ജഗന്നാഥ ക്ഷേത്രത്തിൽ ഇളനീർ അഭിഷേകം

തലശ്ശേരി: ജഗന്നാഥ ക്ഷേത്രത്തിൽ ഭക്തിസാന്ദ്രമായ അന്തരീക്ഷത്തിൽ ഇളനീർ അഭിഷേകം. തലശ്ശേരിയിലും പരിസരങ്ങളിൽനിന്നുമുള്ള നൂറുകണക്കിന് മഠങ്ങളിൽനിന്നും സങ്കേതങ്ങളിൽനിന്നുമായി എത്തിച്ച ഇളനീരാണ് ഞായറാഴ്ച രാത്രി അഭിഷേകം ചെയ്തത്.

മേൽശാന്തി സബീഷ് ശിവലിംഗത്തിൽ എള്ളെണ്ണയും പശുവിൻനെയ്യും പനിനീരും ഒഴിച്ചതിനുശേഷമാണ് ഇളനീർ അഭിഷേകം നടത്തിയത്. തുടർന്ന് പ്രത്യേക പൂജക്ക് ശാന്തിമാരായ സബീഷ്, വിനു, ശശി, ലജീഷ്, സെൽവൻ എന്നിവർ കാർമികത്വം വഹിച്ചു.