ആസ്വാദകരെ ഈറനണിയിച്ച് ഡോ. പി.എസ്. കൃഷ്ണമൂർത്തി

ത​ളി​പ്പ​റ​മ്പ്: പെ​രു​ഞ്ചെ​ല്ലൂ​ർ സം​ഗീ​ത സ​ഭ​യി​ൽ ആ​സ്വാ​ദക മ​ന​സ്സിനെ ഈ​റ​ന​ണി​യി​ച്ച് മും​ബൈ വാ​ഗ്ഗെ​യ​കാ​ർ ഡോ. ​പി.​എ​സ്. കൃ​ഷ്ണ​മൂ​ർ​ത്തി​യു​ടെ ക​ച്ചേ​രി. ക​ർ​ണാ​ട്ടിക് സം​ഗീ​ത​ജ്ഞ​നും സം​ഗീ​ത​സം​വി​ധാ​യ​ക​നും പു​ല്ലാം​കു​ഴ​ൽ വാ​ദ​ക​നും താ​ള​വാ​ദ്യ​ക്കാ​ര​നും പി​യാ​നി​സ്റ്റും തി​യ​റ്റ​ർ ഡ​യ​റ​ക്ട​റും ന​ട​നു​മാ​യ അ​ദ്ദേ​ഹം ര​ചി​ച്ച് സം​ഗീ​തം ന​ൽ​കി​യ ചാ​രു ഗു​ഹ ശൃം​ഖ​ല എ​ന്ന പു​തി​യ രാ​ഗ​ത്തി​ൽ ‘ക​ണ്ട ഉ​ൻ നാ​മം’ കീ​ർ​ത്ത​നം മു​ഖ്യ​ആ​ക​ർ​ഷ​ണ​മാ​യി.

ഏ​ഴ് സ്വ​ര​ങ്ങ​ൾ ആ​രോ​ഹ​ണ ക്ര​മ​ത്തി​ൽ ആ​ദ്യാ​ക്ഷ​ര​മാ​യി ഉ​പ​യോ​ഗി​ച്ചും മു​രു​ക​ന്റെ പ്ര​ത്യേ​ക​ത​ക​ൾ ചി​ത്രീ​ക​രി​ക്കു​ന്ന ശ​ങ്ക​രാ​ഭ​ര​ണം എ​ന്ന രാ​ഗ​ത്തി​ന്റെ പേ​രു​മാ​യി ബ​ന്ധി​പ്പി​ക്കു​ന്ന മ​റ്റൊ​രു ര​ച​ന ‘സാ​ര​മേ ഷ​ഡ​ക്ഷ​രം’ ആ​സ്വാ​ദ​ക മ​സ്സിനെ കീ​ഴ​ട​ക്കി.

രാ​ധാ​പ്രി​യ രാ​ഗ​ത്തി​ൽ അ​ദ്ദേ​ഹ​ത്തി​ന്റെ രാ​ഗ സൃ​ഷ്ടി​ക​ളി​ലൊ​ന്നി​ൽ ഏ​റ്റ​വും ജ​ന​പ്രി​യ​മാ​യ വ​ന​മാ​ലി രാ​ധാ ര​മ​ണ എ​ന്ന നാ​മാ​വ​ലി​യോ​ടെ ക​ച്ചേ​രി അ​വ​സാ​നി​ച്ചു.

സ​ഭ​യു​ടെ 66ാമ​ത്തെ സം​ഗീ​ത പ​രി​പാ​ടി​യി​ൽ മൂ​ന്ന് മ​ണി​ക്കൂ​ർ ഡോ. ​പി.​എ​സ്. കൃ​ഷ്ണ​മൂ​ർ​ത്തി​യു​ടെ കൂ​ടെ ക​ർ​ണാ​ടി​ക് സം​ഗീ​ത​ജ്ഞ​യും ഭാ​ര്യ​യു​മാ​യ മം​ഗ​ളം കൃ​ഷ്ണ​മൂ​ർ​ത്തി​യും മ​ക​ൾ കീ​ർ​ത്ത​ന കൃ​ഷ്ണ​മൂ​ർ​ത്തി​യും പ​ക്ക​മേ​ള​ത്തി​ൽ മു​തി​ർ​ന്ന വ​യ​ലി​നി​സ്റ്റ് പാ​ല​ക്കാ​ട് ആ​ർ. സ്വാ​മി​നാ​ഥ​നും മൃ​ദ​ംഗ​ത്തി​ൽ ക​ല്ലേ​കു​ള​ങ്ങ​ര പി. ​ഉ​ണ്ണി​കൃ​ഷ്ണ​നു​മു​ണ്ടാ​യി​രു​ന്നു.

പി.​എ​സ്. കൃ​ഷ്ണ​മൂ​ർ​ത്തി​യു​ടെ അ​ഞ്ഞൂ​റി​ന് മേ​ലെ വ​രു​ന്ന ക്ലാ​സി​ക്ക​ൽ ര​ച​ന​ക​ളി​ൽ​നി​ന്നും തി​ര​ഞ്ഞെ​ടു​ത്ത 108 കോ​മ്പോ​സി​ഷ​ൻ​സ് അ​ട​ങ്ങു​ന്ന ര​ണ്ടാ​മ​ത്തെ പു​സ്ത​കം ചെ​റു​ക​ഥാ​കൃ​ത്ത് ടി. ​പ​ത്മ​നാ​ഭ​ൻ പ്ര​കാ​ശ​നം ചെ​യ്തു. പി.​വി. രാ​ജ​ശേ​ഖ​ര​ൻ സം​സാ​രി​ച്ചു. അ​നി​ൽ വ​ർ​ഗീ​സും ഗീ​ത ന​മ്പ്യാ​രും ചേ​ർ​ന്ന് ക​ലാ​കാ​ര​ന്മാ​രെ ആ​ദ​രി​ച്ചു.