ആറളത്ത് ആന തുരത്തൽ യജ്ഞം തുടരുന്നു

പേ​രാ​വൂ​ർ: ആ​റ​ളം ഫാ​മി​ൽ മൂ​ന്ന് ദി​വ​സ​ങ്ങ​ളി​ലാ​യി ന​ട​ക്കു​ന്ന ആ​ന​യെ തു​ര​ത്ത​ൽ ന​ട​പ​ടി​യി​ൽ ര​ണ്ടാം ഘ​ട്ട​ത്തി​ലെ ആ​ദ്യ ദി​ന​ത്തി​ൽ 13 ആ​ന​ക​ളെ ബ്ലോ​ക്ക് നാ​ലി​ൽ വ​രെ എ​ത്തി​ച്ചെ​ങ്കി​ലും ഫാ​മി​ന്റെ അ​തി​ർ​ത്തി ക​ട​ത്താ​ൻ ക​ഴി​യാ​തെ വ​ന്ന​തോ​ടെ വൈ​കീ​ട്ട് 5.30ന് ​ദൗ​ത്യം അ​വ​സാ​നി​പ്പി​ച്ചു. ആ​ന​ക​ൾ നി​ല​യു​റ​പ്പി​ച്ചി​രി​ക്കു​ന്ന ബ്ലോ​ക്ക് വി​ട്ട് മ​റ്റെ​വി​ടേ​ക്കും ചി​ത​റി പോ​കാ​തെ രാ​ത്രി​യി​ൽ ദൗ​ത്യ​സം​ഘം പ​ട്രോ​ളി​ങ് ഏ​ർ​പ്പെ​ടു​ത്തും.

ദൗ​ത്യ​ത്തി​ലെ ആ​ദ്യ ദി​വ​സ​മാ​യ വെ​ള്ളി​യാ​ഴ്ച നാ​ലു കി​ലോ​മീ​റ്റ​ർ ദൂ​രം പി​ന്നി​ട്ടു. വീ​ണ്ടും നാ​ലു കി​ലോ​മീ​റ്റ​ർ കൂ​ടി പി​ന്നി​ട്ടാ​ൽ മാ​ത്ര​മേ ആ​ന​ക​ളെ വ​ന​ത്തി​ൽ എ​ത്തി​ക്കാ​ൻ ക​ഴി​യു​ക​യു​ള്ളൂ. ആ​റ​ളം ഫാ​മി​ലെ കൃ​ഷി ഇ​ട​ങ്ങ​ളി​ൽ നി​ന്നും ആ​ന​ക​ളെ തു​ര​ത്തു​ന്ന ര​ണ്ടാം ഘ​ട്ട​ത്തി​ന്റെ ആ​ദ്യ ദി​വ​സം രാ​വി​ലെ 7.30 ഓ​ടെ ബ്ലോ​ക്ക് ഒ​ന്നി​ൽ നി​ന്നാ​രം​ഭി​ച്ചു. ബ്ലോ​ക്ക് ഒ​ന്ന്, ര​ണ്ട്, അ​ഞ്ച് എ​ന്നി​വി​ട​ങ്ങ​ളി​ൽ നി​ന്നും സം​ഘം ക​ണ്ടെ​ത്തി​യ ആ​ന​ക​ളെ ഉ​ച്ച​യോ​ടെ ബ്ലോ​ക്ക് ഏ​ട്ടി​ലെ ഫോ​റ​സ്റ്റ് ബി​റ്റി​ൽ എ​ത്തി​ക്കു​ക​യാ​യി​രു​ന്നു. ഇ​വി​ടെ നി​ന്നും ആ​ന​ക​ളെ വീ​ണ്ടും തു​ര​ത്താ​ൻ ശ്ര​മി​ച്ചെ​ങ്കി​ലും വെ​യി​ൽ ക​ന​ത്ത​തോ​ടെ ആ​ന​ക​ൾ മാ​റാ​ൻ കൂ​ട്ടാ​ക്കാ​തെ വ​ന്ന​തോ​ടെ മൂ​ന്ന് മ​ണി വ​രെ തു​ര​ത്ത​ൽ താ​ൽ​കാ​ലി​ക​മാ​യി നി​ർ​ത്തി​വ​ച്ചു .

