പ്രീപെയ്ഡ് ഓട്ടോ: യാത്രാനിരക്ക് നിശ്ചയിക്കാൻ കമ്മിറ്റി

ക​ണ്ണൂ​ർ: ഏ​റെ​ക്കാ​ല​ത്തി​ന് ശേ​ഷം ക​ണ്ണൂ​ർ റെ​യി​ൽ​വേ സ്റ്റേ​ഷ​ന് സ​മീ​പം പു​ന​രാ​രം​ഭി​ച്ച പ്രീ​പെ​യ്ഡ് ഓ​ട്ടോ കൗ​ണ്ട​റി​ൽ​നി​ന്നു​ള്ള യാ​ത്രാ​ക്കൂ​ലി നി​ശ്ച​യി​ക്കു​ന്ന​തു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ തീ​രു​മാ​നി​ക്കാ​ൻ ക​മ്മി​റ്റി രൂ​പ​വ​ത്ക​രി​ച്ചു. രാ​മ​ച​ന്ദ്ര​ൻ ക​ട​ന്ന​പ്പ​ള്ളി എം.​എ​ൽ.​എ​യു​ടെ നേ​തൃ​ത്വ​ത്തി​ൽ ന​ട​ന്ന ച​ർ​ച്ച​യി​ൽ ഉ​യ​ർ​ന്ന പ​രാ​തി​ക​ൾ ക​മ്മി​റ്റി പ​രി​ശോ​ധി​ക്കും. വെ​ള്ളി​യാ​ഴ്ച രാ​വി​ലെ 11ന് ​ക​മ്മി​റ്റി യോ​ഗം ചേ​രും. വി​ഷ​യ​ങ്ങ​ൾ പ​ഠി​ച്ച​ശേ​ഷം മൂ​ന്ന് ദി​വ​സ​ത്തി​ന​കം റി​പ്പോ​ർ​ട്ട് ന​ൽ​കും. അ​തി​ന് ശേ​ഷം പ്രീ​പെ​യ്ഡ് ഓ​ട്ടോ ചാ​ർ​ജും ചാ​ർ​ജ് ഈ​ടാ​ക്കാ​നു​ള്ള ന​ഗ​ര​പ​രി​ധി​യും നി​ശ്ച​യി​ക്കു​മെ​ന്ന് എം.​എ​ൽ.​എ അ​റി​യി​ച്ചു. ആ​ർ.​ടി.​ഒ, കോ​ർ​പ​റേ​ഷ​ൻ പ്ര​തി​നി​ധി, വി​വി​ധ ഓ​ട്ടോ​തൊ​ഴി​ലാ​ളി സം​ഘ​ട​ന പ്ര​തി​നി​ധി​ക​ൾ എ​ന്നി​വ​ര​ട​ങ്ങു​ന്ന ഏ​ഴം​ഗ ക​മ്മി​റ്റി​യാ​ണ് രൂ​പ​വ്ക​രി​ച്ച​ത്.

കാ​ത്തി​രി​പ്പി​ന് ശേ​ഷം യാ​ത്ര​ക്കാ​ർ​ക്ക് ആ​ശ്വാ​സ​മാ​യി ക​ണ്ണൂ​ർ റെ​യി​ൽ​വേ സ്റ്റേ​ഷ​നി​ൽ പു​ന​രാ​രം​ഭി​ച്ച പ്രീ ​പെ​യ്ഡ് ഓ​ട്ടോ കൗ​ണ്ട​റിനെതിരെ ഉ​ദ്ഘാ​ട​ന ദി​വ​സം​ത​ന്നെ പ്ര​തി​ഷേ​ധ​വു​മാ​യി ഓ​ട്ടോ ഡ്രൈ​വ​ർ​മാ​ർ രം​ഗ​ത്തെ​ത്തി​യി​രു​ന്നു. ഓ​ട്ടോ നി​ര​ക്ക് നി​ശ്ച​യി​ച്ച​ത് ഡ്രൈ​വ​ർ​മാ​രു​മാ​യി ആ​ലോ​ചി​ക്കാ​തെ​യാ​ണെ​ന്ന പ​രാ​തി​യെ തു​ട​ർ​ന്നാ​ണ് പ്രീ ​പെ​യ്ഡ് കൗ​ണ്ട​റി​ലെ ഓ​ട്ടം ബ​ഹി​ഷ്‍ക​രി​ച്ച​ത്.

ഏ​ക​പ​ക്ഷീ​യ​മാ​യാ​ണ് ചാ​ർ​ജ് നി​ശ്ച​യി​ച്ച​തെ​ന്നും നി​ര​ക്ക് അം​ഗീ​ക​രി​ക്കാ​നാ​വി​ല്ലെ​ന്നു​മാ​ണ് സം​യു​ക്ത തൊ​ഴി​ലാ​ളി യൂ​നി​യ​ൻ നി​ല​പാ​ട്. ടൗ​ൺ പ​രി​ധി പു​ന​ർ​നി​ശ്ച​യി​ക്ക​ണ​മെ​ന്നാ​ണ് തൊ​ഴി​ലാ​ളി​ക​ളു​ടെ ആ​വ​ശ്യം.

നി​ല​വി​ൽ ഓ​ടു​ന്ന ചാ​ർ​ജി​ൽ ത​ന്നെ സ​ർ​വി​സ് ന​ട​ത്താ​നും തൊ​ഴി​ലാ​ളി യൂ​നി​യ​നു​മാ​യു​ള്ള ച​ർ​ച്ച​ക്ക് ശേ​ഷം മ​റ്റ് കാ​ര്യ​ങ്ങ​ൾ തീരു​മാ​നി​ക്കാ​മെ​ന്നുമുള്ള അ​ധി​കൃ​ത​രു​ടെ ഉ​റ​പ്പി​ൻ​മേ​ലാ​ണ് ക​ഴി​ഞ്ഞ​ദി​വ​സം ഓ​ട്ടോ​റി​ക്ഷ​ക​ൾ സ​ർ​വി​സ് ന​ട​ത്തി​യ​ത്. തു​ട​ർ​ന്നാ​ണ് എം.​എ​ൽ.​എ​യു​ടെ നേ​തൃ​ത്വ​ത്തി​ൽ യോ​ഗം ചേ​ർ​ന്ന​ത്.

ആ​ർ.​ടി.​ഒ കോ​ൺ​ഫ​റ​ൻ​സ് ഹാ​ളി​ൽ ന​ട​ന്ന യോ​ഗ​ത്തി​ൽ എ.​സി.​പി ടി.​കെ. ര​ത്ന​കു​മാ​ർ, ആ​ർ.​ടി.​ഒ ഇ.​എ​സ്. ഉ​ണ്ണി​കൃ​ഷ്ണ​ൻ, എം.​വി.​ഐ കെ.​ബി. ഷി​ജോ, എ.​എം.​വി.​ഐ​മാ​രാ​യ കെ.​പി. ജോ​ജു, നി​തി​ൻ നാ​രാ​യ​ണ​ൻ, ട്രാ​ഫി​ക് എ​സ്.​ഐ മ​നോ​ജ് കു​മാ​ർ, ട്രോ​മാ​കെ​യ​ർ പ്ര​തി​നി​ധി സി. ​ബു​ഷാ​ർ, വി​വി​ധ ഓ​ട്ടോ തൊ​ഴി​ലാ​ളി സം​ഘ​ട​നാ പ്ര​തി​നി​ധി​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തു.