ര​ജി​സ്ട്രാ​ർ ഓ​ഫി​സു​ക​ൾ കാ​ഷ് ലെ​സാ​വും

ക​ണ്ണൂ​ർ: എ​ല്ലാ പ​ണ​മി​ട​പാ​ടു​ക​ളും ഇ-​പേ​മെ​ന്റ് സം​വി​ധാ​ന​ത്തി​ലേ​ക്ക് മാ​റ്റി ര​ജി​സ്ട്രാ​ർ ഓ​ഫി​സു​ക​ളെ കാഷ് ലെ​സാ​ക്കി മാ​റ്റു​മെ​ന്നും ഡി​ജി​റ്റ​ൽ എ​ൻ​ഡോ​ഴ്സ്മെ​ന്റ് സം​വി​ധാ​നം ന​ട​പ്പാ​ക്കു​മെ​ന്നും മ​ന്ത്രി രാ​മ​ച​ന്ദ്ര​ൻ ക​ട​ന്ന​പ്പ​ള്ളി. ആ​ധാ​രം ര​ജി​സ്റ്റ​ർ ചെ​യ്തു ക​ഴി​ഞ്ഞാ​ൽ മു​ൻ ആ​ധാ​രം ഉ​ട​ൻ തി​രി​കെ ന​ൽ​കു​ന്ന​തി​ന് പു​റ​മെ അ​നു​ബ​ന്ധ ന​ട​പ​ടി​ക​ളും വേ​ഗ​ത്തി​ലാ​ക്കാ​നു​ള്ള ഡി​ജി​റ്റ​ൽ എ​ൻ​ഡോ​ഴ്സ്മെ​ന്റ് സം​വി​ധാ​നം സം​സ്ഥാ​ന​ത്ത് ഈ ​വ​ർ​ഷം ത​ന്നെ ന​ട​പ്പാ​ക്കും.

കാ​സ​ർ​കോ​ട് ജി​ല്ല​യി​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ ന​ട​പ്പാ​ക്കി​യ റ​വ​ന്യൂ-​ര​ജി​സ്ട്രേ​ഷ​ൻ, സ​ർ​വേ വ​കു​പ്പു​ക​ളു​ടെ സം​യോ​ജി​ത പോ​ർ​ട്ട​ൽ 'എ​ന്റെ ഭൂ​മി'​യു​ടെ ഫ​ല​ങ്ങ​ൾ വി​ല​യി​രു​ത്തി സം​സ്ഥാ​ന​ത്താ​കെ ന​ട​പ്പാ​ക്കും. ഇ​തോ​ടെ ഭൂ​മി​സം​ബ​ന്ധ​മാ​യ ഇ​ട​പാ​ടു​ക​ൾ കൂ​ടു​ത​ൽ സു​ഗ​മ​വും സു​താ​ര്യ​വു​മാ​കും. ക​ണ്ണൂ​ർ താ​ലൂ​ക്ക് ഹാ​ളി​ൽ ര​ജി​സ്ട്രേ​ഷ​ൻ വ​കു​പ്പി​ന്റെ ജി​ല്ല​ത​ല അ​വ​ലോ​ക​ന യോ​ഗ​ത്തി​നു​ശേ​ഷം വാ​ർ​ത്ത​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു മ​ന്ത്രി.

ഒ​രാ​ൾ പ​ല ഓ​ഫി​സു​ക​ൾ ക​യ​റി​യി​റ​ങ്ങേ​ണ്ടി​വ​രു​ന്ന സാ​ഹ​ച​ര്യം ഒ​ഴി​വാ​കും. സ​ബ് ര​ജി​സ്ട്രാ​ർ ഓ​ഫി​സു​ക​ളി​ൽ സൗ​ഹൃ​ദ സ​മി​തി​ക​ൾ രൂ​പ​വ​ത്ക​രി​ക്കും. വി​വ​ര സാ​ങ്കേ​തി​ക വി​ദ്യ​യു​ടെ നേ​ട്ട​ങ്ങ​ൾ പ​ര​മാ​വ​ധി പ്ര​യോ​ജ​ന​പ്പെ​ടു​ത്തി വ​കു​പ്പി​നെ ആ​ധു​നി​ക​വ​ത്ക​രി​ക്കാ​നു​ള്ള പ​ദ്ധ​തി​ക​ളാ​ണ് ന​ട​പ്പാ​ക്കി​വ​രു​ന്ന​ത്. നി​ല​വി​ൽ നൂ​റു വ​ർ​ഷ​ത്തി​ലേ​റെ പ​ഴ​ക്ക​മു​ള്ള കെ​ട്ടി​ട​ങ്ങ​ൾ ആ​ധു​നി​ക സൗ​ക​ര്യ​ങ്ങ​ളോ​ടെ പു​ന​ർ​നി​ർ​മി​ച്ചു​വ​രി​ക​യാ​ണ്. മു​ഴു​വ​ൻ ര​ജി​സ്ട്രാ​ർ ഓ​ഫി​സു​ക​ളും ക​മ്പ്യൂ​ട്ട​ർ​വ​ത്ക​രി​ച്ചു.

