പഴ കൃഷിയിൽ ഇടിവ്

ത​ല​ശ്ശേ​രി: രു​ചി​യി​ലും നി​റ​ത്തി​ലും കാ​ഴ്ച​യി​ലും ഏ​റെ പ്ര​സി​ദ്ധ​മാ​ണ് പൊ​ന്ന്യം നേ​ന്ത്ര​പ്പ​ഴം. പൊ​ന്ന്യ​ത്തും ചു​ണ്ട​ങ്ങാ​പ്പൊ​യി​ലി​ലും കു​ണ്ടു​ചി​റ​യി​ലും ച​മ്പാ​ടു​മൊ​ക്കെ​യാ​യി ഏ​ക​ദേ​ശം 60 ഹെ​ക്ട​റോ​ളം സ്ഥ​ല​ത്ത് പൊ​ന്ന്യം നേ​ന്ത്ര​പ്പ​ഴം നേ​ര​ത്തെ കൃ​ഷി ചെ​യ്തി​രു​ന്നു. എ​ന്നാ​ൽ, പ​ല കാ​ര​ണ​ങ്ങ​ളാ​ൽ ഇ​ന്ന് വാ​ഴ​കൃ​ഷി 40 ഹെ​ക്ട​റി​ലാ​യി ചു​രു​ങ്ങി. മ​ഴ​യെ ആ​ശ്ര​യി​ച്ചാ​ണ് പ​ല​രും വാ​ഴ​കൃ​ഷി ചെ​യ്തു​വ​രു​ന്ന​ത്. അ​തി​നാ​ൽ, വി​ള​വെ​ടു​പ്പും ഏ​റ​ക്കു​റെ ഒ​രേ സ​മ​യ​ത്താ​ണ്.

തൃ​ശ്ശി​നാ​പ്പ​ള്ളി​യി​ൽ​നി​ന്നും വ​യ​നാ​ട്ടി​ൽ​നി​ന്നു​മൊ​ക്കെ വ​രു​ന്ന നേ​ന്ത്ര​പ്പ​ഴം കി​ലോ 30ഉം 40​ഉം രൂ​പ​ക്ക് ല​ഭി​ക്കു​മ്പോ​ൾ പൊ​ന്ന്യം നേ​ന്ത്ര​ന് 65ഉം 70​ഉം രൂ​പ​യാ​ണ് ഇ​ന്ന് മാ​ർ​ക്ക​റ്റ് വി​ല. വാ​ഴ​കൃ​ഷി കൊ​ണ്ടു​മാ​ത്രം ഉ​പ​ജീ​വ​നം ക​ഴി​യു​ന്ന എ​ത്ര​യോ കു​ടും​ബ​ങ്ങ​ൾ ഇ​ന്നും ഈ ​പ്ര​ദേ​ശ​ത്തു​ണ്ട്. പ​ര​മ്പ​രാ​ഗ​ത​മാ​യ കൃ​ഷി​രീ​തി​യാ​ണ് ഏ​റെ​യും ഇ​വി​ടെ പി​ന്തു​ട​രു​ന്ന​ത്. വാ​ഴ​പ്പ​ഴ​ത്തി​ന്റെ നി​റ​വും രു​ചി​യു​മൊ​ക്കെ​യാ​ണ് പൊ​ന്ന്യം നേ​ന്ത്ര​പ്പ​ഴ​ത്തെ വേ​റി​ട്ട​താ​ക്കു​ന്ന​ത്. ദൂ​ര​സ്ഥ​ല​ങ്ങ​ളി​ൽ​നി​ന്നു​പോ​ലും നേ​ന്ത്ര​പ്പ​ഴ​ത്തി​നാ​യി ആ​വ​ശ്യ​ക്കാ​ർ പൊ​ന്ന്യ​ത്തേ​ക്ക് എ​ത്താ​റു​ണ്ട്. മു​ൻ​കാ​ല​ങ്ങ​ളി​ൽ, ഇ​വി​ടെ ഉ​ൽ​പാ​ദി​പ്പി​ക്കു​ന്ന വാ​ഴ​ക്ക​ന്നു​ക​ൾ കൃ​ഷി​ക്കാ​ർ പ​ര​സ്പ​രം കൈ​മാ​റ്റം ചെ​യ്താ​ണ് കൃ​ഷി വ്യാ​പി​പ്പി​ച്ചി​രു​ന്ന​ത്. നേ​ര​ത്തെ 100 വാ​ഴ വി​ള​വെ​ടു​ത്താ​ൽ 400ഉം 500​ഉം ഒ​ക്കെ ക​ന്നു​ക​ൾ ല​ഭി​ക്കു​മാ​യി​രു​ന്നു. ഇ​തും കൃ​ഷി​ക്കാ​ർ​ക്ക് വ​രു​മാ​ന​മാ​ർ​ഗ​മാ​യി​രു​ന്നു.

