ഈ കരകളിലുണ്ട്; ഉപ്പുവെള്ളം പ്രതിസന്ധിയിലാക്കിയ ജീവിതങ്ങൾ

ശ്രീ​ക​ണ്ഠ​പു​രം: ‘ഞ​ങ്ങ​ക്ക് ഉ​പ്പ് വേ​ണം. ഉ​പ്പ് വെ​ള്ളം വേ​ണ്ടാ... വേ​ന​ലാ​വു​മ്പോ എ​ന്നും ഉ​പ്പു​വെ​ള്ളം പ്ര​ശ്നം ത​ന്നെ​യാ. പ​രി​ഹാ​ര​മി​ല്ലെ​ങ്കി എ​ന്തു ചെ​യ്യും‘ ...... ഉ​പ്പ് വെ​ള്ളം ജീ​വി​തം പ്ര​തി​സ​ന്ധി​യി​ലാ​ക്കി​യ ചെ​ങ്ങ​ളാ​യി പ​ഞ്ചാ​യ​ത്തി​ലെ വ​ള​ക്കൈ തോ​ടി​ന്റെ ക​ര​ക​ളി​ൽ ക​ഴി​യു​ന്ന കു​ടും​ബാം​ഗ​ങ്ങ​ളു​ടെ വാ​ക്കു​ക​ളാ​ണി​ത്.

ഇ​വി​ടത്തെ നൂ​റോ​ളം കു​ടും​ബ​ങ്ങ​ളാ​ണ് ഉ​പ്പു​വെ​ള്ളം ഭ​യ​ന്ന് ജീ​വി​ക്കു​ന്ന​ത്. വ​ള​ക്കൈ തോ​ട്ടു​ക​ട​വ് മു​ത​ൽ മ​ദ്റസ പാ​ലം വ​രെ​യു​ള്ള തോ​ടി​ന്റെ ഇ​രുഭാ​ഗ​ത്തും താ​മ​സി​ക്കു​ന്ന ജ​ന​ങ്ങ​ളാ​ണ് കൃ​ഷി പോ​ലും ചെ​യ്യാ​നാ​വാ​തെ ദു​രി​ത​ത്തി​ലാ​യ​ത്. വേ​ന​ലി​ൽ പ​ല​പ്പോ​ഴും കു​ടി​വെ​ള്ള​വും മു​ട്ടു​ന്നു​ണ്ടെ​ന്ന് ഇ​വ​ർ സാ​ക്ഷ്യ​പ്പെ​ടു​ത്തു​ന്നു.

ഇ​വി​ടത്തു​കാ​ർ ധാ​രാ​ളാ​മാ​യി തെ​ങ്ങ്, ക​വു​ങ്ങ്, വാ​ഴ, പ​ച്ച​ക്ക​റി തു​ട​ങ്ങി​യ കൃ​ഷി​ക​ളാ​ണ് ചെ​യ്തി​രു​ന്ന​ത്. ന​ല്ല വി​ള​വും ല​ഭി​ച്ചി​രു​ന്നു. ജീ​വി​ത വ​രു​മാ​ന​മാ​ർ​ഗം കൂ​ടി​യാ​ണ് ഇ​വ​ർ​ക്ക് കൃ​ഷി. എ​ന്നാ​ൽ, പു​ഴ​യി​ലും അ​വി​ടെ നി​ന്ന് തോ​ട്ടി​ലേ​ക്കും ഉ​പ്പു​വെ​ള്ള​മെ​ത്താ​ൻ തു​ട​ങ്ങി​യ​തോ​ടെ ഇ​വ​ർ​ക്ക് വ​ൻ തി​രി​ച്ച​ടി​യാ​യി.

ജ​ല​സേ​ച​ന​ത്തി​ന് പ്ര​യാ​സ​മാ​യ​തോ​ടെ പ​ല കൃ​ഷി​ക​ളും ഒ​റ്റ​ത്തവണ മാ​ത്ര​മാ​ണ് ന​ട​ത്താ​നാ​വു​ന്ന​ത്. തോ​ടി​ന്റെ ക​ര​യി​ലെ വീ​ട്ടു കി​ണ​റു​ക​ളി​ലും വേ​ന​ലി​ൽ ഉ​പ്പു​വെ​ള്ള​മെ​ത്തു​ക​യും വെ​ള്ള​ത്തി​ന്റെ രു​ചിമാറി കുടിവെള്ളം മുട്ടുകയുമാണ്. കൃ​ഷി​ക്ക് പി​ന്നാ​ലെ കു​ടി​വെ​ള്ള​വും ഇ​ല്ലാ​താ​വു​മ്പോ​ൾ വേ​ന​ൽ​ക്കാ​ല​ത്ത് ഇ​വ​ർ​ക്ക് ഭ​യാ​ശ​ങ്ക ഏ​റെ​യാ​ണ്.

