Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightSreekandapuramchevron_rightകാട്ടാനയെ നേരിടാൻ...

കാട്ടാനയെ നേരിടാൻ അതിർത്തിയിൽ തൂക്കുവേലികൾ വരുന്നു

text_fields
bookmark_border
കാട്ടാനയെ നേരിടാൻ അതിർത്തിയിൽ തൂക്കുവേലികൾ വരുന്നു
cancel



ശ്രീ​ക​ണ്ഠ​പു​രം: അ​തി​ർ​ത്തി മ​ല​യോ​ര ഗ്രാ​മ​ങ്ങ​ളി​ലെ ജ​ന​വാ​സ കേ​ന്ദ്ര​ങ്ങ​ളി​ലും കൃ​ഷി​യി​ട​ങ്ങ​ളി​ലും കാ​ട്ടാ​ന​യ​ട​ക്ക​മു​ള്ള വ​ന്യ​മൃ​ഗ​ങ്ങ​ളു​ടെ ശ​ല്യം ത​ട​യാ​ന്‍ വൈ​ദ്യു​തി തൂ​ക്കു​വേ​ലി വ​രു​ന്നു.

പ​യ്യാ​വൂ​ര്‍ പ​ഞ്ചാ​യ​ത്തി‍െൻറ ക​ര്‍ണാ​ട​ക അ​തി​ര്‍ത്തി പ്ര​ദേ​ശ​ങ്ങ​ളി​ലാ​ണ് ആ​ദ്യ​ഘ​ട്ട​ത്തി​ൽ തൂ​ക്കു​വേ​ലി​ക​ൾ (തൂ​ങ്ങി​നി​ല്‍ക്കു​ന്ന സൗ​രോ​ർ​ജ വേ​ലി​ക​ള്‍) സ്ഥാ​പി​ക്കാ​ന്‍ ധാ​ര​ണ​യാ​യ​ത്. ജി​ല്ല പ​ഞ്ചാ​യ​ത്തി‍െൻറ സ​ഹാ​യ​ത്തോ​ടെ​യാ​ണ് പ​ദ്ധ​തി ന​ട​പ്പാ​ക്കു​ക. ആ​ടാം​പാ​റ മു​ത​ൽ കാ​ഞ്ഞി​ര​ക്കൊ​ല്ലി വ​രെ ക​ർ​ണാ​ട​ക​യു​മാ​യി അ​തി​ർ​ത്തി പ​ങ്കി​ടു​ന്ന 16 കി​ലോ​മീ​റ്റ​ർ ഭാ​ഗ​ത്താ​ണ് 32 ല​ക്ഷം രൂ​പ ചെ​ല​വി​ൽ വേ​ലി​ക​ൾ നി​ർ​മി​ക്കു​ന്ന​ത്. പ​ഞ്ചാ​യ​ത്ത് ഫ​ണ്ട് സ​മ​ഗ്ര ആ​ന​വേ​ലി നി​ർ​മാ​ണ​ത്തി​ന് അ​പ​ര്യാ​പ്ത​മാ​ണ് എ​ന്ന​തു​കൊ​ണ്ട് ജി​ല്ല, ബ്ലോ​ക്ക് പ​ഞ്ചാ​യ​ത്തു​ക​ളു​ടെ സ​ഹാ​യം തേ​ടു​ക​യു​മാ​യി​രു​ന്നു. പ​ദ്ധ​തി​യു​ടെ ഭാ​ഗ​മാ​യി ജി​ല്ല പ​ഞ്ചാ​യ​ത്ത് 15 ല​ക്ഷ​വും ബ്ലോ​ക്ക് പ​ഞ്ചാ​യ​ത്ത് അ​ഞ്ചു ല​ക്ഷ​വു​മാ​ണ് തു​ക അ​നു​വ​ദി​ച്ച​ത്. പ​യ്യാ​വൂ​രി​ൽ പ​രീ​ക്ഷ​ണാ​ർ​ഥം ന​ട​ത്തു​ന്ന പ​ദ്ധ​തി പൂ​ർ​ണ വി​ജ​യ​മാ​യാ​ൽ ജി​ല്ല​യി​ൽ കാ​ട്ടാ​ന​യി​റ​ങ്ങു​ന്ന പ്ര​ദേ​ശ​ങ്ങ​ളി​ലെ​ല്ലാം ഈ ​സം​വി​ധാ​നം ഒ​രു​ക്കാ​നാ​ണ് അ​ധി​കൃ​ത​രു​ടെ തീ​രു​മാ​നം.

