വാഹനമിടിച്ച് കൊല്ലാന്‍ ശ്രമം; യുവാവ് അറസ്റ്റില്‍

ശ്രീ​ക​ണ്ഠ​പു​രം: സ​ഹോ​ദ​ര​നെ വാ​ഹ​ന​മി​ടി​ച്ച് കൊ​ല്ലാ​ൻ ശ്ര​മി​ച്ച യു​വാ​വ് അ​റ​സ്റ്റി​ൽ. കൂ​ട്ടും​മു​ഖ​ത്തെ ക​മു​ക​റ​ക​ണ്ടി പു​തി​യ​പു​ര​യി​ല്‍ ഹൗ​സി​ല്‍ കെ.​പി.​ന​വാ​സി​നെ​യാ​ണ് (32) ശ്രീ​ക​ണ്ഠ​പു​രം പൊ​ലീ​സ് ഇ​ൻ​സ്പെ​ക്ട​ർ ടി.​കെ മു​കു​ന്ദ​ന്റെ മേ​ല്‍നോ​ട്ട​ത്തി​ല്‍ എ​സ്.​ഐ എം.​വി ഷീ​ജു അ​റ​സ്റ്റ് ചെ​യ്ത​ത്.

ന​വാ​സി​ന് മ​ത്സ്യവി​ൽ​പ​ന​യാ​ണ്. ഭാ​ര്യ​യു​ണ്ടാ​യി​രി​ക്കെ മ​റ്റൊ​രു യു​വ​തി​യു​മാ​യി സ്ഥ​ലം​വി​ട്ട​തി​നെ തു​ട​ർ​ന്നു​ണ്ടാ​യ ത​ർ​ക്ക​മാ​ണ് കൊ​ല​പാ​ത​ക ശ്ര​മ​ത്തി​ൽ ക​ലാ​ശി​ച്ച​ത്. ബു​ധ​നാ​ഴ്ച്ച ഉ​ച്ച 12.45ഓ​ടെ​യാ​ണ് കേ​സി​നാ​സ്പ​ദ​മാ​യ സം​ഭ​വം. എ​ള്ള​ര​ഞ്ഞി​യി​ലെ ക​മു​ക​റ​ക​ണ്ടി പു​തി​യ​പു​ര​യി​ല്‍ കെ.​പി. മ​ഹ​റൂ​ഫി​നെ (38) വ​ധി​ക്കാ​ന്‍ ശ്ര​മി​ച്ചു​വെ​ന്ന പ​രാ​തി​യി​ലാ​ണ് അ​റ​സ്റ്റ്. യു​വാ​വി​ന്റെ മാ​താ​വി​ന്‍റെ സ​ഹോ​ദ​രി​യു​ടെ മ​ക​നാ​ണ് മ​ഹ​റൂ​ഫ്.

വി​വാ​ഹി​ത​നാ​യ ന​വാ​സ് ആ ​ബ​ന്ധം നി​ല​നി​ല്‍ക്കെ മ​റ്റൊ​രു യു​വ​തി​യു​മാ​യി സ്ഥ​ലം​വി​ട്ടി​രു​ന്നു. പ​രാ​തി​യെ​ത്തു​ട​ര്‍ന്ന് കേ​സെ​ടു​ത്ത പൊ​ലീ​സ് ന​വാ​സി​നെ​യും യു​വ​തി​യെ​യും ക​സ്റ്റ​ഡി​യി​ലെ​ടു​ത്ത് ത​ളി​പ്പ​റ​മ്പ് കോ​ട​തി​യി​ല്‍ ഹാ​ജ​രാ​ക്കി. ഇ​രു​വ​രെ​യും സ്വ​ന്തം ഇ​ഷ്ട​പ്ര​കാ​രം പോ​കാ​ന്‍ കോ​ട​തി അ​നു​വ​ദി​ച്ച​തി​നെ​ത്തു​ട​ർ​ന്ന് ന​വാ​സ് യു​വ​തി​യെ അ​വ​രു​ടെ വീ​ട്ടി​ല്‍ കൊ​ണ്ടാ​ക്കി.

തു​ട​ര്‍ന്ന് ക​ഴി​ഞ്ഞ ദി​വ​സം ഭാ​ര്യ​യു​ടെ വീ​ട്ടി​ലെ​ത്തി ഭാ​ര്യ​യെ​യും മ​ക്ക​ളെ​യും കാ​ണ​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും കു​ടും​ബാം​ഗ​ങ്ങ​ള്‍ അ​നു​വ​ദി​ച്ചി​ല്ല. മ​ഹ്‌​റൂ​ഫി​ന്റെ ഒ​ത്താ​ശ​യോ​ടെ​യാ​ണ് കു​ടും​ബാം​ഗ​ങ്ങ​ള്‍ ഇ​ത്ത​ര​ത്തി​ൽ പെ​രു​മാ​റി​യ​തെ​ന്ന് ക​രു​തി​യ യു​വാ​വ് കു​ടും​ബാം​ഗ​ങ്ങ​ളെ​യും വാ​ഹ​ന​മി​ടി​ച്ച് കൊ​ല​പ്പെ​ടു​ത്തു​മെ​ന്ന് ഭീ​ഷ​ണി​പ്പെ​ടു​ത്തി​യി​രു​ന്നു. പി​റ്റേ ദി​വ​സം ഉ​ച്ച​യ്ക്ക് ഗു​ഡ്‌​സ് ഓ​ട്ടോ​റി​ക്ഷ​യു​മാ​യി വ​ന്ന ന​വാ​സ് പ​രി​പ്പാ​യി​യി​ല്‍ നി​ര്‍ത്തി​യി​ട്ട മ​ഹ​റൂ​ഫി​ന്റെ ഗു​ഡ്‌​സ് ഓ​ട്ടോ​റി​ക്ഷ​യി​ലി​ടി​ക്കു​ക​യാ​യി​രു​ന്നു. ഇ​ടി​യു​ടെ ആ​ഘാ​ത​ത്തി​ല്‍ മ​ഹ​റൂ​ഫി​ന് പ​രി​ക്കേ​ല്‍ക്കു​ക​യും ആ​ശു​പ​ത്രി​യി​ല്‍ ചി​കി​ത്സ തേ​ടു​ക​യും ചെ​യ്തു. തു​ട​ര്‍ന്ന് ശ്രീ​ക​ണ്ഠ​പു​രം പൊ​ലീ​സി​ല്‍ പ​രാ​തി ന​ല്‍കി​യ​തോ​ടെ വ​ധ​ശ്ര​മ​ത്തി​ന് കേ​സെ​ടു​ക്കു​ക​യാ​യി​രു​ന്നു. പ്ര​തി​യെ കോ​ട​തി റി​മാ​ൻ​ഡ് ചെ​യ്തു.