Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightഷുക്കൂർ വധം: അക്രമം...

ഷുക്കൂർ വധം: അക്രമം ഏകപക്ഷീയ​െമന്ന വാദത്തിന്​ ബലമേറുന്നു

text_fields
bookmark_border
ഷുക്കൂർ വധം: അക്രമം ഏകപക്ഷീയ​െമന്ന വാദത്തിന്​ ബലമേറുന്നു
cancel

കണ്ണൂർ: പി. ജയരാജൻ ​വധശ്രമക്കേസിൽ മുസ്​ലിം ലീഗുകാര​ായ പ്രതിക​െള കോടതി കുറ്റവിമുക്​തരാക്കു​േമ്പാൾ, അരിയിൽ ഷുക്കൂർ വധത്തിൽ അക്രമം ഏകപക്ഷീയമായിരുന്നുവെന്ന മുസ്​ലിം ലീഗി‍െൻറ വാദത്തിന്​ ബലമേറുന്നു. ഒരു ചെറുപ്പക്കാരനെ പിടിച്ചുകൊണ്ടുപോയി വയലിൽ മണിക്കൂറുകളോളം തടഞ്ഞുവെച്ച്​ ഫോ​ട്ടോയെടുത്ത്​ അയച്ചുകൊടുത്ത്​ ആളെ ഉറപ്പുവരുത്തി നടത്തിയ 'പാർട്ടി വിചാരണ' കൊലപാതകമെന്നാണ് ഷുക്കൂർ വധത്തി​െൻറ എഫ്​.ഐ.ആർ. അറുകൊല എന്തിന്​ വേണ്ടിയായിരുന്നുവെന്ന ചോദ്യത്തിന്​ സി.പി.എമ്മിന് കൃത്യമായ ഉത്തരമുണ്ടായിരുന്നില്ല. അന്ന്​ സി.പി.എം ജില്ല സെക്രട്ടറിയായിരുന്ന പി. ജയരാജ​ന്​ ​ നേരെയുണ്ടായ വധശ്രമ​ത്തെത്തുടർന്നുള്ള പ്രവർത്തകരുടെ പ്രതികരണമെന്നാണ്​ വിശദീകരിക്കപ്പെട്ടത്​.

ജയരാജൻ വധശ്രമക്കേസിലെ പ്രതികളെ ഒന്നടങ്കം കോടതി വെറുതെ വിട്ടതേ​ാടെ ഇപ്പോൾ പാർട്ടി കൂടുതൽ പ്രതിരോധത്തിലായി. 2012 ഫെബ്രുവരി 20 നായിരുന്നു സംഭവം. പട്ടുവം അരിയിൽ പ്രദേശത്ത് മുസ്​ലിം ലീഗ് അക്രമത്തിൽ പരിക്കേറ്റ സി.പി.എം പ്രവർത്തകരെ സന്ദർശിക്കാൻ പട്ടുവത്തെത്തിയ പി. ജയരാജൻ, ടി.വി. രാജേഷ് എം.എൽ.എ എന്നിവർ സഞ്ചരിച്ച വാഹനം തടഞ്ഞ്​ നേതാക്കളെ ​െകാലപ്പെടുത്താൻ ശ്രമം നടന്നുവെന്നാണ്​ സി.പി.എം ആരോപിച്ചത്​.

കേസിൽ വിചാരണ നേരിട്ട 12 പേരും നിരപരാധികളെന്ന്​ കോടതി വിധിക്കു​േമ്പാൾ വധശ്രമം എന്ന സി.പി.എം ആരോപണംതന്നെ പൊളിയുകയാണ്​. സംഭവത്തിൽ പി. ജയരാജനോ ടി.വി. രാജേഷിനോ പരിക്കേറ്റിരുന്നില്ല. സംഘർഷ സ്​ഥലത്ത്​ നേതാക്കളെത്തിയപ്പോൾ വാഹനം തടഞ്ഞതിനെ വധശ്രമമെന്ന നിലയിൽ പെരുപ്പിച്ചതാണ്​ ഷുക്കൂർ വധത്തിലേക്ക്​ നയിച്ചതെന്ന്​ അന്നുതന്നെ ലീഗ്​ നേതൃത്വം ചൂണ്ടിക്കാണിച്ചിരുന്നു. പ്രതികളെ വെറുതെ വിട്ട കോടതിവിധി നൽകുന്ന സൂചനയും അതുതന്നെയാണ്​. എന്നാൽ, സംഭവത്തിൽ കേസിലെ വിധിപ്പകർപ്പ്‌ കിട്ടിയതിനുശേഷം വിശദമായി പ്രതികരിക്കാമെന്നാണ്​​ സി.പി.എം കണ്ണൂർ ജില്ല സെക്രട്ടറി എം.വി. ജയരാജൻ, പി. ജയരാജൻ എന്നിവരുടെ പ്രതികരണം.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:P Jayarajan#Shukoor murder
News Summary - Shukoor murder: The argument that violence is one-sided is strengthened
Next Story