ര​ജി​സ്ട്രേ​ഷ​നു​ള്ള തീ​യ​തി​യും സ​മ​യ​വും മു​ൻ​കൂ​ട്ടി നി​ശ്ച​യി​ക്കാ​നു​ള്ള ടോ​ക്ക​ൺ സ​മ്പ്ര​ദാ​യം ഏ​ർ​പ്പെ​ടു​ത്തി. ആ​ധാ​ര പ​ക​ർ​പ്പു​ക​ൾ, ബാ​ധ്യ​ത സ​ർ​ട്ടി​ഫി​ക്ക​റ്റു​ക​ൾ തു​ട​ങ്ങി​യ​വ ഓ​ൺ​ലൈ​നാ​യി ല​ഭ്യ​മാ​ക്കിവ​രു​ന്നു.

ഒ​രു ജി​ല്ല​ക്ക​ക​ത്ത് ആ​ധാ​ര​ങ്ങ​ൾ ഏ​ത് സ​ബ് ര​ജി​സ്ട്രാ​റാ​ഫി​സി​ലും ര​ജി​സ്റ്റ​ർ ചെ​യ്യാ​നു​ള്ള സൗ​ക​ര്യ​മൊ​രു​ക്കി. മു​ദ്ര​പ്പ​ത്ര​ങ്ങ​ൾ​ക്ക് ഇ-​സ്റ്റാ​മ്പി​ങ് ന​ട​പ്പാ​ക്കി. വി​വാ​ഹ ര​ജി​സ്ട്രേ​ഷ​ൻ അ​പേ​ക്ഷ ഓ​ൺ​ലൈ​നാ​യി സ​മ​ർ​പ്പി​ക്കാ​ൻ അ​വ​സ​ര​മൊ​രു​ക്കി. ഈ​സ് ഓ​ഫ് ഡൂ​യി​ങ് ബി​സി​ന​സി​ന്റെ ഭാ​ഗ​മാ​യി ജ​ന​ങ്ങ​ൾ​ക്കാ​വ​ശ്യ​മാ​യ സേ​വ​ന​ങ്ങ​ൾ കൂ​ടു​ത​ൽ സു​താ​ര്യ​വും സു​ഗ​മ​മാ​യും ല​ഭ്യ​മാ​ക്കു​ക എ​ന്ന​താ​ണ് ഈ ​പ​രി​ഷ്‌​ക​ര​ങ്ങ​ളു​ടെ​യെ​ല്ലാം ല​ക്ഷ്യ​മെ​ന്നും മ​ന്ത്രി പ​റ​ഞ്ഞു.

ജി​ല്ല​ത​ല അ​വ​ലോ​ക​ന യോ​ഗ​ത്തി​ൽ ര​ജി​സ്ട്രേ​ഷ​ൻ വ​കു​പ്പി​ന്റെ ഒ​രു വ​ർ​ഷ​ത്തെ പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തി. ര​ജി​സ്ട്രേ​ഷ​ൻ ഓ​ഫി​സു​ക​ൾ കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കു​ന്ന​തി​നും വി​പു​ല​മാ​യ പ്ര​വ​ർ​ത്ത​ന മേ​ഖ​ല ഉ​യ​ർ​ത്തു​ന്ന​തി​നു​ള്ള വി​ഷ​യ​ങ്ങ​ൾ ച​ർ​ച്ച ചെ​യ്തു. ര​ജി​സ്ട്രേ​ഷ​ൻ വ​കു​പ്പ് ഇ​ൻ​സ്പെ​ക്ട​ർ ജ​ന​റ​ൽ ശ്രീ​ധ​ന്യ സു​രേ​ഷ്, ഡെ​പ്യൂ​ട്ടി ഇ​ൻ​സ്പെ​ക്ട​ർ ജ​ന​റ​ൽ സ​തീ​ഷ് ഓ​വ്വാ​ട്ട്, ജി​ല്ല ര​ജി​സ്ട്രാ​ർ ജ​ന​റ​ൽ എ.​ബി. സ​ത്യ​ൻ, ജി​ല്ല ര​ജി​സ്ട്രാ​ർ ഓ​ഡി​റ്റ് രാ​ജേ​ഷ് ഗോ​പ​ൻ, സി.​കെ. റീ​ത്ത, വി. ​സ​ന്തോ​ഷ് കു​മാ​ർ എ​ന്നി​വ​ർ പ​ങ്കെ​ടു​ത്തു.