എ​ന്നാ​ൽ, ഇ​ന്ന് 100 വാ​ഴ​യി​ൽ​നി​ന്ന് 50ഉം 60​ഉം ക​ന്നു​ക​ൾ മാ​ത്ര​മാ​ണ് ല​ഭി​ക്കു​ന്ന​ത്. ഇ​ത് മാ​റ്റി ന​ട്ടാ​ൽ മു​ള​ച്ചു​വ​രു​ന്ന​തി​ൽ 30 ശ​ത​മാ​ന​ത്തി​ലേ​റെ ക​ന്നു​ക​ൾ ന​ശി​ച്ചു​പോ​കു​ന്ന​താ​യാ​ണ് കൃ​ഷി​ക്കാ​ർ പ​റ​യു​ന്ന​ത്. ആ​വ​ശ്യ​ത്തി​ന് ക​ന്നു​ക​ൾ പ്രാ​ദേ​ശി​ക​മാ​യി ല​ഭ്യ​മ​ല്ലാ​ത്ത​തി​നാ​ൽ ത​മി​ഴ്‌​നാ​ട്ടി​ൽ​നി​ന്ന് ഇ​റ​ക്കു​മ​തി ചെ​യ്ത ക​ന്നു​ക​ളാ​ണ് പ​ല​രും ഇ​പ്പോ​ൾ ഉ​പ​യോ​ഗി​ച്ചു​വ​രു​ന്ന​ത്. ഇ​തു​വ​ഴി പ​ല രോ​ഗ​ങ്ങ​ളും വ്യാ​പി​ക്കു​ന്ന​താ​യാ​ണ് ക​ർ​ഷ​ക​രു​ടെ അ​നു​ഭ​വം.

രാ​സ​വ​ള​ങ്ങ​ളു​ടെ വി​ല​ക്ക​യ​റ്റ​വും ആ​വ​ശ്യ​ത്തി​ന് തൊ​ഴി​ലാ​ളി​ക​ളെ യ​ഥാ​സ​മ​യം ല​ഭി​ക്കാ​ത്ത​തും കൂ​ലി​ച്ചെ​ല​വും കാ​ര​ണം ഇ​ന്ന് വാ​ഴ​കൃ​ഷി ലാ​ഭ​ക​ര​മ​ല്ലാ​ത്ത അ​വ​സ്ഥ​യി​ലാ​ണ്. ഒ​രു വാ​ഴ​ക്ക് 10 മാ​സ​ത്തോ​ളം നീ​ണ്ടു​നി​ൽ​ക്കു​ന്ന പ​രി​ച​ര​ണ​ത്തി​നി​ട​യി​ൽ 350 രൂ​പ​യോ​ളം ചെ​ല​വു​വ​രും. താ​ങ്ങു​കാ​ൽ ഇ​ന​ത്തി​ലാ​ണ് വ​ലി​യ തു​ക ചെ​ല​വു​വ​രു​ന്ന​ത്. 80ഉം 100​ഉം രൂ​പ കൊ​ടു​ത്ത് വാ​ങ്ങു​ന്ന താ​ങ്ങു​കാ​ൽ ഒ​ന്നോ ര​ണ്ടോ വ​ർ​ഷം മാ​ത്ര​മേ ഉ​പ​യോ​ഗി​ക്കാ​ൻ സാ​ധി​ക്കൂ. വെ​ള്ള​പ്പൊ​ക്ക​വും കാ​റ്റും പോ​ലെ​യു​ള്ള പ്ര​കൃ​തി​ക്ഷോ​ഭം കൊ​ണ്ടു​ണ്ടാ​കു​ന്ന ന​ഷ്ടം വേ​റെ. ഇ​തി​നെ​യൊ​ക്കെ ത​ര​ണം ചെ​യ്താ​ൽ കൃ​ഷി​ക്കാ​ര​ന് പ​ത്തു​മാ​സം കൊ​ണ്ട് ല​ഭി​ക്കു​ന്ന​ത് ഒ​രു വാ​ഴ​യി​ൽ​നി​ന്ന് അ​മ്പ​തോ നൂ​റോ രൂ​പ​യാ​ണ്.

