വിവാഹ ബ്യൂറോയില്‍ നിന്നാണെന്ന് പറഞ്ഞ് ഓട്ടോ ഡ്രൈവറെ ഫോണിൽ വിളിച്ച് പണം തട്ടി

ശ്രീ​ക​ണ്ഠ​പു​രം: വി​വാ​ഹ​ബ്യൂ​റോ​യി​ല്‍ നി​ന്ന് എ​ന്ന പേ​രി​ല്‍ ഓ​ട്ടോ​ ഡ്രൈ​വ​റെ ഫോ​ണി​ല്‍ വി​ളി​ച്ച് പ​ണം ത​ട്ടി​യെ​ടു​ത്തു. ചെ​ങ്ങ​ളാ​യി​ലെ ഓ​ട്ടോ​ഡ്രൈ​വ​ര്‍ ജി​ജു​വാ​ണ് ത​ട്ടി​പ്പി​നി​ര​യാ​യ​ത്. ഇ​തു സം​ബ​ന്ധി​ച്ച് ജി​ജു ശ്രീ​ക​ണ്ഠ​പു​രം പൊ​ലീ​സി​ല്‍ പ​രാ​തി ന​ല്‍കി.

ജി​ജു​വി​ന്റെ ഫോ​ണി​ല്‍ മി​സ്‌ കോ​ള്‍ അ​ടി​ച്ചാ​യി​രു​ന്നു ത​ട്ടി​പ്പ്. മി​സ്‌ കോ​ള്‍ ക​ണ്ട് ജി​ജു തി​രി​ച്ചു വി​ളി​ച്ച​പ്പോ​ള്‍ നി​ല​മ്പൂ​രി​ലെ അ​ര്‍ച്ച​ന മാ​ട്രി​മോ​ണി​യ​ല്‍ എ​ന്ന സ്ഥാ​പ​ന​ത്തി​ലെ സ​ബി​ത എ​ന്നാ​ണ് മ​റു​പ​ടി പ​റ​ഞ്ഞ​ത്. തു​ട​ര്‍ന്ന് ജി​ജു​വി​നോ​ട് വി​വാ​ഹാ​ലോ​ച​ന​യി​ല്‍ താ​ല്‍പ​ര്യ​മു​ണ്ടോ​യെ​ന്ന് അ​ന്വേ​ഷി​ച്ചു. താ​ല്‍പ​ര്യ​മു​ണ്ടെ​ന്ന് പ​റ​ഞ്ഞ​പ്പോ​ള്‍ ഫീ​സാ​യി 2800 രൂ​പ ന​ല്‍കാ​ന്‍ പ​റ​ഞ്ഞു. ഗൂ​ഗ്ള്‍പേ വ​ഴി പ​ണം അ​യ​ച്ചു​കൊ​ടു​ത്തു.

ര​ണ്ട് പെ​ണ്‍കു​ട്ടി​ക​ളു​ടെ ഫോ​ട്ടോ ജി​ജു​വി​ന് സ​ബി​ത അ​യ​ച്ചു​കൊ​ടു​ക്കു​ക​യും ചെ​യ്തു. ഇ​ഷ്ട​പ്പെ​ട്ടോ​യെ​ന്ന് അ​ന്വേ​ഷി​ച്ച് ഇ​ഷ്ട​മാ​ണെ​ന്ന് പ​റ​ഞ്ഞ​പ്പോ​ള്‍ ര​ണ്ട് ഫോ​ണ്‍ ന​മ്പ​റും ന​ല്‍കി. അ​തി​ല്‍ ആ​ദ്യ​ത്തെ ഫോ​ണ്‍ ന​മ്പ​റി​ല്‍ ബ​ന്ധ​പ്പെ​ട്ട​പ്പോ​ള്‍ തൃ​ശൂ​രി​ൽ മെ​ഡി​ക്ക​ൽ വി​ദ്യാ​ര്‍ഥി​നി​യെ​യാ​ണ് ല​ഭി​ച്ച​ത്. അ​വ​ര്‍ വി​വാ​ഹാ​ലോ​ച​ന​ക്ക് ആ​രെ​യും ചു​മ​ത​ല​പ്പെ​ടു​ത്തി​യി​ല്ലെ​ന്ന് പ​റ​ഞ്ഞ് ക്ഷു​ഭി​ത​യാ​യി.

ഇ​ക്കാ​ര്യം സ​ബി​ത​യെ വി​ളി​ച്ച​റി​യി​ച്ച​പ്പോ​ള്‍ ര​ണ്ടാ​മ​ത്തെ ന​മ്പ​റി​ല്‍ വി​ളി​ക്കാ​ന്‍ പ​റ​ഞ്ഞു. അ​തി​ല്‍ ബ​ന്ധ​പ്പെ​ട്ട​പ്പോ​ള്‍ കോ​ഴി​ക്കോ​ട് ഒ​രു എ​ന്‍ട്ര​ന്‍സ് സ്ഥാ​പ​ന​ത്തി​ല്‍ ജോ​ലി ചെ​യ്യു​ന്ന സ​്ത്രീയു​ടേ​താ​യി​രു​ന്നു ന​മ്പ​ര്‍. അ​വ​രും ഇ​തേ കാ​ര്യം പ​റ​ഞ്ഞ് രോ​ഷാ​കു​ല​യാ​യി. ഇ​ക്കാ​ര്യം സ​ബി​ത​യോ​ട് പ​റ​ഞ്ഞ​പ്പോ​ള്‍ അ​വ​ർ ജി​ജു​വി​നെ അ​പ​ഹ​സി​ച്ചു​കൊ​ണ്ട് സം​സാ​രി​ച്ചു​വ​ത്രെ. ഇ​തേ​ത്തു​ട​ര്‍ന്നാ​ണ് പൊ​ലീ​സി​ല്‍ പ​രാ​തി ന​ല്‍കി​യ​ത്.

സം​ഭ​വ​ത്തി​ൽ പൊ​ലീ​സ് അ​ന്വേ​ഷ​ണം തു​ട​ങ്ങി. ജി​ജു​വി​ന് അ​യ​ച്ചു കൊ​ടു​ത്ത യു​വ​തി​ക​ളു​ടെ ഫോ​ട്ടോ ഒ​റി​ജി​ന​ലാ​ണോ​യെ​ന്നും പ​രി​ശോ​ധി​ക്കു​ന്നു​ണ്ട്. സം​സ്ഥാ​ന​ത്തെ​മ്പാ​ടും അ​വി​വാ​ഹി​ത​രെ വി​ളി​ച്ച് വ​ല​യി​ലാ​ക്കി പ​ണം ത​ട്ടു​ന്ന സം​ഘ​മാ​ണോ​യെ​ന്ന സം​ശ​യ​വും ഉ​യ​ർ​ന്നി​ട്ടു​ണ്ട്.