വയോധികയെ ആക്രമിച്ച് സ്വർണമാല മോഷ്​ടിച്ച രണ്ടുപേർ അറസ്​റ്റിൽ

ത​ളി​പ്പ​റ​മ്പ്: പ​റ​ശ്ശി​നി​ക്ക​ട​വ് മ​മ്പാ​ല​യി​ൽ വ​യോ​ധി​ക​യെ ആ​ക്ര​മി​ച്ച് ര​ണ്ടു​പ​വ​ൻ സ്വ​ർ​ണ മാ​ല മോ​ഷ്​​ടി​ച്ച സം​ഭ​വ​ത്തി​ൽ ര​ണ്ടു​പേ​ർ അ​റ​സ്​​റ്റി​ൽ. അ​ഴീ​ക്കോ​ട് സ്വ​ദേ​ശി സോ​ള​മ​ൻ സു​ന്ദ​ർ പീ​റ്റ​ർ, മൊ​റാ​ഴ സ്വ​ദേ​ശി ടി.​പി. അ​ർ​ഷാ​ദ് എ​ന്നി​വ​രെ​യാ​ണ് ത​ളി​പ്പ​റ​മ്പ് സി.​ഐ എ​ൻ.​കെ. സ​ത്യ​നാ​ഥ​ൻ അ​റ​സ്​​റ്റ്​ ചെ​യ്ത​ത്. ഇ​വ​ർ ക​വ​ർ​ച്ച​ക്ക്​ ഉ​പ​യോ​ഗി​ച്ച ബൈ​ക്കും പി​ടി​ച്ചെ​ടു​ത്തു. ഇ​ക്ക​ഴി​ഞ്ഞ ന​വം​ബ​ർ ര​ണ്ടി​ന് വൈ​കീ​ട്ടാ​ണ് കേ​സി​നാ​സ്​​പ​ദ​മാ​യ സം​ഭ​വം.

ഹെ​ൽ​മ​റ്റ് ധ​രി​ച്ച് ബൈ​ക്കി​ലെ​ത്തി​യ സോ​ള​മ​നും അ​ർ​ഷാ​ദും കൂ​രാ​കു​ന്നി​ൽ രോ​ഹി​ണി​യെ ആ​ക്ര​മി​ച്ച് മാ​ല പൊ​ട്ടി​ക്കു​ക​യാ​യി​രു​ന്നു. ത​ട​യാ​ൻ ശ്ര​മി​ച്ച ഇ​വ​രെ ത​ള്ളി​യി​ട്ട​ശേ​ഷ​മാ​ണ് മാ​ല പൊ​ട്ടി​ച്ച​ത്. ഇ​വ​രു​ടെ നി​ല​വി​ളി കേ​ട്ട് നാ​ട്ടു​കാ​ർ എ​ത്തു​മ്പോ​ഴേ​ക്കും പ്ര​തി​ക​ൾ ര​ക്ഷ​പ്പെ​ട്ടി​രു​ന്നു. രോ​ഹി​ണി കൂ​ലി​പ്പ​ണി​ക്കു​പോ​യി തി​രി​കെ വ​രു​മ്പോ​ഴാ​യി​രു​ന്നു സം​ഭ​വം. തു​ട​ർ​ന്ന് ത​ളി​പ്പ​റ​മ്പ് എ​സ്.​ഐ പി.​സി. സ​ഞ്ജ​യ് കു​മാ​റി​െൻറ നേ​തൃ​ത്വ​ത്തി​ൽ സി.​സി.​ടി.​വി ദൃ​ശ്യ​ങ്ങ​ൾ ശേ​ഖ​രി​ച്ചും നാ​ട്ടു​കാ​രു​ടെ മൊ​ഴി​യു​ടെ​യും അ​ടി​സ്ഥാ​ന​ത്തി​ൽ അ​വ​ഞ്ച​ർ ബൈ​ക്കാ​ണ് പ്ര​തി​ക​ൾ ക​വ​ർ​ച്ച​ക്ക് ഉ​പ​യോ​ഗി​ച്ച​തെ​ന്ന് ക​ണ്ടെ​ത്തി. സം​ഭ​വ​ത്തി​നു ശേ​ഷം പ്ര​തി​ക​ൾ സം​സ്ഥാ​ന​ത്തി​ന്‌ പു​റ​ത്ത് ഒ​ളി​വി​ലാ​യി​രു​ന്നു. ഒ​ക്ടോ​ബ​ർ ഏ​ഴി​ന് ന​ണി​യൂ​ർ ക​നാ​ലി​ന് സ​മീ​പ​ത്തെ മൈ​ലാ​ട്ട് ദേ​വി​യു​ടെ ര​ണ്ടു​പ​വ​ൻ മാ​ല​യും സ​മാ​ന രീ​തി​യി​ൽ ക​വ​ർ​ന്ന​താ​യി പ്ര​തി​ക​ൾ പൊ​ലീ​സി​നോ​ട് സ​മ്മ​തി​ച്ചു. ഈ ​സം​ഭ​വ​ത്തി​ൽ മ​യ്യി​ൽ പൊ​ലീ​സ് സ്​​റ്റേ​ഷ​നി​ൽ കേ​സ് ര​ജി​സ്​​റ്റ​ർ ചെ​യ്തി​ട്ടു​ണ്ട്. വൈ​ദ്യ​പ​രി​ശോ​ധ​ന​ക്കു​ശേ​ഷം കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.