ഭീ​ഷ​ണി​യാ​യി ത​ണ്ടു​തു​ര​പ്പ​ൻ പു​ഴു

വാ​ഴ​കൃ​ഷി​ക്കാ​രെ വെ​ട്ടി​ലാ​ക്കി ത​ണ്ടു​തു​ര​പ്പ​ൻ പു​ഴു​വി​ന്റെ ആ​ക്ര​മ​ണം. വാ​ഴ​യു​ടെ പു​റം​പോ​ള​ക​ളി​ൽ വ​ണ്ടു​ക​ൾ വ​ന്ന് മു​ട്ട​യി​ടു​ക​യും നാ​ല​ഞ്ച് ദി​വ​സം​കൊ​ണ്ട് മു​ട്ട​വി​രി​ഞ്ഞ് പു​റ​ത്തു​വ​രു​ന്ന പു​ഴു​ക്ക​ൾ പോ​ള​യു​ടെ ഭാ​ഗം​തി​ന്ന് പി​ണ്ടി​യി​ലേ​ക്ക് ക​ട​ക്കു​ക​യും ചെ​യ്യും.

തു​ട​ർ​ന്ന് വാ​ഴ ഒ​ടി​ഞ്ഞു​പോ​വും. നേ​ര​ത്തെ ഇ​തി​നെ​തി​രെ വേ​പ്പി​ൻ പി​ണ്ണാ​ക്ക്, സോ​പ്പ് ചീ​ളു​ക​ൾ ഒ​ക്കെ ഉ​പ​യോ​ഗി​ച്ചി​രു​ന്നെ​ങ്കി​ലും ഇ​പ്പോ​ൾ അ​വ ഫ​ലി​ക്കാ​ത്ത അ​വ​സ്ഥ​യാ​ണെ​ന്ന് ക​ർ​ഷ​ക​നാ​യ പൊ​ന്ന്യം പാ​ല​ത്തെ കെ. ​നൂ​റു​ദ്ദീ​ൻ പ​റ​ഞ്ഞു. പു​ഴു​വി​ന്റെ ആ​ക്ര​മ​ണം കു​ല​ത്ത​ണ്ടി​നെ ബാ​ധി​ച്ചാ​ൽ മൂ​പ്പെ​ത്തു​ന്ന​തി​നു​മു​മ്പ് കു​ല വാ​ട​ലേ​റ്റ് ഒ​ടി​ഞ്ഞു​പോ​കു​ന്നു. ഇ​ങ്ങ​നെ പാ​ക​മാ​കു​ന്ന​തി​നു​മു​മ്പേ ഒ​ടി​ഞ്ഞു​തൂ​ങ്ങി​ക്കി​ട​ക്കു​ന്ന വാ​ഴ​ക്കു​ല​ക​ൾ പ​ല തോ​ട്ട​ത്തി​ലും കാ​ണാം.

