അണുങ്ങോട് ലക്ഷം വീട് കോളനി നിർമാണ പ്രവൃത്തികൾ നിലച്ചു

ക​ണി​ച്ചാ​ർ: ഒ​രു വ​ർ​ഷം​കൊ​ണ്ട് പൂ​ർ​ത്തി​യാ​ക്കേ​ണ്ട ക​ണി​ച്ചാ​ർ പ​ഞ്ചാ​യ​ത്ത് അ​ണു​ങ്ങോ​ട് ല​ക്ഷം വീ​ട് കോ​ള​നി​യി​ലെ നി​ർ​മാ​ണ പ്ര​വൃ​ത്തി​ക​ൾ ഇ​ഴ​ഞ്ഞു​നീ​ങ്ങു​ന്നു. പ്ര​വൃ​ത്തി ന​ട​ത്തി​യ​തി​ൽ വ​ൻ അ​പാ​ക​ത​യെ​ന്ന് പ​രാ​തി​യു​ണ്ട്. അ​ബേ​ദ്ക​ർ സെ​റ്റി​ൽ​മെ​ന്‍റ്​ പ​ദ്ധ​തി പ്ര​കാ​രം 77.94 ല​ക്ഷം രൂ​പ മു​ട​ക്കി​യാ​ണ് ക​ണി​ച്ചാ​ർ പ​ഞ്ചാ​യ​ത്തി​ലെ അ​ണു​ങ്ങോ​ട് ല​ക്ഷം വീ​ട് കോ​ള​നി​യി​ൽ വി​വി​ധ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്. എ​ന്നാ​ൽ വ​ർ​ഷം ര​ണ്ടു ക​ഴി​ഞ്ഞി​ട്ടും പ​ണി ഇ​ഴ​ഞ്ഞു​നീ​ങ്ങു​ക​യാ​ണ്.

കോ​ള​നി​യി​ലെ 12 വീ​ടു​ക​ൾ​ക്ക് അ​റ്റ​കു​റ്റ​പ്പ​ണി, ര​ണ്ട് വീ​ട്​ നി​ർ​മാ​ണം, റോ​ഡ് ഇ​ന്‍റ​ർ​ലോ​ക്ക്, വാ​ട്ട​ർ ടാ​ങ്ക്, കി​ണ​റി​ൽ മോ​ട്ടോ​ർ സ്ഥാ​പി​ച്ച് പ്ലം​ബി​ങ്​ അ​ട​ക്ക​മു​ള്ള പ്ര​വൃ​ത്തി​ക​ൾ, സാം​സ്‌​കാ​രി​ക നി​ല​യ​ത്തി‍െൻറ മു​ക​ളി​ൽ ലൈ​ബ്ര​റി റൂം, ​പ​ഠ​ന​മു​റി, ക​രി​ങ്ക​ൽ ഭി​ത്തി നി​ർ​മാ​ണം, അ​ഞ്ച് തെ​രു​വ്​ വി​ള​ക്കു​ക​ൾ തു​ട​ങ്ങി വി​വി​ധ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​യാ​ണ് ഫ​ണ്ട് അ​നു​വ​ദി​ച്ച​ത്. ഇ​തി​ൽ ഭൂ​രി​ഭാ​ഗം നി​ർ​മാ​ണ​പ്ര​വൃ​ത്തി​ക​ളും തു​ട​ങ്ങി​യി​ട്ടു​പോ​ലു​മി​ല്ല. പ​ല​തും പാ​തി​വ​ഴി​യി​ൽ നി​ല​ച്ച അ​വ​സ്ഥ​യാ​ണ്.

ഈ ​പ​ദ്ധ​തി​യി​ൽ ക​ക്കൂ​സ് നി​ർ​മാ​ണം ഇ​ല്ലാ​ത്ത​ത് കോ​ള​നി​വാ​സി​ക​ൾ​ക്ക് ക​ന​ത്ത തി​രി​ച്ച​ടി​യാ​ണ്. ഇ​തു കാ​ര​ണം ഇ​വ​ർ സ​മീ​പ​ത്തെ പു​ഴ​ക​ളെ​യും സ്വ​കാ​ര്യ സ്ഥ​ല​ങ്ങ​ളി​ലു​മാ​ണ് പ്രാ​ഥ​മി​ക കൃ​ത്യം നി​ർ​വ​ഹി​ക്കു​ന്ന​തെ​ന്ന് പ​റ​യു​ന്നു. ക​രാ​റു​കാ​ര​ന് ഫ​ണ്ട് ഇ​ല്ലാ​ത്ത​താ​ണ് പ്ര​വൃ​ത്തി പൂ​ർ​ത്തി​യാ​ക്കാ​നു​ള്ള കാ​ല​താ​മ​സ​മെ​ന്നാ​ണ് വി​ശ​ദീ​ക​ര​ണം. ക​ഴി​ഞ്ഞ ദി​വ​സം ക​ല​ക്ട​ർ മോ​ണി​റ്റ​റി​ങ്​ ക​മ്മി​റ്റി വി​ളി​ക്കു​ക​യും വി​വ​ര​ങ്ങ​ൾ ആ​രാ​യു​ക​യും ചെ​യ്തി​രു​ന്നു. നി​ല​വി​ൽ കോ​ള​നി​യി​ൽ ന​ട​ത്തി​യ നി​ർ​മാ​ണ​ത്തി​ൽ പ​ല​തി​ലും അ​പാ​ക​ത​യു​ണ്ടെ​ന്ന് പ​ഞ്ചാ​യ​ത്ത് ജ​ന​പ്ര​തി​നി​ധി​ക​ളും പ​റ​ഞ്ഞു.