പൊലീസ് അസോസിയേഷൻ; ഭരണഘടന ഭേദഗതിയിലൂടെ തെരഞ്ഞെടുപ്പ് നേരത്തെയാക്കാൻ നീക്കം

ക​ണ്ണൂ​ർ: നി​ല​വി​ലു​ള്ള പൊ​ലീ​സ് അ​സോ​സി​യേ​ഷ​ന്റെ കാ​ലാ​വ​ധി തീ​രും മു​മ്പ് പു​തി​യ തെ​ര​ഞ്ഞെ​ടു​പ്പ് ന​ട​ത്താ​ൻ നീ​ക്കം. ഇ​തി​നാ​യി അ​സോ​സി​യേ​ഷ​ന്‍ ബൈ​ലോ ഭേ​ദ​ഗ​തി വ​രു​ത്തു​മെ​ന്നാ​ണ് വി​വ​രം. നി​ല​വി​ലു​ള്ള സം​സ്ഥാ​ന അ​സോ​സി​യേ​ഷ​നും ജി​ല്ല ക​മ്മി​റ്റി​ക​ളും എ​ല്‍.​ഡി.​എ​ഫ് അ​നു​കൂ​ലി​ക​ളു​ടെ കൈ​വ​ശ​മാ​ണ്. ഭ​ര​ണ​മാ​റ്റ​ത്തോ​ടെ പ​ല ജി​ല്ല ക​മ്മ​റ്റി​ക​ളു​ടെ​യും പ്ര​വ​ര്‍ത്ത​നം മ​ന്ദീ​ഭ​വി​ച്ചി​രി​ക്കു​ക​യാ​ണ്. അ​സോ​സി​യേ​ഷ​ന്‍ ഭാ​ര​വാ​ഹി​ക​ളെ പൊ​ലീ​സ് ജി​ല്ല ആ​സ്ഥാ​ന​ത്ത് നി​ന്ന് മാ​റ്റി​യി​ട്ടു​ണ്ട്. പ​ക​രം യു.​ഡി.​എ​ഫ് അ​നു​കൂ​ലി​ക​ളാ​യ പൊ​ലീ​സു​കാ​രെ എ​സ്.​പി ഓ​ഫി​സി​ലും പൊ​ലീ​സ് ആ​സ്ഥാ​ന​ത്തും ഇ​തി​ന​കം നി​യ​മി​ച്ചു ക​ഴി​ഞ്ഞി​ട്ടു​ണ്ട്. ഈ ​സാ​ഹ​ച​ര്യ​ത്തി​ല്‍ ഈ ​വ​ര്‍ഷം ത​ന്നെ അ​സോ​സി​യേ​ഷ​ന്‍ തെ​ര​ഞ്ഞെ​ടു​പ്പ് ന​ട​ത്താ​നാ​ണ് നീ​ക്കം. സാ​ധാ​ര​ണ അ​സോ​സി​യേ​ഷ​ന്‍ തെ​ര​ഞ്ഞെ​ടു​പ്പ് ര​ണ്ട് വ​ര്‍ഷ​ത്തി​ല്‍ ഒ​രി​ക്ക​ലാ​ണ് ന​ട​ക്കാ​റു​ള്ള​ത്. അ​തു​പ്ര​കാ​രം അ​ടു​ത്ത വ​ര്‍ഷ​മാ​ണ് തെ​ര​ഞ്ഞെ​ടു​പ്പ് ന​ട​ത്തേ​ണ്ട​ത്. അ​തു​വ​രെ കാ​ത്തു​നി​ല്‍ക്കേ​ണ്ട​തി​ല്ലെ​ന്നാ​ണ് യു.​ഡി.​എ​ഫ് അ​നു​കൂ​ലി​ക​ളു​ടെ തീ​രു​മാ​നം.

നി​ല​വി​ല്‍ ഗ്രേ​ഡ് എ​സ്.​ഐ​മാ​ര്‍ പൊ​ലീ​സ് അ​സോ​സി​യേ​ഷ​നി​ല്‍ അം​ഗ​മ​ല്ല. ഇ​വ​ര്‍ പൊ​ലീ​സ് ഓ​ഫി​സേ​ഴ്സ് അ​സോ​സി​യേ​ഷ​ന്‍ അം​ഗ​ങ്ങ​ളാ​ണ്. ഇ​ത് മാ​റ്റി ഗ്രേ​ഡ് എ​സ്.​ഐ​മാ​രെ പൊ​ലീ​സ് അ​സോ​സി​യേ​ഷ​നി​ല്‍ അം​ഗ​ങ്ങ​ളാ​ക്കി ബൈ​ലോ ഭേ​ദ​ഗ​തി ചെ​യ്യാ​നും യു.​ഡി.​എ​ഫ് തീ​രു​മാ​നി​ച്ചി​ട്ടു​ണ്ട്.