ക​ന്നു​ക​ൾ ന​ശി​ക്കാ​ൻ കാ​ര​ണം പ്ര​ധാ​ന​മാ​യും മാ​ണ​വ​ണ്ടി​ന്റെ ആ​ക്ര​മ​ണ​മാ​ണ്. ക​ന്ന് ന​ട്ടാ​ൽ കൂ​മ്പി​ല വി​രി​യാ​ൻ താ​മ​സി​ക്കു​ക​യും വി​രി​ഞ്ഞാ​ൽ ത​ന്നെ വാ​ടി​ക്ക​രി​ഞ്ഞ് പോ​വു​ക​യും ചെ​യ്യു​ന്നു. മാ​ണ​വ​ണ്ടി​ന്റെ​യും ത​ണ്ടു​തു​ര​പ്പ​ൻ വ​ണ്ടി​ന്റെ​യും ആ​ക്ര​മ​ണം ര​ണ്ടു​മൂ​ന്ന് വ​ർ​ഷ​മാ​യി ക​ഠി​ന​മാ​ണ്. കൂ​ടാ​തെ ഇ​ല​പ്പു​ള്ളി രോ​ഗ​വും മൊ​സേ​ക്ക് രോ​ഗ​വും വ്യാ​പ​ക​മാ​ണ്.

കൃ​ഷി​ഭ​വ​ന് മൗ​നം

പൊ​ന്ന്യ​ത്തെ നേ​ന്ത്ര​വാ​ഴ കൃ​ഷി പ്രോ​ത്സാ​ഹി​പ്പി​ക്കാ​ൻ ഗ്രാ​മ​പ​ഞ്ചാ​യ​ത്ത് ഇ​ട​പെ​ടു​ന്ന​ത് കൃ​ഷി​ക്കാ​ർ ഏ​റെ പ്ര​തീ​ക്ഷ​യോ​ടെ​യാ​ണ് കാ​ണു​ന്ന​ത്. പൊ​ന്ന്യം നേ​ന്ത്ര​ന് ഭൗ​മ​സൂ​ചി​ക പ​ദ​വി ല​ഭി​ക്കാ​നാ​വ​ശ്യ​മാ​യ പ്രാ​ഥ​മി​ക ഇ​ട​പെ​ട​ൽ ന​ട​ത്തി​വ​രു​ക​യാ​ണ്.

എ​ന്നാ​ൽ, കൃ​ഷി​ഭ​വ​ൻ മൗ​നം പു​ല​ർ​ത്തു​ന്ന​തി​ൽ ക​ർ​ഷ​ക​ർ​ക്ക് പ​രി​ഭ​വ​മു​ണ്ട്. അ​ഞ്ചെ​ട്ട് വ​ർ​ഷ​മാ​യി ക​തി​രൂ​ർ കൃ​ഷി​ഭ​വ​നി​ൽ സ്ഥി​രം കൃ​ഷി ഓ​ഫി​സ​റോ ആ​വ​ശ്യ​ത്തി​ന് ജീ​വ​ന​ക്കാ​രോ ഇ​ല്ല. കാ​ർ​ഷി​ക സ​ർ​വ​ക​ലാ​ശാ​ല​യി​ലെ കൃ​ഷി​ശാ​സ്ത്ര​ജ്ഞ​രു​ടെ അ​ടി​യ​ന്ത​ര ഇ​ട​പെ​ട​ലും ഫ​ല​പ്ര​ദ​മാ​യ പ​രി​ഹാ​ര മാ​ർ​ഗ​ങ്ങ​ളും ക​ണ്ടെ​ത്താ​ൻ ഉ​ട​ൻ ക​ഴി​ഞ്ഞി​ല്ലെ​ങ്കി​ൽ വാ​ഴ​കൃ​ഷി​യി​ൽ പൊ​ന്ന്യ​ത്തി​ന്റെ പെ​രു​മ ന​ഷ്ട​പ്പെ​ടും.