ബ്രണ്ണൻ കോളജ് സിന്തറ്റിക് ട്രാക്ക് നിർമാണം അവസാനഘട്ടത്തിൽ

ത​ല​ശ്ശേ​രി: ധ​ർ​മ​ടം ഗ​വ. ബ്ര​ണ്ണ​ൻ കോ​ള​ജി​ൽ സി​ന്ത​റ്റി​ക് ട്രാ​ക്ക് നി​ർ​മാ​ണം പു​രോ​ഗ​മി​ക്കു​ന്നു. എ​ട്ടു​കോ​ടി രൂ​പ ചെ​ല​വു വ​രു​ന്ന ട്രാ​ക്കി‍െൻറ ആ​ദ്യ​ഘ​ട്ട പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​വു​ക​യാ​ണ്. ഇ​റ​ക്കു​മ​തി ചെ​യ്ത ചു​വ​ന്ന നി​റ​ത്തി​ലു​ള്ള ട്രാ​ക്കാ​ണ് സ്ഥാ​പി​ച്ച​ത്. ട്രാ​ക്ക് അ​ട​യാ​ള​പ്പെ​ടു​ത്തു​ന്ന പ്ര​വ​ർ​ത്ത​ന​ങ്ങ​ളാ​ണ് ഇ​പ്പോ​ൾ പു​രോ​ഗ​മി​ക്കു​ന്ന​ത്.

ത​ദ്ദേ​ശ തെ​ര​ഞ്ഞെ​ടു​പ്പി​നു​ശേ​ഷം ട്രാ​ക്കി‍െൻറ ഉ​ദ്ഘാ​ട​നം ന​ട​ക്കും. സ്പോ​ർ​ട്സ് അ​തോ​റി​റ്റി ഓ​ഫ് ഇ​ന്ത്യ​യാ​ണ്​ (സാ​യ്) ട്രാ​ക്ക് നി​ർ​മാ​ണം ന​ട​ത്തി​യ​ത്. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ട​ൻ ട്രാ​ക്ക് സ​ന്ദ​ർ​ശി​ക്കും.

അ​ന്താ​രാ​ഷ്​​ട്ര അ​ത്​​ല​റ്റി​ക് ഫെ​ഡ​റേ​ഷ​ൻ നി​ർ​ദേ​ശി​ക്കു​ന്ന നി​ല​വാ​ര​ത്തി​ൽ 400 മീ​റ്റ​റി​ല്‍ എ​ട്ട് ലൈ​ന്‍ സി​ന്ത​റ്റി​ക് ട്രാ​ക്ക്, ഇ​ന്‍ഡോ​ര്‍ ഹാ​ള്‍, ഫു​ട്ബാ​ൾ, വോ​ളി​ബാ​ള്‍, ബാ​സ്ക​റ്റ്ബാ​ള്‍ കോ​ര്‍ട്ട്, ജിം​നേ​ഷ്യം എ​ന്നി​വ​യും ഹോ​സ്​​റ്റ​ലും ഉ​ൾ​പ്പെ​ടു​ന്ന പ​ദ്ധ​തി​യാ​ണ് ബ്ര​ണ്ണ​നി​ൽ ന​ട​പ്പാ​ക്കു​ന്ന​ത്.

2017 ഒ​ക്ടോ​ബ​ർ 29ന് ​മു​ഖ്യ​മ​ന്ത്രി പി​ണ​റാ​യി വി​ജ​യ​നാ​ണ് സ്​​റ്റേ​ഡി​യ​ത്തി​ന് ത​റ​ക്ക​ല്ലി​ട്ട​ത്. പാ​ല​യാ​ട് അം​ബേ​ദ്ക​ർ കോ​ള​നി​ക്ക് സ​മീ​പം കോ​ള​ജി‍െൻറ ഉ​ട​മ​സ്ഥ​ത​യി​ലു​ള്ള ഏ​ഴ​ര ഏ​ക്ക​ർ സ്ഥ​ലം ഉ​പ​യോ​ഗ​പ്പെ​ടു​ത്തി​യാ​ണ് സ്​​റ്റേ​ഡി​യം നി​ർ​മി​ക്കു​ന്ന​ത്. 2018 മാ​ർ​ച്ച് 15ന് ​പ്ര​വൃ​ത്തി തു​ട​ങ്ങി.

ദ്രു​ത​ഗ​തി​യി​ൽ ന​ട​ന്ന പ്ര​വൃ​ത്തി കോ​വി​ഡ് കാ​ര​ണം മാ​സ​ങ്ങ​ളോ​ളം വൈ​കി​യി​രു​ന്നു. മ​ഴ​ക്കാ​ലം ക​ഴി​ഞ്ഞ ശേ​ഷ​മാ​ണ് പ്ര​വൃ​ത്തി പു​ന​രാ​രം​ഭി​ച്ച​ത്.

2013ലാ​ണ് ബ്ര​ണ്ണ​ൻ കോ​ള​ജി​ൽ സ്പോ​ർ​ട്സ് അ​തോ​റി​റ്റി ഓ​ഫ് ഇ​ന്ത്യ സി​ന്ത​റ്റി​ക് ട്രാ​ക്ക് അ​നു​വ​ദി​ച്ച​ത്. മു​ഖ്യ​മ​ന്ത്രി പി​ണ​റാ​യി വി​ജ​യ‍െൻറ ഇ​ട​പെ​ട​ലോ​ടെ​യാ​ണ് നി​ര​വ​ധി ത​ട​സ്സ​ങ്ങ​ളി​ൽ കു​ടു​ങ്ങി​ക്കി​ട​ന്ന പ​ദ്ധ​തി യാ​ഥാ​ർ​ഥ്യ​മാ​യ​ത്. സ്പോ​ർ​ട്സ് അ​തോ​റി​റ്റി ഓ​ഫ് ഇ​ന്ത്യ ആ​ദ്യ​മാ​യാ​ണ് ഒ​രു സ​ർ​ക്കാ​ർ കോ​ള​ജി​ൽ സി​ന്ത​റ്റി​ക് ട്രാ​ക്ക് സ്ഥാ​പി​ക്കു​ന്ന​ത്.