മാട്ടൂൽ ചാലിൽ കടൽഭിത്തി തകർച്ച ഭീതിയിൽ

പ​ഴ​യ​ങ്ങാ​ടി: മാ​ട്ടൂ​ൽ ക​ക്കാ​ട​ൻ ചാ​ലി​ൽ നി​ർ​മാ​ണം ന​ട​ന്നു​കൊ​ണ്ടി​രി​ക്കു​ന്ന ക​ട​ൽ​ഭി​ത്തി ത​ക​ർ​ച്ച ഭീ​ഷ​ണി​യി​ൽ. ക​ഴി​ഞ്ഞ​ദി​വ​സം ക​ട​ൽ ആ​ര​വ​ത്തി​ൽ ശ​ക്ത​മാ​യ തി​ര​മാ​ല​യ​ടി​ച്ച് ക​ട​ൽ​ഭി​ത്തി​ക്ക​ടി​യി​ൽ​നി​ന്ന് മ​ണ​ലൊ​ലി​ച്ചു​പോ​യ​തോ​ടെ ക​രി​ങ്ക​ൽ​ഭി​ത്തി ഊ​ഴ്ന്നി​റ​ങ്ങു​ക​യാ​യി​രു​ന്നു.

നി​ർ​മാ​ണ​ത്തി​ന്റെ പ്ര​ഥ​മ​ഘ​ട്ട​ത്തി​ൽ ത​ന്നെ ക​രി​ങ്ക​ല്ലു​ക​ൾ താ​ഴേ​ക്ക് ആ​ഴ്ന്നി​റ​ങ്ങി​യ​ത് നാ​ശ​ഭീ​ഷ​ണി​യു​യ​ർ​ത്തി​യ​തി​നാ​ൽ തീ​ര​ദേ​ശ​വാ​സി​ക​ൾ ആ​ശ​ങ്ക​യി​ലാ​യി. ക​ട​ലാ​ക്ര​മ​ണം രൂ​ക്ഷ​മാ​കു​ന്ന സൂ​നാ​മി ബാ​ധി​ത പ്ര​ദേ​ശം കൂ​ടി​യാ​ണ് മാ​ട്ടൂ​ൽ ക​ക്കാ​ട​ൻ​ചാ​ൽ തീ​ര​ദേ​ശ മേ​ഖ​ല.

എ​ല്ലാ വ​ർ​ഷ​വും ക​ട​ലാ​ക്ര​മ​ണ​ത്തെ തു​ട​ർ​ന്ന് തീ​ര​ദേ​ശ​വാ​സി​ക​ളെ മാ​റ്റി​പ്പാ​ർ​പ്പി​ക്കു​ന്ന​ത​ട​ക്ക​മു​ള്ള ന​ട​പ​ടി​ക​ൾ ആ​വ​ശ്യ​മാ​യി​വ​രു​ന്ന ഈ ​തീ​ര​ദേ​ശ മേ​ഖ​ല​ക​ളി​ൽ ക​ട​ൽ​ഭി​ത്തി നി​ർ​മി​ക്ക​ണ​മെ​ന്ന തീ​ര​ദേ​ശ​വാ​സി​ക​ളു​ടെ വ​ർ​ഷ​ങ്ങ​ളാ​യു​ള്ള ആ​വ​ശ്യ​ത്തെ തു​ട​ർ​ന്നാ​ണ് ഭി​ത്തി നി​ർ​മാ​ണ​മാ​രം​ഭി​ച്ച​ത്.

അ​ശാ​സ്ത്രീ​യ​മാ​യ രീ​തി​യി​ലാ​ണ് ഭി​ത്തി നി​ർ​മി​ക്കു​ന്ന​തെ​ന്ന് നേ​ര​ത്തേ ആ​ക്ഷേ​പം ഉ​യ​ർ​ന്ന​താ​യി തീ​ര​ദേ​ശ​വാ​സി​ക​ൾ പ​റ​ഞ്ഞു. ഭി​ത്തി നി​ർ​മാ​ണ​ത്തി​നാ​വ​ശ്യ​മാ​യ രീ​തി​യി​ൽ ക​രി​ങ്ക​ൽ ചീ​ളു​ക​ൾ പാ​കി അ​ടി​ത്ത​റ നി​ർ​മി​ക്കാ​ത്ത​തി​നാലാ​ണ് മ​ണ​ൽ ഒ​ലി​ച്ചി​റ​ങ്ങി​യ​തെ​ന്ന് ചൂ​ണ്ടി​ക്കാ​ട്ട​പ്പെ​ടു​ന്നു.