കാട്ടാന ആക്രമണം; വൈദികൻ രക്ഷപ്പെട്ടത് തലനാരിഴക്ക്

ശ്രീ​ക​ണ്ഠ​പു​രം: പ​യ്യാ​വൂ​ർ പാ​ടാം​ക​വ​ല പ്ര​ദേ​ശ​ങ്ങ​ളി​ൽ ഇ​റ​ങ്ങി​യ കാ​ട്ടാ​ന​ക്കൂ​ട്ടം ര​ണ്ടാം ദി​ന​വും പ്ര​ദേ​ശ​ത്തു ഭീ​തി പ​ര​ത്തി. പാ​ടാം​ക​വ​ല മ​ദ​ർ തെ​രേ​സ പ​ള്ളി വി​കാ​രി ഫാ. ​ജി​സ് ക​ള​പ്പു​ര​ക്ക​ലി​ന്റെ വാ​ഹ​ന​ത്തി​നു​നേ​രെ ആ​ന​ക്കൂ​ട്ടം ആ​ക്ര​മി​ക്കാ​ൻ ഓ​ടി​യ​ടു​ത്തെ​ങ്കി​ലും കാ​ർ വെ​ട്ടി​ച്ചു മാ​റ്റി ഓ​ടി​ച്ച​തി​നെ തു​ട​ർ​ന്ന് ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്. ഏ​റ്റു​പാ​റ പ​ള്ളി​യി​ൽ കു​ർ​ബാ​ന അ​ർ​പ്പി​ച്ചു മ​ട​ങ്ങു​ന്ന വ​ഴി​യാ​ണ് വി​കാ​രി ആ​ന​ക്കൂ​ട്ട​ത്തി​ന്റെ മു​ന്നി​ൽ പെ​ട്ട​ത്.

ദി​വ​സ​ങ്ങ​ളാ​യി മേ​ഖ​ല​യി​ൽ ത​മ്പ​ടി​ച്ച കാ​ട്ടാ​ന​ക്കൂ​ട്ടം മേ​ഖ​ല​യി​ൽ വ്യാ​പ​ക​മാ​യി കൃ​ഷി ന​ശി​പ്പി​ച്ചി​ട്ടു​ണ്ട്. ആ​ന, പ​ള്ളി വി​കാ​രി​യെ ആ​ക്ര​മി​ക്കാ​ൻ ശ്ര​മി​ച്ച​തോ​ടെ മേ​ഖ​ല​യി​ൽ ആ​ളു​ക​ൾ ഭ​യ​വി​ഹ്വ​ല​രാ​ണ്. പാ​ടാം​ക​വ​ല വ​നം വ​കു​പ്പ് ഓ​ഫി​സി​ന് അ​ടു​ത്താ​ണ് ആ​ന ആ​ക്ര​മി​ക്കാ​ൻ ശ്ര​മി​ച്ച​ത്.

ആ​ന​ശ​ല്യം രൂ​ക്ഷ​മാ​യ​തി​നെ തു​ട​ർ​ന്ന് മേ​ഖ​ല​യി​ലെ ജ​ന​ങ്ങ​ൾ ക​ടു​ത്ത പ്ര​തി​ഷേ​ധ​ത്തി​ലാ​ണ്. പ​ഞ്ചാ​യ​ത്ത്‌ സൗ​രോ​ർ​ജ വേ​ലി സ്ഥാ​പി​ച്ച​തോ​ടെ ആ​ന​ശ​ല്യം അ​വ​സാ​നി​ക്കു​മെ​ന്ന് അ​ധി​കൃ​ത​ർ ഉ​റ​പ്പ് ന​ൽ​കി​യി​രു​ന്നെ​ങ്കി​ലും ആ​ക്ര​മ​ണം ദി​നം​പ്ര​തി വ​ർ​ധി​ച്ചു​വ​രുക​യാ​ണു​ണ്ടാ​യ​ത്.

പ​യ്യാ​വൂ​ർ പ​ഞ്ചാ​യ​ത്തി​ന്റെ അ​തി​ർ​ത്തി​ക​ളി​ൽ സൗ​രോ​ർ​ജ തൂ​ക്കു​വേ​ലി​യൊ​രു​ക്കി​യി​ട്ടും ആ​ന​ക​ളി​റ​ങ്ങു​ന്ന​ത് വി​വാ​ദ​മാ​യി​രു​ന്നു. തു​ട​ർ​ന്ന് വ​നം വ​കു​പ്പി​ന്റെ ടാ​സ്ക് ഫോ​ഴ്സ് സ്ഥ​ല​ത്തെ​ത്തി പ​ത്തോ​ളം ആ​ന​ക​ളെ കാ​ട്ടി​ലേ​ക്ക് ക​യ​റ്റി വി​ട്ടി​രു​ന്നു. കേ​ര​ള വ​ന​ത്തി​ലും അ​തി​ർ​ത്തി​യി​ലെ കാ​ടു​വെ​ട്ടി തെ​ളി​ക്കാ​ത്ത സ്വ​കാ​ര്യ ഭൂ​മി​യി​ലും ഇ​നി​യും കാ​ട്ടാ​ന​ക​ളു​ണ്ടാ​വു​മെ​ന്നും തു​ട​ർ​ച്ച​യാ​യ പ​രി​ശ്ര​മ​ത്തി​ലൂ​ടെ മാ​ത്ര​മേ എ​ല്ലാ ആ​ന​ക​ളെ​യും കാ​ട്ടി​ലേ​ക്ക് തു​ര​ത്താ​ൻ സാ​ധി​ക്കു​ക​യു​ള്ളൂവെ​ന്നും പ​ഞ്ചാ​യ​ത്ത് അ​ധി​കൃ​ത​ർ പ​റ​ഞ്ഞു.