ഗുണ്ണിക-കടുക്കാപ്പാലം തോട് ബലപ്പെടുത്താൻ ജലസേചന വകുപ്പ്

പേ​രാ​വൂ​ർ: വെ​ള്ളം ക​യ​റി കൃ​ഷി ചെ​യ്യാ​ൻ ക​ഴി​യാ​ത്ത ഏ​ക്ക​ർ ക​ണ​ക്കി​ന് നെ​ൽ​വ​യ​ൽ പ്ര​ദേ​ശ​ത്തി​ന് ന​ടു​ക്കാ​യി ഒ​ഴു​കു​ന്ന ഗു​ണ്ണി​ക -ക​ടു​ക്കാ​പ്പാ​ലം തോ​ടി​ൽ വി​വി​ധ വി​ക​സ​ന പ്ര​വ​ർ​ത്ത​ന​ങ്ങ​ളു​ടെ വി​ശ​ദ ​പ്രോ​ജ​ക്ട് റി​പ്പോ​ർ​ട്ട് ത​യാ​റാ​ക്കി ജ​ല​സേ​ച​ന വ​കു​പ്പ്. ഹ​രി​ത​കേ​ര​ളം മി​ഷ​ന്റെ നേ​തൃ​ത്വ​ത്തി​ൽ പേ​രാ​വൂ​ർ ബ്ലോ​ക്ക് പ​ഞ്ചാ​യ​ത്ത് ത​യാ​റാ​ക്കി​യ ജ​ലാ​ഞ്ജ​ലി-​നീ​രു​റ​വ് പ​ദ്ധ​തി​യി​ൽ മു​ഴ​ക്കു​ന്ന് പ​ഞ്ചാ​യ​ത്തും തൊ​ഴി​ലു​റ​പ്പ് വി​ഭാ​ഗ​വു​മാ​യി സ​ഹ​ക​രി​ച്ചാ​ണ് ഹ​രി​ത​കേ​ര​ളം മി​ഷ​ൻ ജ​ല-​ഉ​പ മി​ഷ​ൻ പ​ദ്ധ​തി​ക്ക് രൂ​പം ന​ൽ​കി​യ​ത്.

ഗു​ണ്ണി​ക​മു​ത​ൽ ക​ടു​ക്കാ​പ്പാ​ലം വ​രെ​യു​ള്ള ഒ​ന്ന​ര കി​ലോ​മീ​റ്റ​ർ ദൂ​ര​മു​ള്ള തോ​ടി​ന്റെ 600 മീ​റ്റ​ർ ദൂ​രം ജ​ലാ​ഞ്ജ​ലി-​നീ​രു​റ​വ് പ​ദ്ധ​തി​യി​ൽ ഉ​ൾ​പ്പെ​ടു​ത്തി ആ​ഴ​വും വീ​തി​യും കൂ​ട്ടി ക​യ​ർ ഭൂ​വ​സ്ത്രം വി​രി​ച്ചി​രു​ന്നു. ശേ​ഷി​ക്കു​ന്ന ഭാ​ഗ​ത്തെ 400 മീ​റ്റ​ർ ദൂ​രം കൂ​ടി ക​യ​ർ ഭൂ​വ​സ്ത്രം വി​രി​ച്ചു​ത​ന്നെ പു​നഃ​ർ​നി​ർ​മി​ക്കാ​ൻ തൊ​ഴി​ലു​റ​പ്പ് വി​ഭാ​ഗം പ​ദ്ധ​തി ത​യാ​റാ​ക്കി​യി​ട്ടു​ണ്ട്. ശേ​ഷി​ക്കു​ന്ന ഭാ​ഗ​ത്തെ വി​വി​ധ പ്ര​വൃ​ത്തി​ക​ളാ​ണ് ക​ൺ​വ​ർ​ജെ​ൻ​സാ​യി മൈ​ന​ർ ഇ​റി​ഗേ​ഷ​ൻ വ​കു​പ്പ് ചെ​യ്യു​ക.

ക​ടു​ക്കാ​പ്പാ​ലം ഭാ​ഗ​ത്ത് 200 മീ​റ്റ​ർ നീ​ള​ത്തി​ൽ തോ​ടി​ന്റെ അ​രി​ക് ക​രി​ങ്ക​ൽ കെ​ട്ട്, ഈ ​ഭാ​ഗ​ത്ത് വ​ർ​ഷ​ങ്ങ​ളാ​യി അ​ടി​ഞ്ഞു​കൂ​ടി​യ മ​ണ്ണും,ച​ളി​യും ച​ര​ലും മാ​റ്റ​ൽ, വേ​ന​ൽ ക്കാ​ല​ത്തെ കൃ​ഷി ആ​വ​ശ്യ​ത്തി​നാ​യി അ​ഞ്ചു മീ​റ്റ​ർ വീ​തി​യി​ൽ വി.​സി.​ബി എ​ന്നി​വ​യും ഗു​ണ്ണി​ക ഭാ​ഗ​ത്തു​ള്ള പ​ഴ​യ വി.​സി.​ബി​യു​ടെ റി​പ്പ​യ​റി​ങ്, ഗു​ണ്ണി​ക -ക​ടു​ക്കാ​പ്പാ​ലം തോ​ടി​ന്റെ മ​ധ്യ​ഭാ​ഗ​ത്താ​യി അ​ഞ്ചു​മീ​റ്റ​ർ വീ​തി​യി​ൽ വി.​സി.​ബി എ​ന്നി​വ​ക്കാ​ണ് എ​സ്റ്റി​മേ​റ്റ് ത​യാ​റാ​ക്കി​യ​ത്. മൈ​ന​ർ ഇ​റി​ഗേ​ഷ​ൻ ഉ​ദ്യോ​ഗ​സ്ഥ സം​ഘം, ഹ​രി​ത​കേ​ര​ളം മി​ഷ​ൻ ജി​ല്ല റി​സോ​ഴ്സ് പേ​ഴ്സ​ൻ നി​ഷാ​ദ് മ​ണ​ത്ത​ണ, പ​ഞ്ചാ​യ​ത്ത് വി​ക​സ​ന കാ​ര്യ സ്ഥി​ര സ​മി​തി അ​ധ്യ​ക്ഷ എ.​വ​ന​ജ എ​ന്നി​വ​ർ എ​സ്റ്റി​മേ​റ്റ് ത​യാ​റാ​ക്കു​ന്ന​തി​നാ​യി പ​ദ്ധ​തി പ്ര​ദേ​ശം സ​ന്ദ​ർ​ശി​ച്ചു. ഈ ​പ്ര​വൃ​ത്തി​ക​ൾ പൂ​ർ​ത്തി​യാ​വു​ന്ന​തോ​ടെ 15 വ​ർ​ഷ​മാ​യി വെ​ള്ളം​ക​യ​റി ത​രി​ശുകി​ട​ക്കു​ന്ന പാ​ട​ത്ത് നെ​ല്ല്, വാ​ഴ, പ​ച്ച​ക്ക​റി​ക​ൾ ഉ​ൾ​പ്പെ​ടെ​യു​ള്ള കൃ​ഷി ന​ട​ത്താ​ൻ​ക​ഴി​യും. കൂ​ടാ​തെ നീ​ന്ത​ൽ പ​ഠ​ന​ത്തി​നും ടൂ​റി​സ​ത്തി​നു​മു​ള്ള സാ​ധ്യ​ത​യു​മു​ണ്ടെ​ന്ന് പ​ഞ്ചാ​യ​ത്ത് പ്ര​സി​ഡ​ന്റ് ടി. ​ബി​ന്ദു പ​റ​ഞ്ഞു.