കുതിച്ചുയർന്ന് വില; അടിതെറ്റി അടുക്കള

ക​ണ്ണൂ​ർ: നി​ത്യോ​പ​യോ​ഗ സാ​ധ​ന​ങ്ങ​ൾ​ക്ക് വി​ല കു​തി​ക്കു​ന്ന​തോ​ടെ അ​ടു​ക്ക​ള​യു​ടെ താ​ളം​തെ​റ്റി. ദൈ​നം​ദി​ന ആ​വ​ശ്യ​ങ്ങ​ൾ​ക്ക് ക​ട​യി​ലേ​ക്ക് പോ​കു​ന്ന​വ​ർ നാ​ലി​ര​ട്ടി​യോ​ളം തു​ക​യെ​ങ്കി​ലും ചെ​ല​വ​ഴി​ക്കേ​ണ്ട സ്ഥി​തി​യാ​ണ്. എ​ല്ലാ ദി​വ​സ​വും വി​ല കൂ​ടു​മ്പോ​ൾ എ​ന്ത് ചെ​യ്യ​ണ​മെ​ന്ന​റി​യാ​​തെ നെ​ടു​വീ​ർ​പ്പി​ടു​ക​യാ​ണ് സാ​ധാ​ര​ണ​ക്കാ​ർ. പ​ല​ച​ര​ക്കു സാ​ധ​ന​ങ്ങ​ൾ, പ​ച്ച​ക്ക​റി, പ​ഴ​ങ്ങ​ൾ തു​ട​ങ്ങി സ​ർ​വ്വ​തി​നും വി​ല കു​തി​ച്ചു​യ​രു​ക​യാ​ണ്. വി​ല​നി​യ​ന്ത്ര​ണ​ത്തി​ൽ സ​ർ​ക്കാ​ർ സം​വി​ധാ​നം പൂ​ർ​ണ പ​രാ​ജ​യ​​മെ​ന്നാ​ണ് നാ​ട്ടു​കാ​രു​ടെ പ​രാ​തി. എ​ല്ലാ ദി​വ​സ​വും വി​ല കൂ​ടു​ന്ന​തി​നാ​ൽ പൂ​ഴ്ത്തി​വെ​പ്പും കൂ​ടി. സി​വി​ൽ സ​പ്ലൈ​സ് ഉ​ദ്യോ​ഗ​സ്ഥ​രു​ടെ പ​രി​ശോ​ധ​ന​യൊ​ന്നും കാ​ര്യ​ക്ഷ​മ​മ​ല്ല.

വി​ല​കൂ​ടു​മ്പോ​ൾ വീ​ട്ടി​ലെ​ത്തു​ന്ന സാ​ധ​ന​ങ്ങ​ളു​ടെ അ​ള​വി​ലും കു​റ​വു​വ​ന്നു. ഇ​ത് അ​ടു​ക്ക​ള​യെ സാ​ര​മാ​യി ബാ​ധി​ച്ചെ​ന്നാ​ണ് വീ​ട്ട​മ്മ​മാ​ർ പ​റ​യു​ന്ന​ത്. ‘വി​ല​യ​ല്ലേ കൂ​ടി​യു​ള്ളൂ ഭ​ക്ഷ​ണ​ അ​ള​വ് എ​ങ്ങ​നെ കു​റ​ക്കു’​മെ​ന്നാ​ണ് ഇ​വ​രു​ടെ ചോ​ദ്യം. വി​വാ​ഹ സ​ൽ​ക്കാ​ര​ങ്ങ​ളെ​യാ​ണ് പ​ച്ച​ക്ക​റി വി​ല കാ​ര്യ​മാ​യി ബാ​ധി​ച്ച​ത്.

ത​ക്കാ​ളി​ക്കും ഇ​ഞ്ചി​ക്കു​മാ​ണ് പ​ച്ച​ക്ക​റി ഇ​ന​ത്തി​ൽ തീ​പി​ടി​ച്ച വി​ല. ഇ​ഞ്ചി​ക്ക് 280 രൂ​പ​യും ത​ക്കാ​ളി​ക്ക് 115 രൂ​പ​യു​മാ​ണ് വെ​ള്ളി​യാ​ഴ്ച ക​ണ്ണൂ​ർ ന​ഗ​ര​ത്തി​ലെ വി​ല. ചെ​റി​യ ഉ​ള്ളി 120, ബീ​ൻ​സ് 90, പ​ച്ച​ക്കാ​യ 55, പൂ​വ​ൻ പ​ഴം 75, പ​യ​ർ 65, പ​ച്ച​മു​ള​ക് 65, നേ​ന്ത്ര​പ്പ​ഴം 60, കാ​ബേ​ജ് 35, വെ​ണ്ട 60, ഉ​രു​ള​ക്കി​ഴ​ങ്ങ് 30, ചേ​ന 65, ചെ​റു​നാ​ര​ങ്ങ 65 എ​ന്നി​ങ്ങ​നെ​യാ​ണ് ന​ഗ​ര​ത്തി​ലെ വി​ല​ക്ര​മം. ​ഗ്രാ​മ​ങ്ങ​ളി​ൽ ​വി​ല​യി​ൽ നേ​രി​യ വ്യ​ത്യാ​സ​മു​ണ്ട്.

വി​ല​വ​ർ​ധ​ന ക​ച്ച​വ​ട​ത്തെ​യും പ്ര​തി​കൂ​ല​മാ​യി ബാ​ധി​ച്ചെ​ന്ന് വ്യാ​പാ​രി​ക​ൾ പ​റ​ഞ്ഞു. 25 കി​ലോ​യു​ടെ ഒ​രു​പെ​ട്ടി ത​ക്കാ​ളി ഇ​പ്പോ​ൾ ഇ​റ​ക്കു​ന്നേ​യി​ല്ല. പ​ത്തും പ​ന്ത്ര​ണ്ടും കി​ലോ​യാ​ണ് മാ​ർ​ക്ക​റ്റി​ൽ​നി​ന്ന് ഇ​പ്പോ​ൾ ഇ​റ​ക്കു​ന്ന​തെ​ന്നും ഇ​വ​ർ പ​റ​യു​ന്നു. ഒ​രു​കി​ലോ ത​ക്കാ​ളി വാ​ങ്ങി​യി​രു​ന്ന വീ​ട്ടു​കാ​രാ​വ​ട്ടെ നൂ​റും 200ഉം ​ഗ്രാം മാ​ത്ര​മാ​ണ് വാ​ങ്ങു​ന്ന​ത്. ചി​ല​ർ പ​ച്ച​മാ​ങ്ങ​യാ​ണ് പ​ക​ര​മാ​യി ചോ​ദി​ക്കു​ന്ന​ത്. പ​ച്ച​മാ​ങ്ങ​ക്ക് കി​ലോ 50 രൂ​പ​യാ​ണ് വി​ല. എ​ല്ലാ സാ​ധ​ന​ങ്ങ​ൾ​ക്കും വി​ല ചോ​ദി​ച്ചാ​ണ് ആ​ളു​ക​ൾ വാ​ങ്ങു​ന്ന​തെ​ന്നും ഇ​ക്കാ​ര​ണ​ത്താ​ൽ ക​ച്ച​വ​ടം നേ​ർ​പ​കു​തി​യാ​യി കു​റ​ഞ്ഞെ​ന്നും തെ​ക്കി​ബ​സാ​റി​ലെ പ​ച്ച​ക്ക​റി വ്യാ​പാ​രി പ​റ​ഞ്ഞു.