സം​വി​ധാ​നം ആ​ന​ക്ക്​ പ​രി​ക്കേ​ൽ​ക്കാ​ത്ത രീ​തി​യി​ൽ

തൂ​ങ്ങി​യാ​ടു​ന്ന വൈ​ദ്യു​തി വേ​ലി​യി​ൽ ആ​ന​യും മ​റ്റും മു​ട്ടി​യാ​ൽ ചെ​റു​താ​യി വൈ​ദ്യു​താ​ഘാ​ത​മേ​ൽ​ക്കു​ക​യും പി​ന്തി​രി​ഞ്ഞോ​ടു​ക​യും ചെ​യ്യും. ഇ​വ​ക്ക് പ​രി​ക്ക് സം​ഭ​വി​ക്കു​ക​യി​ല്ലെ​ന്ന ഗു​ണ​വു​മു​ണ്ട്. സം​സ്ഥാ​ന​ത്ത ആ​ദ്യ​ത്തെ തൂ​ക്കു​വേ​ലി​യാ​ണ് പ​യ്യാ​വൂ​രി​ലെ അ​തി​ർ​ത്തി വ​ന​മേ​ഖ​ല​യി​ൽ ഒ​രു​ക്കു​ന്ന​ത്. ക​ഴി​ഞ്ഞ സ​ർ​ക്കാ​റി​‍െൻറ കാ​ല​ത്ത് വ​നം മ​ന്ത്രി കെ.​രാ​ജു ശ്രീ​ക​ണ്ഠ​പു​രം മേ​ഖ​ല​യി​ൽ ഏ​ഴ് കി​ലോ​മീ​റ്റ​ർ തൂ​ക്കു​വേ​ലി നി​ർ​മി​ക്കു​മെ​ന്ന് പ്ര​ഖ്യാ​പി​ച്ചി​രു​ന്നു. എ​ന്നാ​ൽ, നി​ർ​മാ​ണം ഇ​തു​വ​രെ തു​ട​ങ്ങി​യി​ട്ടി​ല്ല.

നേ​ര​ത്തെ ആ​ടാം പാ​റ​യി​ൽ​നി​ന്ന് കാ​ഞ്ഞി​ര​ക്കൊ​ല്ലി​യി​ലേ​ക്ക് ആ​റ് കി​ലോ​മീ​റ്റ​ർ നീ​ള​ത്തി​ൽ സൗ​രോ​ർ​ജ വേ​ലി നി​ർ​മി​ച്ചി​രു​ന്നെ​ങ്കി​ലും കാ​ട്ടാ​ന ശ​ല്യം പൂ​ർ​ണ​മാ​യും ഇ​ല്ലാ​താ​ക്കാ​ൻ ക​ഴി​ഞ്ഞി​രു​ന്നി​ല്ല. ഏ​റെ കാ​ല​ങ്ങ​ളാ​യി കാ​ഞ്ഞി​ര​ക്കൊ​ല്ലി, വ​ഞ്ചി​യം, ആ​ടാം​പാ​റ, അ​രീ​ക്കാ​മ​ല, ശാ​ന്തി​ന​ഗ​ർ, ച​ന്ദ​ന​ക്കാം​പാ​റ, ന​റു​ക്കും ചീ​ത്ത, ഷി​മോ​ഗ, ചി​റ്റാ​രി, ഏ​ല​പ്പാ​റ, ചീ​ത്ത​പ്പാ​റ തു​ട​ങ്ങി​യ മേ​ഖ​ല​യി​ലു​ള്ള​വ​ർ കാ​ട്ടാ​ന​ശ​ല്യം മൂ​ലം പൊ​റു​തി​മു​ട്ടു​ക​യാ​യി​രു​ന്നു. ഈ ​മേ​ഖ​ല​യി​ലെ കൃ​ഷി​യി​ട​ങ്ങ​ൾ പൂ​ർ​ണ​മാ​യും കാ​ട്ടാ​ന​ക്കൂ​ട്ടം ന​ശി​പ്പി​ക്കു​ന്ന​തും ജ​ന​ജീ​വി​ത​ത്തി​ന് ഭീ​ഷ​ണി സൃ​ഷ്​​ടി​ക്കു​ന്ന​തും പ​തി​വാ​ണ്. ക​ർ​ഷ​ക​ർ രാ​പ്പ​ക​ൽ ഉ​റ​ക്ക​മൊ​ഴി​ഞ്ഞ് ജീ​വ​ൻ പ​ണ​യ​പ്പെ​ടു​ത്തി കാ​വ​ലി​രു​ന്നി​ട്ടും ഫ​ല​മു​ണ്ടാ​കാ​റി​ല്ല.

