ഡ്രൈ​വി​ങ് നി​യ​മ​ലം​ഘ​നങ്ങളിൽ ഇനി ക​ര്‍ശ​ന ന​ട​പ​ടി

ക​ണ്ണൂ​ർ: ഡ്രൈ​വി​ങ് നി​യ​മ​ലം​ഘ​ന​ങ്ങ​ള്‍ക്കെ​തി​രെ ക​ര്‍ശ​ന ന​ട​പ​ടി തു​ട​രു​മെ​ന്ന് എ​ന്‍ഫോ​ഴ്‌​സ്മെ​ന്റ് ആ​ര്‍.​ടി.​ഒ. റോ​ഡു​ക​ളി​ലും സ്ഥാ​പ​ന​ത്തി​ന്റെ ഗ്രൗ​ണ്ടി​ലും അ​ശ്ര​ദ്ധ​മാ​യും അ​മി​ത വേ​ഗ​ത്തി​ലും വാ​ഹ​നം ഓ​ടി​ക്കു​ന്ന​തും ത​ങ്ങ​ള്‍ക്കും മ​റ്റു​ള്ള​വ​ര്‍ക്കും അ​പ​ക​ട​മു​ണ്ടാ​ക്കു​ന്ന വി​ധം അ​ഭ്യാ​സ​പ്ര​ക​ട​ന​ങ്ങ​ള്‍ ന​ട​ത്തു​ന്ന​തും വാ​ഹ​ന​ത്തി​ന്റെ ഡോ​റി​ലും മു​ക​ളി​ലും ക​യ​റിയിരു​ന്നു യാ​ത്ര ചെ​യ്യു​ന്ന​തും ശ്ര​ദ്ധ​യി​ല്‍ പെ​ട്ടി​ട്ടു​ണ്ട്.

ഇ​ത്ത​രം നി​യ​മ ലം​ഘ​ന​ങ്ങ​ള്‍ക്കെ​തി​രെ വാ​ഹ​ന​ത്തി​ന്റെ ര​ജി​സ്‌​ട്രേ​ഷ​ന്‍ റ​ദ്ദു ചെ​യ്യ​ല്‍, ഓ​ടി​ച്ച​യാ​ളു​ടെ ലൈ​സ​ന്‍സ് റ​ദ്ദുചെ​യ്യ​ല്‍ മു​ത​ലാ​യ ക​ര്‍ശ​ന​മാ​യ ന​ട​പ​ടി​ക​ള്‍ സ്വീ​ക​രി​ക്കു​മെ​ന്ന് ക​ണ്ണൂ​ര്‍ എ​ന്‍ഫോ​ഴ്സ്മെ​ന്റ് ആ​ര്‍.​ടി.​ഒ അ​റി​യി​ച്ചു.

ഇ​ത്ത​ര​ത്തി​ലു​ള്ള ഷോ​ക​ള്‍ ന​ട​ക്കു​ന്നി​ല്ല എ​ന്ന് അ​ത​തു വി​ദ്യാ​ല​യ​ത്തി​ലെ അ​ധ്യാ​പ​ക​ര്‍ ഉ​റ​പ്പാ​ക്ക​ണ​മെ​ന്നും ആ​ര്‍.​ടി.​ഒ നി​ര്‍ദേ​ശി​ച്ചു. ജി​ല്ല​യി​ല്‍ ചി​ല ഭാ​ഗ​ങ്ങ​ളി​ല്‍ കു​റ​ച്ചു കാ​ല​മാ​യി വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ വേ​ന​ല​വ​ധി തു​ട​ങ്ങു​ന്ന അ​വ​സ​ര​ങ്ങ​ളി​ല്‍ സെ​ന്റ് ഓ​ഫ്, ഫെ​യ​ര്‍വെ​ല്‍ പാ​ര്‍ട്ടിഎ​ന്നെ​ല്ലാം പേ​രു​ക​ളി​ല്‍ വി​ദ്യാ​ർ​ഥി​ക​ള്‍ ആ​ഘോ​ഷം ന​ട​ത്തു​ന്നു​ണ്ട്.

ഇ​ത്ത​രം വേ​ള​ക​ളി​ല്‍ പ​രി​ഷ്‌​ക​രി​ച്ച​തും അ​ല്ലാ​ത്ത​തു​മാ​യ വാ​ഹ​ന​ങ്ങ​ള്‍ ഉ​പ​യോ​ഗി​ച്ചു​ള്ള റോ​ഡ് ഷോ, ​വാ​ഹ​ന റാ​ലി എ​ന്നി​വ സം​ഘ​ടി​പ്പി​ക്കു​ന്ന​താ​യും ശ്ര​ദ്ധ​യി​ല്‍പെ​ട്ടി​ട്ടു​ണ്ട്.

വി​വാ​ഹ വേ​ള​ക​ളി​ലും ഇ​ത്ത​രം റാ​ലി​ക​ളും ഷോ​ക​ളും ന​ട​ത്ത​പ്പെടു​ന്ന​താ​യി പ​രാ​തി ല​ഭി​ക്കു​ന്നു​ണ്ട്.

കൂ​ടാ​തെ കേ​ര​ള ഹൈ​കോ​ട​തി ഇ​ത്ത​ര​ത്തി​ലു​ള്ള സം​ഭ​വ​ങ്ങ​ളി​ല്‍ ക​ര്‍ശ​ന ന​ട​പ​ടി എ​ടു​ത്ത് റി​പ്പോ​ര്‍ട്ട് ആ​വ​ശ്യ​പ്പെ​ട്ടി​ട്ടു​ണ്ടെ​ന്നും എ​ന്‍ഫോ​ഴ്‌​സ്മെ​ന്റ് ആ​ര്‍.​ടി.​ഒ അ​റി​യി​ച്ചു.