പാലക്കയംതട്ടില്‍ ബൈ​ക്ക്​ നി​യ​ന്ത്ര​ണം​വി​ട്ട് താ​ഴ്​​ച​യി​ലേ​ക്ക് മ​റി​ഞ്ഞ് യുവാവ് മരിച്ചു

ശ്രീ​ക​ണ്ഠ​പു​രം: വി​നോ​ദ​സ​ഞ്ചാ​ര​കേ​ന്ദ്ര​മാ​യ പാ​ല​ക്ക​യം​ത​ട്ടി​ല്‍ പോ​യി മ​ട​ങ്ങു​ന്ന​തി​നി​ടെ ബൈ​ക്ക്​ നി​യ​ന്ത്ര​ണം​വി​ട്ട് താ​ഴ്​​ച​യി​ലേ​ക്ക് മ​റി​ഞ്ഞ് പ്ര​വാ​സി യു​വാ​വ് മ​രി​ച്ചു. ഭാ​ര്യ​ക്കും മ​ക്ക​ള്‍ക്കും പ​രി​ക്കേ​റ്റു. മാ​ടാ​യി പു​തി​യ​ങ്ങാ​ടി സി.​കെ റോ​ഡി​ലെ മ​ന്‍ഹ വീ​ട്ടി​ൽ ശി​ഹാ​ബു​ദ്ദീ​ന്‍ (39) ആ​ണ് മ​രി​ച്ച​ത്. ഞാ​യ​റാ​ഴ്ച രാ​ത്രി ഒ​മ്പ​തോ​ടെ ന​ടു​വി​ല്‍ കു​ടി​യാ​ന്മ​ല റോ​ഡി​ല്‍ കൈ​ത​ള​ത്താ​യി​രു​ന്നു അ​പ​ക​ടം. പ​രി​ക്കേ​റ്റ ഭാ​ര്യ മു​ബീ​ന (30), മ​ക്ക​ളാ​യ ഷി​ഫ (ഒ​മ്പ​ത്), മു​ഹ​മ്മ​ദ് ഷാ​ല്‍ (നാ​ല്) എ​ന്നി​വ​രെ ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഞാ​യ​റാ​ഴ്ച വൈ​കീ​ട്ടാ​ണ് ഇ​വ​ർ കു​ടും​ബ​സ​മേ​തം ബൈ​ക്കി​ൽ പാ​ല​ക്ക​യ​ത്തെ​ത്തി​യ​ത്. രാ​ത്രി ഇ​വി​ടെ​നി​ന്ന് മ​ട​ങ്ങു​ന്ന​തി​നി​ടെ​യാ​ണ് ബൈ​ക്ക് നി​യ​ന്ത്ര​ണം​വി​ട്ട് റോ​ഡി​ല്‍നി​ന്ന് 25 അ​ടി​യോ​ളം താ​ഴ്ച​യു​ള്ള സ​മീ​പ​ത്തെ കൃ​ഷി​യി​ട​ത്തി​ലേ​ക്ക് മ​റി​ഞ്ഞ​ത്. നി​ല​വി​ളി ശ​ബ്​​ദം കേ​ട്ട് ഓ​ടി​യെ​ത്തി​യ നാ​ട്ടു​കാ​ര്‍ ര​ക്ഷാ​പ്ര​വ​ര്‍ത്ത​നം ന​ട​ത്തി എ​ല്ലാ​വ​രെ​യും ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ശി​ഹാ​ബു​ദ്ദീ​ന്‍ മ​രി​ച്ചി​രു​ന്നു. മു​ബീ​ന​ക്ക് സാ​ര​മാ​യി പ​രി​ക്കേ​റ്റു. കു​ട്ടി​ക​ളു​ടെ പ​രി​ക്ക് സാ​ര​മു​ള്ള​ത​ല്ല.

പ്ര​വാ​സി​യാ​യ ശി​ഹാ​ബു​ദ്ദീ​ന്‍ ഒ​രു​വ​ര്‍ഷം മു​മ്പാ​ണ് നാ​ട്ടി​ലെ​ത്തി​യ​ത്. അ​ടു​ത്ത​യാ​ഴ്ച ഗ​ള്‍ഫി​ലേ​ക്ക് മ​ട​ങ്ങാ​നി​രി​ക്കു​ക​യാ​യി​രു​ന്നു. ഇ​തി​െൻറ ഭാ​ഗ​മാ​യാ​ണ് കു​ടും​ബ​സ​മേ​തം വി​നോ​ദ​യാ​ത്ര​ക്ക് പോ​യ​ത്. പു​തി​യ​ങ്ങാ​ടി​യി​ലെ അ​ബ്​​ദു​ല്ല- ജ​മീ​ല ദ​മ്പ​തി​ക​ളു​ടെ മ​ക​നാ​ണ്. സ​ഹോ​ദ​ര​ങ്ങ​ള്‍: ഷു​ഹൈ​ബ്, നൗ​ഫ​ല്‍, ജ​സീ​ല, ആ​മി​ന.