റേഷൻ കടകൾ കാലിയാവുന്നു

ക​ണ്ണൂ​ർ: റേ​ഷ​ൻ വാ​തി​ൽ​പ​ടി വി​ത​ര​ണ ക​രാ​റു​കാ​രു​ടെ സ​മ​രം മൂ​ന്നാ​ഴ്ച പി​ന്നി​ട്ട​തോ​ടെ ജി​ല്ല​യി​ലെ റേ​ഷ​ൻ ക​ട​ക​ൾ കാ​ലി​യാ​വു​ന്നു. 50 ശ​ത​മാ​നം കാ​ർ​ഡ് ഉ​ട​മ​ക​ൾ​ക്കും ജ​നു​വ​രി​യി​ലെ റേ​ഷ​ൻ വി​ത​ര​ണം ചെ​യ്യാ​ൻ ബാ​ക്കി​യു​ള്ള​പ്പോ​ൾ 90 ശ​ത​മാ​ന​ത്തി​ലേ​റെ ക​ട​ക​ളി​ലും ഭ​ക്ഷ്യ​വ​സ്തു​ക്ക​ളു​ടെ സ്റ്റോ​ക്ക് ബാ​ക്കി​യി​ല്ല.

872 റേ​ഷ​ൻ ക​ട​ക​ളാ​ണ് ജി​ല്ല​യി​ൽ ഉ​ള്ള​ത്. വേ​ത​ന പ​രി​ഷ്‍ക​ര​ണം ആ​വ​ശ്യ​പ്പെ​ട്ട് 27 മു​ത​ൽ റേ​ഷ​ൻ വ്യാ​പാ​രി​ക​ളു​ടെ അ​നി​ശ്ചി​ത​കാ​ല പ​ണി​മു​ട​ക്ക് കൂ​ടി​യാ​വു​ന്ന​തോ​ടെ മു​ൻ​ഗ​ണ​ന കാ​ർ​ഡ് ഉ​ട​മ​ക​ൾ​ക്ക് അ​ട​ക്കം അ​രി​യും ​ഗോ​ത​മ്പു​മെ​ല്ലാം കി​ട്ടാ​ക്ക​നി​യാ​വും.

റേ​ഷ​ൻ സാ​ധ​ന​ങ്ങ​ൾ സ്റ്റോ​ക്ക് ഇ​ല്ലാ​ത്ത​തി​നാ​ൽ കാ​ർ​ഡ് ഉ​ട​മ​ക​ൾ ക​ട​ക​ളി​ലെ​ത്തി മ​ട​ങ്ങു​ക​യാ​ണ്. ഈ ​മാ​സം പൂ​ർ​ത്തി​യാ​വാ​ൻ ഒ​രാ​ഴ്ച മാ​ത്ര​മാ​ണ് ബാ​ക്കി​യു​ള്ള​ത്. ​ക​രാ​റു​കാ​രു​ടെ​യും വ്യാ​പാ​രി​ക​ളു​ടെ​യും സ​മ​രം മു​ൻ​നി​ർ​ത്തി ഈ ​മാ​സ​ത്തെ റേ​ഷ​ൻ വി​ത​ര​ണം നീ​ട്ട​ണ​മെ​ന്ന ആ​വ​ശ്യം ശ​ക്ത​മാ​ണ്.

എ​ഫ്.​സി.​ഐ ഗോ​ഡൗ​ണു​ക​ളി​ൽ​നി​ന്ന് സ​പ്ലൈ​കോ സം​ഭ​ര​ണ ശാ​ല​ക​ളി​ലേ​ക്കും റേ​ഷ​ന്‍ ക​ട​ക​ളി​ലേ​ക്കും സാ​ധ​ന​ങ്ങ​ൾ എ​ത്തി​ക്കു​ന്ന​വ​രു​ടെ സ​മ​രം​മൂ​ലം ജ​നു​വ​രി​യി​ലെ റേ​ഷ​ന്‍ വി​ഹി​തം മി​ക്ക​യി​ട​ത്തും എ​ത്തി​യി​രു​ന്നി​ല്ല. ഡി​സം​ബ​ർ വി​ഹി​ത​ത്തി​ല്‍ ബാ​ക്കി​യു​ള്ള​താ​ണ് ഈ ​മാ​സം കു​റ​ച്ചു​പേ​ർ​​ക്കെ​ങ്കി​ലും വി​ത​ര​ണം ചെ​യ്ത​ത്.

