മലയോരത്ത് വൈദ്യുതി വാഹനങ്ങൾക്ക് ചാർജിങ് സൗകര്യം

പേരാവൂർ: വൈദ്യുതി വാഹനങ്ങൾ ചാർജ് ചെയ്യാൻ മലയോരത്തും സൗകര്യം. ജില്ലയിൽ 145 ചാർജിങ് പോയന്റുകൾ സ്ഥാപിക്കുന്നതിന്റെ ഭാഗമായാണ് കേളകത്തും ഇരിട്ടിയിലും വൈദ്യുതി തൂണുകളിൽ സംവിധാനം നിലവിൽവന്നത്. കേളകം പൊലീസ് സ്റ്റേഷനു മുന്നിലായാണ് ചാർജിങ് സൗകര്യം.

നിലവിലുള്ള വൈദ്യുതി തൂണുകളിൽ തന്നെയാണ് ചാർജിങ് പോയൻറ് സ്ഥാപിക്കുന്നത്. ഇതിലൂടെ റോഡരികിൽ പാർക്ക് ചെയ്തുതന്നെ ചാർജ് ചെയ്യാൻ സാധിക്കും. വിവിധ ആവശ്യങ്ങൾക്കായി നഗരത്തിലെത്തുന്നവരുടെ വാഹനങ്ങൾക്ക് ചാർജ് കുറവാണെങ്കിൽ ഇത്തരം പോയന്റുകളിൽ വാഹനം കണക്ട് ചെയ്തശേഷം പോകാമെന്നതാണ് നേട്ടം.