കൂട്ടിരിപ്പുകാരിക്ക് പാമ്പുകടിയേറ്റ സംഭവം: സുരക്ഷയൊരുക്കുമെന്ന് ആശുപത്രി അധികൃതർ

ത​ളി​പ്പ​റ​മ്പ്: താ​ലൂ​ക്ക് ഹെ​ഡ്ക്വാ​ര്‍ട്ടേ​ഴ്‌​സ് ആ​ശു​പ​ത്രി പേ ​വാ​ർ​ഡി​ൽ കൂ​ട്ടി​രി​പ്പു​കാ​രി​ക്ക് പാ​മ്പ് ക​ടി​യേ​റ്റ സം​ഭ​വ​ത്തെ തു​ട​ർ​ന്ന് ആ​ശു​പ​ത്രി​യി​ൽ കൂ​ടു​ത​ൽ സു​ര​ക്ഷ​യൊ​രു​ക്കു​മെ​ന്ന് അ​ധി​കൃ​ത​ർ. ചെ​മ്പേ​രി സ്വ​ദേ​ശി​നി ല​ത ത​ങ്ക​ച്ച​നെ​യാ​ണ്(55) വെ​ള്ളി​യാ​ഴ്ച രാ​ത്രി അ​ണ​ലി ക​ടി​ച്ച​ത്. ഇ​വ​ർ പ​രി​യാ​രം ഗ​വ. മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണ്.

പേ ​വാ​ർ​ഡി​ന്റെ പു​റ​ത്തെ ഗ്രി​ൽ​സി​നി​ട​യി​ലൂ​ടെ വ​രാ​ന്ത​യി​ലെ​ത്തി വാ​തി​ലി​ന​ടി​യി​ലെ വി​ട​വി​ലൂ​ടെ​യാ​വാം പാ​മ്പ് മു​റി​യി​ൽ എ​ത്തി​യ​തെ​ന്നാ​ണ് ക​രു​തു​ന്ന​തെ​ന്ന് സൂ​പ്ര​ണ്ട് ഡോ. ​കെ.​ടി. രേ​ഖ പ​റ​ഞ്ഞു. രോ​ഗി​ക​ൾ​ക്ക് വീ​ൽ ചെ​യ​ർ ഉ​പ​യോ​ഗി​ക്കേ​ണ്ട​തി​നാ​ൽ മു​റി​ക​ളി​ൽ താ​ഴെ വാ​തി​ൽ​പ്പ​ടി സ്ഥാ​പി​ക്കു​ക പ്രാ​യോ​ഗി​ക​മ​ല്ല.

എ​ന്നാ​ൽ വ​രാ​ന്ത​ക്ക് പു​റ​ത്ത് ഗ്രി​ൽ​സ് വാ​തി​ലു​ക​ൾ​ക്ക് താ​ഴെ ഭാ​ഗം ഇ​രു​മ്പ് ഷീ​റ്റ് സ്ഥാ​പി​ച്ച് ഇ​ഴ​ജ​ന്തു​ക്ക​ൾ അ​ക​ത്ത് ക​യ​റു​ന്ന​ത് ത​ട​യാ​ൻ സം​വി​ധാ​നം ഒ​രു​ക്കു​മെ​ന്നും സൂ​പ്ര​ണ്ട് പ​റ​ഞ്ഞു. കെ.​എ​സ്.​ആ​ർ.​ഡ​ബ്ല്യു.​എ​സി​ന്റെ കീ​ഴി​ലു​ള്ള കെ​ട്ടി​ട​ത്തി​ലാ​ണ് താ​ലൂ​ക്ക് ആ​ശു​പ​ത്രി​യു​ടെ പേ ​വാ​ർ​ഡ് പ്ര​വ​ർ​ത്തി​ക്കു​ന്ന​ത്.

ഇ​തി​ന്റെ വാ​ട​ക പി​രി​ക്കു​ന്ന​തും കെ​ട്ടി​ടം അ​റ്റ​കു​റ്റ​പ്പ​ണി ന​ട​ത്തു​ന്ന​തും ജ​ല, വൈ​ദ്യു​തി വി​ത​ര​ണ​വു​മെ​ല്ലാം കെ.​എ​സ്.​ആ​ർ.​ഡ​ബ്ല്യു.​എ​സി​ന്റെ മേ​ൽ​നോ​ട്ട​ത്തി​ലാ​ണ് ന​ട​ക്കു​ന്ന​ത്. അ​മ്പ​ത് വ​ർ​ഷ​ത്തോ​ളം പ​ഴ​ക്ക​മു​ള്ള കെ​ട്ടി​ട​ത്തി​ൽ ര​ണ്ട് വ​ർ​ഷം മു​മ്പാ​ണ് അ​റ്റ​കു​റ്റ​പ്പ​ണി​ക​ൾ ന​ട​ത്തി​യ​ത്.