അ​തി​ദ​രി​​ദ്ര വി​ഭാ​ഗ​മാ​യ എ.​എ.​വൈ (മ​ഞ്ഞ) കാ​ർ​ഡ് ഉ​ട​മ​ക​ൾ​ക്ക് 30 കി​ലോ അ​രി, മൂ​ന്ന് കി​ലോ ഗോ​ത​മ്പ് എ​ന്നി​വ സൗ​ജ​ന്യം, ഏ​ഴ് രൂ​പ നി​ര​ക്കി​ൽ ര​ണ്ട് പാ​ക്ക​റ്റ് ആ​ട്ട എ​ന്നി​വ​യാ​ണ് ന​ൽ​കു​ന്ന​ത്. പൊ​തു​വി​പ​ണി​യി​ൽ അ​രി വി​ല വ​ർ​ധി​ച്ച സാ​ഹ​ച​ര്യ​ത്തി​ൽ റേ​ഷ​ൻ സ​മ​രം കൂ​ടി​യാ​കു​മ്പോ​ൾ മു​ൻ​ഗ​ണ​ന വി​ഭാ​ഗ​ങ്ങ​ൾ ക​ടു​ത്ത പ്ര​തി​സ​ന്ധി​യി​ലാ​ണ്. മാ​വേ​ലി സ്റ്റോ​റു​ക​ളി​ലും ആ​വ​ശ്യ​ത്തി​ന് സാ​ധ​ന​ങ്ങ​ളി​ല്ലെ​ന്ന് പ​രാ​തി​യു​ണ്ട്. പ​ച്ച​ക്ക​റി​ക്കും വെ​ളി​ച്ചെ​ണ്ണ​ക്കു​മെ​ല്ലാം വി​ല വ​ർ​ധി​ച്ച​തോ​ടെ സാ​ധാ​ര​ണ​ക്കാ​രു​ടെ അ​വ​സ്ഥ ദു​രി​ത​ത്തി​ലാ​ണ്.

നേ​ര​ത്തെ​യും വാ​തി​ൽ​പ​ടി വി​ത​ര​ണ​ക്കാ​ർ സ​മ​രം ന​ട​ത്തി​യി​രു​ന്നു. അ​ന്ന് നാ​ലു​മാ​സ​ത്തെ കു​ടി​ശ്ശി​ക​യാ​ണ് ഉ​ണ്ടാ​യി​രു​ന്ന​ത്. ര​ണ്ടു​മാ​സ​ത്തെ തു​ക കൈ​മാ​റി​യെ​ങ്കി​ലും വീ​ണ്ടും കു​ടി​ശ്ശി​ക നാ​ലു മാ​സ​മാ​യ​തോ​ടെ​യാ​ണ് സ​മ​രം തു​ട​ങ്ങി​യ​ത്.

സ​മ​ര​ത്തെ തു​ട​ർ​ന്ന് ഭ​ക്ഷ്യ-​പൊ​തു​വി​ത​ര​ണ സം​വി​ധാ​നം താ​ളം​തെ​റ്റി​യ അ​വ​സ്ഥ​യാ​ണ്. വാ​തി​ൽ​പ​ടി വി​ത​ര​ണ​ക്കാ​രു​ടെ സ​മ​ര​ത്തെ തു​ട​ർ​ന്ന് ലോ​റി, ചു​മ​ട്ടു തൊ​ഴി​ലാ​ളി​ക​ളും പ്ര​തി​സ​ന്ധി​യി​ലാ​യി. മു​ഴ​പ്പി​ല​ങ്ങാ​ട്, പ​യ്യ​ന്നൂ​ര്‍ എ​ഫ്.​സി.​ഐ ഗോ​ഡൗ​ണു​ക​ളു​മാ​യി ബ​ന്ധ​പ്പെ​ട്ട് നൂ​റോ​ളം ലോ​റി​ക​ള്‍ ഓ​ടു​ന്നു​ണ്ട്.റേഷൻ കടകൾ കാലിയാവുന്നു