ക​ഴി​ഞ്ഞ ദി​വ​സം പ​യ്യാ​വൂ​ർ ന​റു​ക്കും​ചീ​ത്ത​യി​ലെ വെ​ട്ടു​കാ​ട്ടി​ൽ സ​ജ‍ൻെറ വീ​ട്ടു​പ​റ​മ്പി​ലെ​ത്തി വി​ള ന​ശി​പ്പി​ച്ച ആ​ന​ക്കൂ​ട്ട​ത്തി​ലെ പി​ടി​യാ​ന ചെ​രി​ഞ്ഞി​രു​ന്നു. കു​ന്നി​റ​ങ്ങി വ​ന്ന ആ​ന വൈ​ദ്യു​തി തൂ​ണി​ലി​ടി​ച്ച് ലൈ​ന​ട​ക്കം നി​ലം​പ​തി​ച്ച​പ്പോ​ൾ തു​മ്പി​ക്കൈ​യി​ൽ ഷോ​ക്കേ​റ്റ് മ​ര​ണം സം​ഭ​വി​ക്കു​ക​യാ​യി​രു​ന്നു.

ക​ഴി​ഞ്ഞ വ​ർ​ഷ​വും ഇ​തേ പ്ര​ദേ​ശ​ത്ത് വീ​ട്ടു​പ​രി​സ​ര​ത്തെ കു​ഴി​യി​ൽ വീ​ണ ആ​ന​യെ വ​ന​പാ​ല​ക​ർ ര​ക്ഷി​ച്ച് മു​ത്ത​ങ്ങ​യി​ലേ​ക്ക് ചി​കി​ത്സ​ക്ക് കൊ​ണ്ടു​പോ​ക​വേ ലോ​റി​യി​ൽ​വ​ച്ച് ചെ​രി​ഞ്ഞ​ത് ഏ​റെ വി​വാ​ദ​വു​മാ​യി​രു​ന്നു.

