പണിതീരാതെ പാനൂർ നഗരസഭയിലെ അംഗൻവാടികൾ

പെ​രി​ങ്ങ​ത്തൂ​ർ: ത​റ​ക്ക​ല്ലി​ട്ട് മൂ​ന്നു വ​ർ​ഷ​മാ​യി​ട്ടും നി​ർ​മാ​ണ പ്ര​വൃ​ത്തി പൂ​ർ​ത്തീ​ക​രി​ക്കാ​തെ പാ​നൂ​ർ ന​ഗ​ര​സ​ഭ​യി​ലെ മൂ​ന്നു അം​ഗ​ൻ​വാ​ടി​ക​ൾ. ന​ഗ​ര​സ​ഭ​യി​ലെ 17,18, 28 വാ​ർ​ഡു​ക​ളി​ലെ അം​ഗ​ൻ​വാ​ടി​ക​ളു​ടെ നി​ർ​മാ​ണ​മാ​ണ് നി​ല​ച്ച​ത്. 2021 ഡി​സം​ബ​റി​ലാ​ണ് ന​ഗ​ര​സ​ഭ​യി​ലെ 11 അം​ഗ​ൻ​വാ​ടി​ക​ൾ​ക്ക് ത​റ​ക്ക​ല്ലി​ട്ട​ത്. ഇ​തി​ൽ മൂ​ന്നെ​ണ്ണം ഒ​ഴി​ച്ച് ബാ​ക്കി​യു​ള്ള​വ പ്ര​വൃ​ത്തി പൂ​ർ​ത്തീ​ക​രി​ച്ച് ഉ​ദ്ഘാ​ട​നം ചെ​യ്തെ​ങ്കി​ലും ഈ ​മൂ​ന്ന് അം​ഗ​ൻ​വാ​ടി​ക​ളു​ടെ നി​ർ​മാ​ണം ഇ​ഴ​ഞ്ഞു​നീ​ങ്ങു​ക​യാ​ണ്.

2020ൽ ​സ്ഥ​ലം എം.​എ​ൽ.​എ​യും ആ​രോ​ഗ്യ -ശി​ശു​ക്ഷേ​മ വ​കു​പ്പ് മ​ന്ത്രി​യു​മാ​യി​രു​ന്ന കെ.​കെ. ശൈ​ല​ജ ടീ​ച്ച​ർ ത​ന്റെ ആ​സ്തി വി​ക​സ​ന ഫ​ണ്ടി​ൽ​നി​ന്ന് ഒ​രു അം​ഗ​ൻ​വാ​ടി​ക്ക് 25 ല​ക്ഷം വീ​തം അ​നു​വ​ദി​ച്ചി​രു​ന്നു. ഈ ​ഫ​ണ്ട് ഉ​പ​യോ​ഗി​ച്ച് നി​ർ​മി​ച്ച ചി​ല അം​ഗ​ൻ​വാ​ടി​ക​ൾ ചോ​ർ​ന്നു തു​ട​ങ്ങി​യ​താ​യും ആ​ക്ഷേ​പ​മു​ണ്ട്.

വാ​പ്ക്കോ​സ് എ​ന്ന ക​മ്പ​നി​യാ​ണ് നി​ർ​മാ​ണ ക​രാ​ർ ഏ​റ്റെ​ടു​ത്ത​തെ​ങ്കി​ലും ഈ ​ക​മ്പ​നി ടെ​ൻ​ഡ​ർ വി​ളി​ച്ച് മ​റ്റൊ​രു ക​രാ​റു​കാ​ര​ന് ഉ​പ​ക​രാ​ർ ന​ൽ​കു​ക​യാ​യി​രു​ന്നു. നി​ർ​മാ​ണം ഇ​ഴ​ഞ്ഞു നീ​ങ്ങു​ന്ന​തി​നെ ചൊ​ല്ലി പ്ര​തി​ഷേ​ധ​മു​ണ്ടാ​യ​തി​നെ തു​ട​ർ​ന്ന് സ്ഥ​ലം എം.​എ​ൽ.​എ കെ.​പി. മോ​ഹ​ന​ൻ ഇ​ട​പ്പെ​ട്ട് ന​വം​ബ​ർ 15 ന​കം നി​ർ​മാ​ണം പൂ​ർ​ത്തി​യാ​ക്കാ​ൻ നി​ർ​ദേ​ശം ന​ൽ​കി​യി​ട്ടു​ണ്ട്. എ​ന്നാ​ൽ ഇ​പ്പോ​ഴും നി​ർ​മാ​ണം പു​ന​രാം​ഭി​ച്ചി​ല്ലെ​ന്ന് നാ​ട്ടു​കാ​ർ പ​റ​യു​ന്നു.