ആ​ശു​പ​ത്രി​യു​ടെ അ​ഞ്ച് ഏ​ക്ക​ർ സ്ഥ​ല​ത്ത് മ​ഴ​ക്കാ​ല പൂ​ർ​വ ശു​ചീ​ക​ര​ണ​ത്തി​ന്റെ ഭാ​ഗ​മാ​യി വി​വി​ധ സ​ന്ന​ദ്ധ സം​ഘ​ട​ന​ക​ളു​ടെ​യും കു​ടും​ബ​ശ്രീ പ്ര​വ​ർ​ത്ത​ക​രു​ടെ​യും സ​ഹ​ക​ര​ണ​ത്തോ​ടെ ശു​ചീ​ക​ര​ണം ന​ട​ത്തി​യി​രു​ന്നു. മ​ഴ തു​ട​ങ്ങി​യ ശേ​ഷം വ​ള​ർ​ന്ന കാ​ട്ടു​ചെ​ടി​ക​ൾ വെ​ള്ളി​യാ​ഴ്ച​യും വെ​ട്ടി​മാ​റ്റി​യി​രു​ന്നു. ന​ഗ​ര​സ​ഭ ശു​ചീ​ക​ര​ണ തൊ​ഴി​ലാ​ളി​ക​ൾ എ​ത്തി ബാ​ക്കി​യു​ള്ള കാ​ട്ടു​ചെ​ടി​ക​ൾ മെ​ഷീ​ൻ ഉ​പ​യോ​ഗി​ച്ച് വൃ​ത്തി​യാ​ക്കു​ക​യും ഇ​ഴ​ജ​ന്തു​ക്ക​ൾ ക​യ​റാ​തി​രി​ക്കാ​ൻ കെ​ട്ടി​ട​ങ്ങ​ൾ​ക്ക് ചു​റ്റും ബ്ലീ​ച്ചി​ങ്ങ് പൗ​ഡ​ർ വി​ത​റു​ക​യും ചെ​യ്തു.

ന​ഗ​ര​സ​ഭ​ക്ക് വി​ട്ടു​കി​ട്ടി​യ സ്ഥാ​പ​ന​ങ്ങ​ളി​ൽ​പ്പെ​ടു​ന്ന താ​ലൂ​ക്ക് ആ​ശു​പ​ത്രി​യി​ൽ ആ​ശു​പ​ത്രി വി​ക​സ​ന സ​മി​തി​യു​ടെ നേ​തൃ​ത്വ​ത്തി​ലാ​ണ് ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​ത്. ആ​വ​ശ്യ​പ്പെ​ടു​ന്ന സ​മ​യ​ത്ത് ന​ഗ​ര​സ​ഭ ശു​ചീ​ക​ര​ണ തൊ​ഴി​ലാ​ളി​ക​ളെ വി​ട്ടു​ന​ൽ​കാ​റു​ണ്ട്. അ​ർ​ഹി​ക്കു​ന്ന പ്രാ​ധാ​ന്യ​ത്തോ​ടെ​യാ​ണ് ആ​ശു​പ​ത്രി പ്ര​വ​ർ​ത്ത​നം മു​ന്നോ​ട്ട് കൊ​ണ്ടു പോ​കു​ന്ന​തെ​ന്ന് ന​ഗ​ര​സ​ഭ ആ​രോ​ഗ്യ സ്ഥി​രം സ​മി​തി അ​ധ്യ​ക്ഷ കെ. ​ന​ബീ​സ ബീ​വി പ​റ​ഞ്ഞു.