കാ​ട്ടാ​ന ശ​ല്യം കൂ​ടാ​തെ കാ​ട്ടു​പ​ന്നി, കു​ര​ങ്ങ്, മു​ള്ള​ൻ​പ​ന്നി എ​ന്നി​വ​യു​ടെ ശ​ല്യ​വും ഈ ​മേ​ഖ​ല​ക​ളി​ൽ രൂ​ക്ഷ​മാ​ണ്. കാ​ട്ടു​പ​ന്നി​ക​ളും കൂ​ട്ട​മാ​യി​റ​ങ്ങു​ന്ന കു​ര​ങ്ങു​ക​ളും ഭ​ക്ഷ്യ​വി​ള​ക​ൾ വ്യാ​പ​ക​മാ​യി ന​ശി​പ്പി​ക്കാ​റു​ണ്ട്. ആ​ന​ക്കൂ​ട്ട​ത്തെ​യും മ​റ്റ് മൃ​ഗ​ങ്ങ​ളെ​യും ഭ​യ​ന്നാ​ണ് ഈ ​മേ​ഖ​ല​യി​ലെ കു​ട്ടി​ക​ളും പ്രാ​യ​മാ​യ​വ​രും ക​ഴി​യു​ന്ന​ത്. ജീ​വ​ൻ പ​ണ​യ​പ്പെ​ടു​ത്തി​യാ​ണ് പ​ല ക​ർ​ഷ​ക​രും പു​ല​ർ​ച്ച റ​ബ​ർ ടാ​പ്പി​ങ്ങി​നും മ​റ്റ് പ​ണി​ക​ൾ​ക്കു​മാ​യി പു​റ​ത്തി​റ​ങ്ങു​ന്ന​ത്. തൊ​ട്ടു​മു​ന്നി​ലെ​ത്തി​യാ​ൽ മാ​ത്ര​മാ​ണ് പ​ല​പ്പോ​ഴും ആ​ന​യെ കാ​ണു​ന്ന​തെ​ന്നും ഭ​യ​ന്നോ​ടു​മ്പോ​ൾ വീ​ണ് പ​രി​ക്കേ​ൽ​ക്കു​ന്ന​ത് പ​തി​വാ​ണെ​ന്നും ക​ർ​ഷ​ക​ർ പ​റ​യു​ന്നു. ആ​ന പി​ന്തു​ട​ർ​ന്ന് ഓ​ടി​ച്ചി​ല്ലെ​ങ്കി​ൽ കാ​ട്ടു​പ​ന്നി​ക​ളു​ടെ കു​ത്തേ​ൽ​ക്കു​ന്ന അ​വ​സ്ഥ​യാ​ണ്. ക​ഴി​ഞ്ഞ മാ​സം പേ​ര​ട്ട പെ​രി​ങ്ക​രി​യി​ൽ രാ​വി​ലെ പ​ള്ളി​യി​ൽ പോ​കു​ന്ന​തി​നി​ടെ ദ​മ്പ​തി​ക​ളെ കാ​ട്ടാ​ന ആ​ക്ര​മി​ച്ച​തും ഗൃ​ഹ​നാ​ഥ​ൻ മ​രി​ച്ച​തും മ​ല​യോ​ര​ത്തെ ജ​ന​ങ്ങ​ൾ ഏ​റെ ഭീ​തി​യോ​ടെ​യാ​ണ് ഓ​ർ​ക്കു​ന്ന​ത്.

'ക​ർ​ഷ​ക​ർ​ക്ക് ആ​ശ്വാ​സ​മാ​കു​ന്ന മാ​തൃ​ക പ​ദ്ധ​തി'

മു​ന്നോ​ടി​യാ​യി അ​ടു​ത്ത​യാ​ഴ്ച അ​തി​ർ​ത്തി വ​ന​മേ​ഖ​ല​യി​ലെ സ്വ​കാ​ര്യ വ്യ​ക്തി​ക​ളു​ടേ​ത​ട​ക്ക​മു​ള്ള സ്ഥ​ല​ങ്ങ​ളി​ൽ ജ​ന​കീ​യ പ​ങ്കാ​ളി​ത്ത​ത്തോ​ടെ കാ​ടു​വെ​ട്ടി​ത്തെ​ളി​ച്ച് വൈ​ദ്യു​തി വേ​ലി സ്ഥാ​പി​ക്കാ​നു​ള്ള വ​ഴി​യൊ​രു​ക്കു​മെ​ന്നും ക​ർ​ഷ​ക​ർ​ക്ക് ഏ​റെ ആ​ശ്വാ​സ​മാ​കു​ന്ന മാ​തൃ​ക പ​ദ്ധ​തി​യാ​യി ഈ ​സൗ​ര​വേ​ലി സം​സ്ഥാ​ന ശ്ര​ദ്ധ​യാ​ക​ർ​ഷി​ക്കു​മെ​ന്നും പ​യ്യാ​വൂ​ർ പ​ഞ്ചാ​യ​ത്ത് പ്ര​സി​ഡ​ൻ​റ്​ അ​ഡ്വ. സാ​ജു സേ​വ്യ​ർ 'മാ​ധ്യ​മ'​ത്തോ​ട് പ​റ​ഞ്ഞു.



Show Full Article
TAGS:elephents Hanging fences 
News Summary - elephents; Hanging fences at the border
Next Story