മൂ​ന്നു​മ​ണി​ക്ക് ശേ​ഷം 13ഓ​ളം വ​രു​ന്ന ആ​ന​ക​ളെ ബ്ലോ​ക്ക് എ​ട്ടി​ൽ നി​ന്നും തു​ര​ത്തി ബ്ലോ​ക്ക് നാ​ലി​ലെ ഫാം ​സ്കൂ​ളി​ന് സ​മീ​പം എ​ത്തി​ച്ചെ​ങ്കി​ലും ഓ​ട​ന്തോ​ട് - കീ​ഴ്പ്പ​ള്ളി റോ​ഡ് മു​റി​ച്ചു​ക​ട​ക്കാ​ൻ കൂ​ട്ടാ​ക്കാ​തെ ആ​ന​ക്കൂ​ട്ടം ബ്ലോ​ക്ക് നാ​ലി​ൽ ത​ന്നെ നി​ലയുറ​പ്പി​ച്ചി​രി​ക്കു​ക​യാ​ണ്. ശ​നി​യാ​ഴ്ച രാ​വി​ലെ ഏ​ഴി​ന് ബ്ലോ​ക്ക് നാ​ലി​ൽ നി​ന്നും വീ​ണ്ടും ആ​രം​ഭി​ക്കും. വ​ന​പാ​ല​ക​രും ഫാം ​സു​ര​ക്ഷ ജീ​വ​ന​ക്കാ​രും പ്രാ​ദേ​ശി​ക​മാ​യി തി​ര​ഞ്ഞെ​ടു​ക്കു​ന്ന ആ​ളു​ക​ളും ഉ​ൾ​പ്പെ​ടെ 15 പേ​ർ വീ​ത​മു​ള്ള മൂ​ന്ന് സം​ഘ​ങ്ങ​ളാ​ണ് ആ​ന​ക​ളെ തു​ര​ത്തു​ന്ന​ത്. പ​ട​ക്കം പൊ​ട്ടി​ച്ചും ട്രാ​ക്റ്റ​ർ ഉ​പ​യോ​ഗി​ച്ച് ശ​ബ്ദം ഉ​ണ്ടാ​ക്കി​യു​മാ​ണ് ആ​ന​ക​ളെ തു​ര​ത്തു​ന്ന​ത്. കൃ​ഷി​യി​ട​ത്തി​ൽ നി​ന്നും വെ​ളി​യി​ൽ എ​ത്തു​ന്ന ആ​ന​ക​ളെ പു​ന​ര​ധി​വാ​സ മേ​ഖ​ല​യി​ലൂ​ടെ ക​ട​ത്തി വ​ന്യ​ജീ​വി സ​ങ്കേ​ത​ത്തി​ൽ എ​ത്തി​ക്കു​ക​യാ​ണ് തു​ര​ത്ത​ലി​ന്റെ ല​ക്ഷ്യം. പു​ന​ര​ധി​വാ​സ മേ​ഖ​ല​യി​ൽ നി​ന്നും അ​ഞ്ചോ​ളം ആ​ന​ക​ളെ ആ​ദ്യ​ഘ​ട്ട​ത്തി​ൽ കാ​ട്ടി​ലേ​ക്ക് തു​ര​ത്തി​യി​രു​ന്നു.

ഫാം ​മേ​ഖ​ല​യി​ൽ നി​രോ​ധ​ന​ാജ്ഞ

ഫാ​മി​നു​ള്ളി​ലൂ​ടെ ഉ​ള്ള യാ​ത്ര പൂ​ർ​ണ​മാ​യും നി​രോ​ധി​ച്ചാ​ണ് ആ​ന​യെ തു​ര​ത്ത​ൽ ന​ട​പ​ടി​ക​ൾ വ​നം വ​കു​പ്പ് ന​ട​ത്തു​ന്ന​ത് . പു​ന​ര​ധി​വാ​സ മേ​ഖ​ല​യി​ലെ സു​ര​ക്ഷ ക​ണ​ക്കി​ലെ​ടു​ത്ത് ഉ​ച്ച​ഭാ​ഷി​ണി ഉ​പ​യോ​ഗി​ച്ചും പ്ര​മോ​ട്ട​ർ മാ​ർ മു​ഖാ​ന്ത​ര​വും ജ​ന​ങ്ങ​ളെ വീ​ടു​ക​ളി​ൽ ത​ന്നെ സു​ര​ക്ഷി​ത​രാ​യി ഇ​രി​ക്കു​വാ​ൻ അ​റി​യി​ച്ചി​ട്ടു​ണ്ട്. പ​രീ​ക്ഷ കാ​ല​ങ്ങ​ളി​ൽ ആ​റ​ളം ഫാം ​സ്കൂ​ളി​ൽ ന​ട​ത്തു​ന്ന റെ​സി​ഡ​ൻ​ഷ​ൽ ക്യാ​മ്പു​ക​ൾ മൂ​ന്ന് ദി​വ​സ​ത്തേ​ക്ക് അ​വ​ധി പ്ര​ഖ്യാ​പി​ച്ചി​രി​ക്കു​ക​യാ​ണ്. ആ​റ​ളം വ​ന്യ​ജീ​വി സ​ങ്കേ​ത​ത്തി​നും മൂ​ന്നു ദി​വ​സം അ​വ​ധി​യാ​ണ്. പൊ​ലീ​സ്, ആ​രോ​ഗ്യ വ​കു​പ്പ് തു​ട​ങ്ങി​യ വ​കു​പ്പു​ക​ളു​ടെ സ​ഹാ​യ​ത്തോ​ടെ ആ​വ​ശ്യ​മാ​യ സു​ര​ക്ഷ മു​ൻ​ക​രു​ത​ലോ​ടെ​യാ​ണ് ആ​ന​യെ ഫാ​മി​ൽ നി​ന്നും കാ​ടു​ക​യ​റ്റു​ന്ന​ത്.