ത​ളി​പ്പ​റ​മ്പ് ഫോ​റ​സ്റ്റ് റെ​യ്ഞ്ച് ഓ​ഫി​സ​റു​ടെ നി​ർ​ദേ​ശ​പ്ര​കാ​രം വ​നം വ​കു​പ്പ് അം​ഗീ​കാ​ര​മു​ള്ള പാ​മ്പ് സം​ര​ക്ഷ​ക​രു​ടെ സം​ഘ​ട​ന​യാ​യ മാ​ർ​ക്കി​ന്റെ പ്ര​വ​ർ​ത്ത​ക​രാ​യ അ​നി​ൽ തൃ​ച്ചം​ബ​രം, ശു​ചീ​ന്ദ്ര​ൻ എ​ന്നി​വ​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യെ​ങ്കി​ലും കൂ​ടു​ത​ൽ പാ​മ്പു​ക​ളെ ക​ണ്ടെ​ത്താ​നാ​യി​ല്ല.

ആ​ശു​പ​ത്രി കെ​ട്ടി​ട​ത്തി​ന് സ​മീ​പം പ്ര​സ​വി​ച്ച അ​ണ​ലി​യു​ടെ കു​ഞ്ഞ് അ​ല്ല കൂ​ട്ടി​രി​പ്പു​കാ​രി​യെ ക​ടി​ച്ച​തെ​ന്നും അ​ങ്ങി​നെ ആ​യി​രു​ന്നെ​ങ്കി​ൽ കൂ​ടു​ത​ൽ കു​ഞ്ഞു​ങ്ങ​ൾ ഉ​ണ്ടാ​കു​മാ​യി​രു​ന്നു​വെ​ന്നും ഇ​വ​ർ പ​റ​ഞ്ഞു. പാ​മ്പ് ദൂ​രെ നി​ന്ന് എ​ത്തി​യ​താ​കാ​മെ​ന്നാ​ണ് ഇ​വ​രു​ടെ അ​നു​മാ​നം.

ഇ​തി​നു മു​മ്പും ആ​ശു​പ​ത്രി പ​രി​സ​ര​ങ്ങ​ളി​ൽ വി​ഷ​മി​ല്ലാ​ത്ത പാ​മ്പു​ക​ളു​ടെ സാ​ന്നി​ധ്യം ഉ​ണ്ടാ​യി​ട്ടു​ണ്ട്. വ​രാ​ന്ത​യി​ൽ വ​രെ പാ​മ്പു​ക​ൾ എ​ത്തി​യി​ട്ടു​ണ്ട്. എ​ന്നാ​ൽ വി​ഷ​മു​ള്ള ഇ​നം പാ​മ്പ് ആ​ശു​പ​ത്രി​യു​ടെ അ​ക​ത്ത് ക​യ​റു​ന്ന​തും ആ​ളെ ക​ടി​ക്കു​ന്ന​തും ആ​ദ്യ സം​ഭ​വ​മാ​ണ്.

ഒ​രു കൂ​ട്ടി​രി​പ്പു​കാ​രെ മാ​ത്ര​മാ​ണ് സാ​ധാ​ര​ണ മു​റി​യി​ൽ ത​ങ്ങാ​ൻ അ​നു​വ​ദി​ക്കാ​റു​ള്ള​ത്. ഇ​വ​ർ​ക്ക് കി​ട​ക്കാ​ൻ രോ​ഗി​യു​ടെ​ത് കൂ​ടാ​തെ വേ​റെ ത​ന്നെ ക​ട്ടി​ലു​മു​ണ്ട്. എ​ന്നാ​ൽ, മ​റ്റൊ​രു ബ​ന്ധു​വി​നൊ​പ്പം മു​റി​യി​ൽ ത​ങ്ങി​യ ല​ത നി​ല​ത്താ​ണ് കി​ട​ന്നി​രു​ന്ന​ത്. ഒ​ന്നി​ൽ കൂ​ടു​ത​ൽ കൂ​ട്ടി​രി​പ്പു​കാ​ർ മു​റി​യി​ൽ ക​ഴി​യു​ന്ന​ത് ഒ​ഴി​വാ​ക്കാ​ൻ ക​ർ​ശ​ന നി​ല​പാ​ട് സ്വീ​ക​രി​ക്കാ​നും ആ​ശു​പ​ത്രി അ​ധി​കൃ​ത​ർ തീ​രു​മാ​നി​ച്ചി​ട്ടു​ണ്ട്. അ​തേ സ​മ​യം, പാ​മ്പ് ക​ടി​യേ​റ്റ് പ​രി​യാ​രം ഗ​വ. മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ച ല​ത​യു​ടെ ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്ന് മെ​ഡി​ക്ക​ൽ കോ​ള​ജ് സൂ​പ്ര​ണ്ട് ഡോ. ​കെ. സു​ദീ​പ് പ​റ​ഞ്ഞു.