പഞ്ചാബ്​ നാഷനൽ ബാങ്കിൽ മു​ക്കു​പ​ണ്ടം പ​ണ​യം​വെ​ച്ച് തട്ടിപ്പ്: മൂന്നുപേർ കൂടി അറസ്​റ്റിൽ

പഞ്ചാബ്​ നാഷനൽ ബാങ്കിൽ മു​ക്കു​പ​ണ്ടം പ​ണ​യം​വെ​ച്ച് തട്ടിപ്പ്: മൂന്നുപേർ കൂടി അറസ്​റ്റിൽ

ത​ളി​പ്പ​റ​മ്പ്: പ​ഞ്ചാ​ബ് നാ​ഷ​ന​ൽ ബാ​ങ്ക് ത​ളി​പ്പ​റ​മ്പ് ശാ​ഖ​യി​ൽ മു​ക്കു​പ​ണ്ടം പ​ണ​യം​വെ​ച്ച് 50 ല​ക്ഷ​ത്തോ​ളം രൂ​പ ത​ട്ടി​യ കേ​സി​ൽ മൂ​ന്നു പ്ര​തി​ക​ളെ കൂ​ടി അ​റ​സ്​​റ്റ് ചെ​യ്​​തു. പു​ളി​മ്പ​റ​മ്പ് സ്വ​ദേ​ശി എം.​എ​സ്. കു​ഞ്ഞി​മോ​ൻ (57), കീ​ഴാ​റ്റൂ​ർ സ്വ​ദേ​ശി എം. ​ല​ക്ഷ്​​മ​ണ​ൻ (58), തൃ​ച്ചം​ബ​രം സ്വ​ദേ​ശി അ​ബു ഹു​ദീ​ഫ (41) എ​ന്നി​വ​രെ​യാ​ണ് എ​സ്.​ഐ പി.​സി. സ​ഞ്ജ​യ്‌ കു​മാ​ർ അ​റ​സ്​​റ്റ് ചെ​യ്​​ത​ത്. ഇ​തോ​ടെ സം​ഭ​വ​വു​മാ​യി ബ​ന്ധ​പ്പെ​ട്ട് അ​ഞ്ചു​പേ​ർ അ​റ​സ്​​റ്റി​ലാ​യി. മു​ക്കു​പ​ണ്ടം പ​ണ​യം വെ​ച്ച് ത​ട്ടി​പ്പ് ന​ട​ത്തി​യ സം​ഭ​വ​ത്തി​ൽ ഇ​വ​ർ ന​ൽ​കി​യ മു​ൻ​കൂ​ർ ജാ​മ്യാ​പേ​ക്ഷ ഹൈ​കോ​ട​തി ത​ള്ളി​യ​തോ​ടെ​യാ​ണ് മൂ​ന്നു​പേ​രും ത​ളി​പ്പ​റ​മ്പ് പൊ​ലീ​സി​ൽ കീ​ഴ​ട​ങ്ങി​യ​ത്.

17 പ്ര​തി​ക​ളു​ള്ള കേ​സി​ൽ നേ​രി​ട്ട് പ​ങ്കു​ണ്ടെ​ന്ന് പൊ​ലീ​സ് സം​ശ​യി​ക്കു​ന്ന അ​ഞ്ച് പ്ര​തി​ക​ളാ​ണ് ഹൈ​കോ​ട​തി​യി​ൽ ജാ​മ്യാ​പേ​ക്ഷ ന​ൽ​കി​യ​ത്. എ​ന്നാ​ൽ, ഇ​വ​ർ മൂ​ന്നു​പേ​രു​ടെ​യും ജാ​മ്യാ​പേ​ക്ഷ ത​ള്ളി​യ​തോ​ടെ​യാ​ണ് പ്ര​തി​ക​ൾ പൊ​ലീ​സ് സ്​​റ്റേ​ഷ​നി​ൽ ഹാ​ജ​രാ​യ​ത്. ഇ​തോ​ടെ ക​സ്​​റ്റ​ഡി​യി​ലെ​ടു​ത്ത് ചോ​ദ്യം ചെ​യ്​​ത​ശേ​ഷം അ​റ​സ്​​റ്റ് രേ​ഖ​പ്പെ​ടു​ത്തു​ക​യാ​യി​രു​ന്നു. അ​റ​സ്​​റ്റി​ലാ​യ മൂ​ന്ന് പ്ര​തി​ക​ൾ ബാ​ങ്കി​ൽ വി​വി​ധ അ​ക്കൗ​ണ്ടു​ക​ളി​ലാ​യി 15 ല​ക്ഷ​ത്തോ​ളം രൂ​പ മു​ക്കു​പ​ണ്ടം പ​ണ​യം വെ​ച്ച് വാ​ങ്ങി​യ​താ​യാ​ണ് പൊ​ലീ​സ് ക​ണ്ടെ​ത്ത​ൽ.

കേ​സി​ൽ ത​ളി​പ്പ​റ​മ്പ് സ്വ​ദേ​ശി​ക​ളാ​യ കെ.​പി. വ​സ​ന്ത​രാ​ജ് (45), വി.​വി. രാ​ജേ​ന്ദ്ര​ന്‍ (62) എ​ന്നി​വ​രെ നേ​ര​ത്തെ അ​റ​സ്​​റ്റ് ചെ​യ്​​തി​രു​ന്നു. ഇ​നി​യും കൂ​ടു​ത​ൽ പ്ര​തി​ക​ൾ അ​റ​സ്​​റ്റി​ലാ​കു​മെ​ന്നാ​ണ് സൂ​ച​ന. ര​ണ്ടു​പേ​രു​ടെ കൂ​ടി ജാ​മ്യാ​പേ​ക്ഷ ഹൈ​കോ​ട​തി അ​ടു​ത്ത​ദി​വ​സം പ​രി​ഗ​ണി​ക്കും. ത​ളി​പ്പ​റ​മ്പ് കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്​​തു.