പ്രഷർ കുക്കർ പൊട്ടിത്തെറിച്ച് അപകടം

പേരാവൂർ: കുനിത്തലയിൽ ഭക്ഷണം പാകംചെയ്യുന്നതിനിടെ പ്രഷർ കുക്കർ പൊട്ടിത്തെറിച്ച് അപകടം. ഗ്യാസ് സ്റ്റൗ, അടുക്കളയുടെ സീലിങ്, അലമാര, വാൾ ടൈൽസ് എന്നിവ ഭാഗികമായി നശിച്ചു. കുക്കർ പൂർണമായും പൊട്ടിത്തകർന്നു.

പേരാവൂർ ടൗണിലെ പച്ചക്കറി വ്യാപാരി മുതുകുളം അനിൽകുമാറിന്റെ വീട്ടിലാണ് സംഭവം. വർക്ക് ഏരിയയിലായതിനാൽ അനിലിന്റെ ഭാര്യ പരിക്കേല്ക്കാതെ രക്ഷപ്പെട്ടു. ഞായറാഴ്ച പകൽ 12ഓടെയായിരുന്നു സംഭവം. പുതിയ കുക്കറാണ് പൊട്ടിത്തെറിച്ചത്.