വ​ള​പ​ട്ട​ണം പു​ഴ​യി​ൽ തേ​റ​ളാ​യി ദ്വീ​പി​ന്റെ മ​റു​ക​ര​യി​ലെ തോ​ട്ടു​ക​ട​വി​ലാ​ണ് വ​ള​ക്കൈ തോ​ട് സം​ഗ​മി​ക്കു​ന്ന​ത്. വേ​ന​ൽ​ക്കാ​ല​ത്ത് ക​ട​ലി​ൽ നി​ന്നെ​ത്തു​ന്ന ഉ​പ്പു​വെ​ള്ളം ചെ​ങ്ങ​ളാ​യി പു​ഴ​വ​രെ എ​ത്താ​റു​ണ്ട്. ഇ​ങ്ങ​നെ​യെ​ത്തു​ന്ന ഉ​പ്പു​വെ​ള്ള​മാ​ണ് വ​ള​ക്കൈ തോ​ട്ടി​ലും എ​ത്തു​ന്ന​ത്. തോ​ടി​നെ നി​ത്യേ​ന ആ​ശ്ര​യി​ക്കു​ന്ന​വ​ർ​ക്കെ​ല്ലാം ഇ​ത് തി​രി​ച്ച​ടി​യാ​വു​ന്നു​ണ്ട്. കു​ളി​ക്കാ​നും തു​ണി ക​ഴു​കാ​നു​മെ​ല്ലാം ആ​ളു​ക​ൾ തോ​ടി​നെ ആ​ശ്ര​യി​ച്ചി​രു​ന്നു. ഇ​വ​ർ​ക്കും ഉ​പ്പു​വെ​ള്ളം ദു​രി​ത​മാ​യി മാ​റി.

വ​ള​ക്കൈ​തോ​ട് സം​ഗ​മി​ക്കു​ന്ന തോ​ട്ടു​ക​ട​വ് ഭാ​ഗ​ത്ത് ഉ​പ്പു​വെ​ള്ളം ക​യ​റു​ന്ന​ത് ത​ട​യാ​ൻ പ​ദ്ധ​തി​യു​ണ്ടാ​യാ​ൽ തോ​ട് വ​ഴി ഉ​പ്പു​വെ​ള്ളം ക​യ​റു​ന്ന​ത് ത​ട​യാ​ൻ ക​ഴി​യും. അ​തി​ന് അ​ടി​യ​ന്ത​ര ന​ട​പ​ടി വേ​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം. എ​ങ്കി​ൽ മാ​ത്ര​മേ ഇ​നി​യി​വി​ടെ കാ​ർ​ഷി​ക പു​രോ​ഗ​തി​യു​ണ്ടാ​വു​ക​യു​ള്ളൂ.

ഇ​വി​ടെ ഉ​പ്പു​വെ​ള്ളം ക​യ​റു​ന്ന​ത് ഒ​ഴി​വാ​ക്കു​ന്ന​തി​ന് തോ​ട്ടി​ലേ​ക്ക് പു​ഴവെ​ള്ള​മെ​ത്തു​ന്ന ഭാ​ഗ​ത്താ​യി സാ​ൾ​ട്ട് വാ​ട്ട​ർ എ​ക്സ്ക്ലൂ​ഷ​ൻ ക്രോ​സ് ബാ​ർ പ​ണി​യ​ണ​മെ​ന്നാ​വ​ശ്യ​പ്പെ​ട്ട് അ​ധി​കൃ​ത​ർ​ക്ക് നി​വേ​ദ​നം ന​ൽ​കു​മെ​ന്ന് ഗ്രാ​മ​പ​ഞ്ചാ​യ​ത്തം​ഗ​ങ്ങ​ളാ​യ മൂ​സാ​ൻ കു​ട്ടി തേ​റ​ളാ​യി, ര​ശ്മി സു​രേ​ഷ് എ​ന്നി​വ​ർ ‘മാ​ധ്യ​മ’​ത്തോ​ട് പ​റ​ഞ്ഞു.